رجعت البيت لقيت امي منتظراني
حياة :اها الشغل كيف؟
انا:ماشي الحال، الناس هناك ظريفين شديد.
حياة بعاملوك كويس؟
انا:اي
حياة :مالك ي بت هابطة كدا؟
حضنتا و قلت ليها ربنا يخليكي لي 😞
حياة:مالك يشجن؟
انا:ماف شي والله شديدة
حياة:اقوم اسوي ليك شي تاكليه؟
انا:لا لا م جعانة
حساة:الليلة م طبيعية
انا:تعبانة بس م اكتر ماشة ارتاح... علي رجع؟
امي:اي ،نايم في الاوضة.
انا :لمن اصحا صحيني اقعد اسمع ليه م شايفاه قاعد اقرا .
حياة:اها م تشيلي هم.
انا:كيف م اشيل هم و الولد داخل الجامعة و مفروض يقرا عشان م يعيد السنة!
حياة:اها هي قومي ارتاحي عيونك لمن واقعة،و علي امورو بتتسهل انشاءالله.
اخدت لي تمهيدة و مشيت نمت!
-في جانب تاني-
رشا:الو
يوسف:اي
رشا:انت م جاي معانا بعدين
يوسف:جاي ي امي في حاجة تانية؟
رشا:م شفت اخوك مبسوط كيف
يوسف ضحك وقال:ربنا يتم ليهم على على خير.
رشا:عقبالك ي ولدي
يوسف:اللهم امين.
رشا:و انت وين امبارح م جيت
يوسف:ي دوب فكرتي تسأليني؟
رشا:عارفني ي ولدي مشغولة مع اخوك د و بفتش لي في توب البسو م لقيت واحد مناسب.
يوسف:تمام... قفل الخط و مسح وشو و شال ليه نفس و قام
-في جانب تاني-
ليلى:امي اعمل شعري كيف
هدى:لفيه كعكة
ليلى:ي الله م حلو لكننننن😩
منى:خليه فاكي م تعملي ليه شي
ليلى :اي واللله احسن، و انتي حتلبسي شنو؟
منى:بنطلون و تيشيرت
ليلى:م جادة
منى:كان م خالتو رشا و احمد و يوسف الجايبن؟اججش😂
ليلى:لكن جايين اخطبوني! عشان كدا م تفضحيني قدام الناس البسي ليكي فستان ولا اي مصيبة.
منى:عارفاني م مقتنعة بي الخطوبة دي ولا بي احمد ولا بي أي شي من الحيحصل فا شنو؟ I don't care حببتي.
ليلى:امي بتك شكلها غيرانةةةة😂
منى:المهم يختي حتعملي ميكب؟
عزيزة:اي لكن خفيف شديد
هدى:اي احسن زاتو😍
تلفون هدى ضرب و لقتا رشا اختها
رشا:اها العروس كيف؟ 😍
هدى:والله كويسة يختي من حسا قاعدة تجهز
رشا:الله يحفظها 😍
هدى:عاد ماف احسن منكم نناسبوم اختي و دمنا واحد احسن من م نديها للغريب
رشا:و نحن بتك ولا بنفوتا مننا بت طيبة و وواعية و حلاة الدنيا عليها😘
هدى:الله يتم ليهم فرحتوم و يعرسو و نشوف اولادوم ي رب
رشا:اللهم امين ياخ يلا حببتي لي بعدين كدا
هدى:يلا معسلامة ودعناك الله و الرسول
-في جانب تاني -
معز:مش قلت ليك م تضرب لي تاني؟
:لكن اتأخرت ي مان
معز:م تخاف الأمانة حتصلك لحدي عندك انت بس اهدا و م تضرب لي تاني
:خلاص ي زولي نتلاقى في مكانا الكل مرة
معز:تمام
-في جانب تاني-
اريح:ي امي والله م بعرسو 😭عاوزين تعرسوني لي واحد شفتو مرة وحدة بس؟ م حرام عليكم😭
ماجدة:انتي عارفة دا ابوك نهائي م انا و انا م مؤيدة الفكرة دي و لا انا بهون علي ارمي بتي لي واحد زي د
ابوهم ج داخل و قال:لو عرستيه حتكون لي مصلحتنا حنقدر نعيش احسن من كدا و ابوهو حيساعدني في الشغل عاوزة فرصة زي دي تفوت؟ انتي اصلا بتتكلمي ليه؟ انتي م عندك رأي في الكلام د البنت من 13 سنة بعرسوها انتي ماشة على 23 و لسا قاعدة لي في البيت عاوزة تجيبي لينا الكلام؟ 😡
اريج:يعني بتقضي مصالحك على حسابي انا؟ 😭ابوي د م يوم و يومين و حتفكا منو د خحيكون معاي24 ساعة و انا م بعرفو زاتو حرام عليك تعمل فيني كدا و انا لسا م شفت لي الدنيا شي عاوز ترميني في النار بيدك يابوي؟😭ليه بتفكر في نفسك بس؟ فكر فيني فكر كيف انا حعيش! م اصلا انت م هاميك!
