طلعت ليه و انا مستغربة و قلت ليه:ها خير؟ و كيف عرفت محل شغلي
يوسف:اريج م بتقصر
انا:غايتو م بتتبلا في لسانا فولا... خير م قلت لي جاي ليه!
يوسف:يلا اركبي سرعة
قلت ليه و انا بأشر على المحل :و الشغل حبيبي انا؟
يوسف:ادخلي اعتزري و قلي ليهم اي شي
انا:اقول ليهم شنو يعني
يوسف:خطيبي عاوزني في موضوع مهم
عاين لي و بقيت بتبتسم و قلت ليه:م جادي؟ 😂مشيت اعتزرت من رانية و طلعت ركبت العربية و قلت ليه :اها خير ي طير جايبني على ملى وشي كدا في شنو
يوسف:ماما عاوزة تقابلك الليلة
قعدت اضحك و قلت ليه :شششنو شنو؟ 😂مامي عاوزة تقابلني؟ ي حللاااوة
يوسف:موديك لي نون تلبسك
انا:هي و أمكن انا رافضة اقابلها!
يوسف:كفرافضة يعني؟
انا:كدا عديل.. انت قايل نحن مخطوبين بجد لا سمح الله؟
يوسفو و هو بقبل علي و رافع حواجبينو:ليه لا سمح الله عيبيني
انا:هههههه اخطب واحد بعاني من أمراض نفسية؟ و كل شوية مزاجو يقلب؟ م نصيحة انا ولا شنو
يوسفقعد يضحك و قال:انا م كدا بس الناس كعبة
انا:قصدك الناس خلتك تبقى كدا؟
يوسف:ممكن تقولي كدا
انا:يعني بجد في زول بقدر ااثر فيك و هيك؟
يوسف:ايوة تصدقي
انا:و د منو القادر د 🤣
يوسف:ليلى و اخوي
انا:شنو؟
يوسف:مفروض تكوني فهمتي من بداية القصة لكن طلعتي غبية
انا:و انت بتحبها يعني شديد؟
يوسف:صراحة ي شجن! انا م عارف زاتي اذا انا بحبها ولا خايف عليها من أحمد
انا:بتحبها اكيد.
يوسف:امي مصرة انو احمد لي لياى
انا:و انت م كلمتها بي سرك نهائي؟ انك بتحب بتخالتك؟
يوسف:م قلت ليها هي اصلا عارفة بس اكيد م حتحس لانو انا م ولدها الولدتو من بطنها
قلت ليه:كيف؟
يوسف:زماان....
رشا:انت قايل اهلي حيوافقو بيك و انت اصلا معرس و عندك ولد؟
طارق:يعني عاوزاني اعمل شنو ي رشا؟ اقتل ولدي و امسح الماضي حقي عشان نكون سوا؟
رشا:انا م قلت كذا و اكيد انا عاوزة اكون معاك لكن م بيدي ي طارق اهلي م حيوافقو بيك
طارق:و بتهم م كانت معرسة و اتلقط ليه م يرضو بي؟
رشا:في فرق ي طارق انك انت عندك ولد و انا م عندي
طارق:اها و يعني؟ هم م حيعرسوني معاك و انت اكيد م حتتضرري من يوسف..
بعد م ابوي أصر على امي رشا و بقا يلحق ابوها في اي مكان عشان يقنعو و فعلا اقنعو و ابوي و امي رشا عرسو انا كنت شافع لسا و عمري اظن 3 سنين ولا حاجة طبعا بعد سنة من عرس امي رشا ولدت احمد بتهتم بيه اكتر مني و بتلعب معاه و م بتلعب معاي، كانت هاملاني شديد و انا كنت بستغرب لي امي بتعاملني كدا و بتعامل احمد احسن مني! لكن م بنكر انها الربتني و م بنسا جمايلها علي هي الورتني الصح من الغلط و ربتني تربية صح بس نهائي م حضنتني عليها و لعبت معاي زي ما كانت بتلعب مع احمد انا م كنت مهتمي بي الشي د شديد لانو ابوي م كان مقصر نهائي حتا كان بهتم بي اكتر من أحمد عشان م يحسسني بي التقصير المن امي رشا و كانو بتكملو في يوم..
طارق:انتي ليه بتعاملي يوسف بي الطريقة دي؟ ليه بتفرقي بينه و بين احمد؟
رشا:بي بساطة لانو هو م ولدي ي طارق و انا من حسا بقول ليك اني انا م ححبو زي أحمد اي عارفة انا مقصرا بس م بيدي…
طارق:انا معرسك عشان انا كنت متأكد من انك حتهتمي بي ولدي و حتختيه في عيونك م كان عندي شك لكن سقطي من نظري شديد ي رشا و خليكي عارفة انك بتبوظي في أحمد بي دلعك د
رشا:الولد د م ولدي و انا م حقدر اديه اكتر من كدا ي طارق م تلومني الحاجة فوق طاقتي..
انا من م سمعت كلامهم بي الرغم اني صغير لكن فهمت انو رشا م امي و عرفت انو هي م بتحبني ليه و مشيت لي ابوي و حكيت ليه بي اني سمعتهم و هو اتضطر يحكي لي انا الوقت داك م كنت فاهم شي من كلام ابوي لكن كل م اكبر بقيت افهم كلامو بي الحرف أنا كنت شافع لسا عاوز ام تكون جمبي و تحتويني وقت اكون زعلان بس كان ابوي هو دايما جمبي و انا نهائي م كرهت امي في يوم بالعكس كنت بحبها شديد لحدي م كبرت و عرفت التفرقة البتعاملني بيها انا و احمد و اختي علا بس برضو م اشتغلت بي الموضوع و كان حبي ليها بزيد في كل يوم و لمن بدت تحس انو انا علاقتي مع ليلى بدت تقوا كانت بتقول انو احمد لي ليلى م كنت بشتغل بيها كنت يادوب في الجامعة و دايما كنت بسمعا بتتكلم مع ام ليلى :ها أنا ادي ولد أمونة لي بت اختي المن لحمي و دمي؟ احمد لي ليلى معروف
برضو م كنت شغال ب بالموضوع و كنت متأكد من انو انا و ليلى حنكون مع بعض لحدي م اعترفت لي بي حبها لي أحمد و عرفت انو شوية مستحيلة علاقتنا لحدي م كبرت حسا و عرفت انو احمد بجد لي عليلى
عاينت ليه و عيوني كلها دموع :و د كلو كاتمو في قلبك و م بتقولو لي زول؟
يوسف:حسا الببكيك شنو؟ 😂
انا:لانو عارفة الزول بكون محتاج لي امو قدر شنو و هو صغير 💔
مسح دموعي و قال لي :عرفتي لي منفسن انا؟
هزيت ليه راسي بمعنى: اي
قلي:عرفتي اني م بكون قاصد بجد لمن ازعلك؟
هزيت ليه راسي بمعنى: اي
يوسف:طيب بطلي بكا
بقيت بفكر انو م انا بس الفي بالدنيا دي عندي مشاكل و في مشاكل كتيرة و كل مشكلة قصتها غير و كنت حاسة بي يوسف شديد انو كان محتاج لي أم زي م انا كنت محتاجة لي اب قلي:طيب م تبكي م بحب اشوفك كدا
قلت ليه و انا بمسح في دموعي :انا زولة حساسة جدا
يوسف:ما هو واضح!😂
انا:حمشي متين اقابل خالتو؟
يوسف:حسا حوديك لي نون تظبطك حنتظرك برة
انا:طيب..