بعد الجملة ذي ابوها لصق فيها كف و شداها من شعرا و قليها:رجلك فوق رقبتك حتعرسيه و ترضي بيه
-كسرة
لي الأسف في مجتمعنا السوداني بنلاقي حالات كتيرة زي دي مغصوبين على الزواج بس عشان مصالح اهلهم و هم في النهاية يطلعو الضحية! و نهايتها واضحة بتنتهي بالطلاق ! ي ريت نخلي الجهل و نوعا و نسيب العادات دي الدنيا كلها بتتقدم الا السودان راجع لي روا بي سبب فهمو المحدود و طريقة التفكير الهمجية دي ...
-في جانب تاني-
زي الساعة 9 قاعدين انا و امي في امانة الله فاتحين التلفزيون و بنحضر فجأة الباب ضرب بي طريقة فظيعة لمن عاوز يتكسر قمت سريع سريع فتحت الباب و لقيت اريج قدامي كان وشها مورم من البكا و لونها شاحب انا لمن لقيتا في الحالة دي اتخلعت قلت ليها: سجمي مالك؟.. اترمت في حضني و قعدة تبكي
-في جانب تاني-
طلع من الحمام و لافي البشكير في نصو و بقاية الموية بتنزل منو و قف قدام المراية بدا يخفف في دقنو لبس الهاينك البيجية و معاه بدلة كحلي و بنطلون نفس لون البدلة قصير شوية من تحت و جزمة سبورت بيضة و رشا من عطرو الدايما بستخدمو و لبس الساعة البنية...
الام كانت الفرحة م سايعاها و كلهم كانو فرحانين برغم انو يوسف كان زعلان و مضايق شديد بس ابدا م مظهر الحاجة دي و فكرة انو ماشي يخطبو لي اخوهو البنت البحبها كانت بتقتلو في الثانية مية مرة بس برضو كان صامد و م كان في اي تعابير في وشو...
ج الوقت الحيقابل فيه ليلى كان خاطرو مكسور شديد ركب العربية و وصل بيتها و هو شايف الزينة البي برة كان في صراع جوة في قلبو نار محتاجة زول يطفيها دمو كان بغلي م كان في زول حاسي بيه...
دخلو كلهم و قعدو و بدو يتونسو في مواضيع هايفة بتاعة الكبار دي جات منى قعدت جمب يوسف قاللت ليه:هي انت
يوسف:مالك ي اختنا
منى:انت المالك؟ 🌚
يوسف:مالي؟
منى:انا السآلتك🤧
يوسف:عاوزة شنو ي شاففعة
منى:انا الشافعة برضو ي يوسف؟
يوسف:شافعة والله🤪
منى:لا لا تمام ي زول😭
يوسف:مالك حلوة كدا ي بت؟ 😏
منى:حلوة بي وين انت كمان🙂
يوسف ضحك و قليها:اها م عاملين لينا شي ناكلو؟ جعت والله😂
منى:حتتا انا عاملين حاجات كتيرة لشنو م بعرف
يوسف:عليك الله عان ديل قاعدين زي ألما بعرفو بعض😂
منى:اصلي م مقتنعة بي الخطوبة دي
يوسف:قولي بس غيررااانة😏😏
منى:اخر وحدة اغير انا😜
يوسف:مالك طيب
منى:م مقتنعة بي احمد د بتاع لعب ساي هي😂.