كنت فرحانة من انو يوسف شاركني قصتو و حكا لي اي شي عنو كنت مبسوطة و بحاول اخفي البسمة لكن كل م اتزكر لمن قالي "م بحب اشوفك كدا " م بقدر امسك روحي و قلبي بدق كل شوية.. للحظة حسيت انو انا في حاجات بتشدني ليع كتيرة و اني بقيت متعلقة بيه .. قطع تفكيري صوتو و هو بقول لي :شجن وصلنا
طلعت و دقينا الباب فتحت لي نون ساقتني الأوضة
نون:وي انا بقيت بشتاق ليكي
شجن:الله يخليني ليك ي شافعة 😂
نون:اها اليلة ماشة تلاقي رشا
انا:اي و مالك بتقوليها كدا
نون:المرة دي م بطيقا هو البطيقا منو اصلا
انا:صعبة ولا شنو
نون:و شنافة شنف للححخولا
انا:طمنتيني ي نون :)))
نون:اها اصلا م تشتغلي بيها في النهاية م حتعرسيه بجد
قلت ليها:كلامك صح... اها حتلبسيني شنو
نون:صراحة انا زاتي م عارفة.. تحبي تلبسي فستان؟
انا:على كيفك
نون:خلاص سمح
لبست فستان بيبي بلو من قدام قصير و من ورا طويل ماسك في الوسط و جاي فاري اكمامو واسعة قريب لي ملمس الشفون لبستني معاه كعب عالي ابيض و فيه خيطين بطربط لحدي فوق و رجعت لي شعري كلو لي فوق و ربطتو كحكة و طلعت لي خصل و لبستني حلق رينق بي الفضي
نون:م حعمل ليكي في وشك شي بس لبستك و خلاص
انا:عارفة ولا مرة في حياتي لبست كدا؟ م قاعدة اطلع لو طلعت بطلع عشان الشغل و هدوم شغلي عباية و انتها الموضوع
نون:حاولي غيري شوية زي م قلتي لي.. غمزت لي و طلعنا برا لي يوسف
فضل مبحلق فيني و انا اشيل و اتبسم قال لي:نمشي؟
انا:المفروض والله
ركبنا العربية و قلت ليه:يوسف اهلك؟ اقول ليهم انو م قريت و كدا؟
يوسف:اي طبعا قلت ليكي خليكي على طبيعتك ي شجن م تخافي من شي
انا:و امك؟.. اكيد حتشمت فيني
يوسف:صراحة انا م باقية لي، اي هي ربتني و اي شي لكن برضو م ادتني اي شي بستحقو كطفل+و رأيها م حيفرق معاي في شي حبتك م حبتك م حيهمني كتير لكن صدقيني ابوي و رغد حيحبوك شديد!
كانت اي كلمة من يوسف يطمني شديد مع انو البيحصل د كلو تمثيل و كزب لكن برضو كنت خايفة و متوترة!
بعد وصلنا البيت كان خرافي دخلنا من البوابة الكبيرة البنية و طوالي بنلقا نجيلة واسعة فيها ورود و شجر و زرع حلو شديد و قعدة و نافورة صغيرة كدا و اول م دخلنا البيت طوالي في صالة الضيوف الكانت مفروشة بي احلا عفش و معلقة فيها صور اهل البيت اول م جيت اسلم سلمت على ام يوسف المن نظراتها عرفتا انو م مرحب بي نهائي
رشا و مرسوم في وشها ضححكك مزيفة:نورتي😍... في حين انو حسيت بيعا عاوزة تقولي اطلعي من بيتي و خلي ولدي في حالو
انا:بنورك ي خالتو
علا:انا اختو لي يوسف اكيد كلمك عني 😍
انا:ايوة طبعا عرفتك 😍
رشا:اها ي جماعة نكمل كلامنا على السفرة مجهزة ليكم اكل
هناك كان قاعد الابو و كان يوسف نسخة من ابوهو بس ابوهو راسو اتملا شيب و ظهرت عليه ملامح الكبر لكن برضو كان بظهر لسا شاب.. و الاخو الأصغر لي يوسف الي هو أحمد بعاين بلا مبالا وبياكل و امو بتحمر ليه
طارق:نورتينا ي بتي اتفضلي اقعدي اكلي
قعدنا و بقينا ساكتين و بناكل قامت قالت امو:اها ي بتي قريتي شنو في الجامعة
انا :صراحة ي خالتو م قريت
رشا:سجمي جاهلة يعني والله عيب عليك الجامعة دي مهمة
ضحكت و قلت ليها:شوفي ي خالتو الجهل د م حكاية تعليم و بس الجهل د انك تكون زول م واعي تصرفاتك تكون سيئة و تفكيرك محدود د هو الجهل !في نطري انا ... يعني حسا انتي قلتي علي جاهلة مع انو بعرف اقرا و بعرف انجليزي كويس و بعرف اتعامل مع الناس سلوكي م كعب أخلاقي كويسة م سبهللية!
رشا:والله صدقتي ي بتي لكن برضو م كان تخلي جامعتك امك و ابوك وين من الكلام د؟
انا:والله الدنيا دي م بتدي اي شي ي خالتو انا اتولدت في بيئة صعبة شوية م كنت بقدر أتم قرايتي و بالعكس انا شغوفة و طموحة شديد و كان نفسي اقرا بس الظروف م سمحت لي
طارق:كلامك كلو صاح !و حسا انتي شغالة او كدا؟انا:اي شغالة كنت بشتغل في كفتريا المدرسة و لمن المدارس تقفل بشوف لي شغل و حاليا شغالة مع يوسف.
طارق:كويس والله ربنا يوفقك
رشا:ابوكي شغال شنو؟ و انتو اصلكم من وين
انا:ابوي مدير اعمال.. ابوي مواليد الخرطوم يعني مصري اجداده جو عاشو في السودان اما امي من بربر
رشا:طب م ابوكي شغال مدير اعمال م قادر يدفع ليك حق الجامعة اجش
يوسف غير الموضوع سريع و قال :وين ترحاس الليلة م شايفا؟
علا:الليلة يوم اجازتا بتجي بكرة
طارق:اها ي بتي حشا عندك هدف معين عاوزة توصلي ليه؟ او مشروع او كدا؟
اي :اي والله في و لمن اكون عندي راس مال طوالي حبذا فيه
طارق:اها و هو شنو؟
انا:سمعت بي ال Streetfood صاح؟يلا حبدا اعمل اكل خفيف سريع كدا في عربية صغيرة و ابيعا الفكرة م منتشرة شديد فلو عملتها متأكدة حتنجح و لو نجحت حنكبر الحاجة دي و نفتح مطعم !
طارق:انا بحب الناس الطموحين و عندوم أهداف و شغف فواصلي و م تخلي حاجة توقفك ي بتي و اوعك يوم تخجلي من شغلك ولا اي حاجة لانو انتي كبنت و نزلتي تشتغلي و قروشك حلال د شي كويس شديد
انا:شكرا ي عمووو
علا:صراحة الفكرة حلوة شديد و كنت دايما بتمنى انو يكون في حاجة زي دي في السودان
قعدنا نتونس شوية كدا و امو كانت دايما بطاعني بي الكلام لكن انا لساني طويل و هي خشت في كلام كتير معاي و انا عارفة م بطلع من موضوع و الا امنطق الزول ممكن تقولو تجربتي مع الحياة خلتني قوية …
اتونست مع عمو طارق و يوسف و علا و م اشتغلت بي المغرورة امو دي و كان ونستنا كلها ضحك و كذا
رشا:اها ي بتي استحملتي ولدي العصبي د كيف
انا:ولدك محتاج زول افهمو م اكتر ي خالتو😊❤️و هو م عصبي نهائي بالعكس.. بس امكن انتي م قادرة تفهميه ؟
رشا:كيفن؟ انا م قادرة افهم ولدي؟ انتي ي مقصوفة الرقبة انتي! جاية توريني ولدي؟
انا: روقي والله لو كنت قايلاك حتزعلي م كنت قلت كدا.. و انا طبعا من جواي موتي غيظ ي مرة ي حقيرة ي مستفزة
طارق:رشا كذا دايما متعصبة و بتفهم غلط
رشا:اها خلاص طلعتوني انا الغلطانة؟
انا:كيف ي عمو طارق متعصبة بالعكس كلاما صاح م مفروض اقول كدا.. حقك علي ي خالتو
علا: همست لي يوسف و قالت ليه:حببتك قااادرة🤣
ابتسم ليها وقال اها ي جماعة شجن م بتقدر تتأخر اكتر من كدا بعدا نمشي
انا:اي والله.. بجيكم تاني انشاءالله
طارق:اي بتي ابقي طلي علينا والله فرحنا بيكي
انا:تسلم ي عمي،اكيد تاني حجيكم، يلا ي خالتو❤️
رشا :حببتي معسلامة
#يتبع