يزسف:الليلة اصبري بكلمو ليك
منى:م بهمني😂
يزسف:بعد الشغلة دي عازمك
منى:وين. 😭
يوسف:مطعم بتاع اقاشي رهيب
منى:طوااالي😏
ليلى جات و سلمت على الناس و ماشاءالله كانت حلوة شديد مدت ايدا لي يوسف و ختت عينا في عينو ضغط على يدها و قليها:مبروك مقدما ي عروس!
اكتفت بي انها تسكت عاينت ليه تاني و مشت قعدت جمب امها يوسف كان نفسو يوقف البحصل د و يوريهم انو احمد م زول عرس لكن م قادر ولا حيقدر..
طارق:طبعا انت عم البت و في مقام ابوها يعني نحن جاين نتقدم لي بتكم ليلى طبعا زي م عارفين،و انتو شوفو و ادونا الموافقة نلبس دبل طوالي
مجدي:طبعا نحن اتكلمنا في الحاجة دي قبل كدا و لا فكرنا زاتو انتو ناس محترمين و كويسين و انا مآمن على بتي معاكم
طارق:يعني؟
مجدي:الله يكتب الفيه خير
رشا:الفاتحة ي جماعة...بدو النسوان ازغردو و يباركو لي بعض كانت في فرحة كدا م سايعاهم الا تلاتة بس! يوسف زي م عارفين بحب عزيزة و عارف انو احمد بلعب بيها اما منى م كانت مقتنعة بي احمد نهائي و عارفة انو هو م بحبها زي م هي بتحبو و هي كانت عوزة يوسف لي أحمد اما رغد كان بالا كلو مع يوسف لانو عارفاه بحب ليلى....
-في جانب تاني-
اريج:انا م بقدر ي شجن اعرسو 😭والله م بقدر ياخي اكبر مني بي ١٧ سنة غير انو شفتو مرة وحدة بس و تفكيرو م زي تفكيري 😭😭و اصلا م حيسكني الخرطوم اتخيلي؟ انا والله لو دخلت بيتو و قعدت معاه بموت ي شجن كيف ابو يرمي بتو لي زول هي م مرتاحة معاه بس عشان مصلحتو و طب حقي الضايع😭😭
انا:والله عارفاك و حاسة بيكي لكن د م حيحصل نهائي طالما انا هنا موجودة جمبك و نهائي نهائي م حتعرسيه و انا في و ابوك في
حياة:عاد شفتي تقعدي هنا بس و م تتحركي مكان لحدي م نشوف حل لي الموضوع د اضربي لي امك كلميها انتي هنا عشان قلبها م يتقطع عليك
انا:اضربي ليها بي تلفوني عشان لمن تشوف رقمك حتكورك و تقول دي اريج
ضربت لي امها و ردت:الو
اريج:امي دي انا اريح و م تتخلعي و امشي بعيد من ناس البيت بزات لو ابوي في انا كويسة و عند ناس شجن
ماجدة:وين انتي ي بتي قلقتينا عليكي ابوكي هايج شديد لو جيتي البيت عادي ممكن يقتلك
اريج:يقتلني ارحم من م اعرس الراجل داك م تخافي انا مع شجن
ماجدة :و حتعملي شنو؟ انا خايفة عليكي من ابوكي
اريج:م تخافي ي امي حسا معسلامة انا برجع ليك بعد شوية.. قفلت منها و قالت:ابوي هايج شديد و امي قالت لو رجعت البيت عادي ممكن يقتلني:))
انا:و منو ف القاليك حترجعي البيت؟ 🌚
اريح:كيف يعني؟؟
انا:نحن لازم نفهم ابوكي انو العرس د عادي يقتل اريج و حالتها النفسية م بتسمح ليها و ممكن د يؤدي لي الانتحار و طبعا ابوكي حيكون خايف عليكي شديد يعني في النهاية انتي بتو!
اريج:و اها؟ لو قلتي ليه كدا مثلا حيصدق؟ انتي قايلة ابوي اهطل؟
انا:معقولة كمان؟ نحن حسا حنركب ركشة اعملي فيها دايخة نوديكي للمستشفى طبعا حيدخلوكي غرفة و انا حدخل معاكي حمسك الدكتور افهمو بي الحاصل د و اقنعو و انا بي هنا حضرب لي امك اقول ليها اريج في المستشفى و حالتا كعبة شديد و طبعا ما حقول ليها انو د م حقيقة عشان م حتعرف تمثل و ابوكي م حيصدق
حياة:والله ي بتي طلعتي فظظظييعة عاد خلعتيني
اريج:د من كترة الأفلام البتحضرا ي امي
انا :اسكتي حيوانة دي اصلا ماف خل غير كدا🌚+تصدقي شفتها من فلم😭😂
اريج:والله عرفتك
انا :حسا دي نركب لينا اي شي نمشي المستشفى
حياة:هي تمشو بركاكم اخر الليل دا؟
انا:اضربي لي معز قوليه شجن تعبانة و عاوزين نمشي الدكتور اقل من خمسة دقايق و حيكون هنا 🌚
-في جانب تاني -
يوسف:كيق بالله الاقاشي د😏
منى:فظظيع والله تاني كل مرة جيبني هنا
يوسف:المرة الجاية حأكلك كفتة
منى:والله حتسمني انت بعد م ضعفت😭😭
يوسف:ي بت هي اكلي ساي جنيتي اصلا روحك عاوزة تطلع بقا م عندك ضجوم زاتو 😡😡
منى:الحمدالله عشان كان كل دقيقة تجضمني تعبتني انا و جضومي دي ياخ
يوسف ضحك و قليها:عبالل اشوفك عروسة
منى:بختو البعرسني
يوسف:بختو شنو🌚والله يحليلو امو حتكون داعية عليه 🤣حيعرس وحدة لسانة د نهائي م بسكت.
منى:انت حقار على فكرة
يوسف:حتأكليه كل يوم اندومي😂
منى:على فكرة انا شاطرة في الطبيخ😌
يوسف:شاطر انا د والله ازكرك بي الرز الاتحرق؟
منى:انتو حللكم بايظة😒
يوسف:امي م تسمعك 😌
منى:عبالك انت د🌚
سكت مسافة و قليها اللهم امين
منى:عارفاك بتحبها
يوسف:منو هي
منى:حيكون منو يعني ليلى
يوسف:جادة ي بت هي زي..
منى:م تقول لي زي اختك😒
يوسف:م بحبها ي بت و بالعكس فرحان ليها شديد
منى:مسكت يدو و قالت ليه:صدقني اختي فوتت أطيب و احلا ولد و كمان بحبها و مشت لي أحمد و انا عارفة البير و غطاه ،اسمعني هي زاتا م بتستاهلك، و ربنا حيعوضك لي البتقدرك و تحبك بجد و الدنيا م واقفة علي الست هانم 🙂
ضغط على يدها شديد و قال ليها:بحبك😔
منى :ايدك لتوحشك ياض
ضربا في راسا و قليها:تمي اكلك😂
-في جانب تاني-
لو سمحت ي دكتور بقت كيف
دكتور:انا عارف انو هي م عندها شي
انا:عاوزاك تساعدني اتخيل ي دكتور حيعرسوها لي واحد أكبر منها بي 30 سنة بس عشان مصلحة و البت نهائي م عاوزاه و غير انو اكبر حرامي و واحد قليل ادب و معرس تلاتة و كمان هي رابعة و عارف يدوب هي عمرها 23 تخيل
دكتور:اها و انا المطلوب مني شنو
ابوها و امها واقفين برة عاوزك تقول لي ابوها.......
طلع برة و قال:انت ابو البت؟
ايمن:اي ابوها
الدكتور:البت الجوة دي حالتا متدهورة شديد و حالتها النفسية كعبة يعني اي كواريك او ازعاج طوالي ممكن تروح فيها هي حسا داخلة في حالة اكتئاب حاد و من م شخصتها و اتكلمت معاها فهمت من كلاما انكم غاصبنها على حاجة ف يا ريت تتنزالو لو عاوزين بتكم تعيش
ايمن:و حسا هي كيف؟
دكتور:هي حالتها اتحسنت لكن م ترجعوا البيت لانو حتتزكر المشكلة و حتتعب
ايمن:الله يديك العافية و ماف أدوية او كدا؟
الدكتور:في أدوية لكن م عاوزها تتعود عليها لانو بعد شوية حتدمنا و م حتقدر تخليها... احسن تخلوها تتحسن مع الوقت اسبوع بي الكتير و تقدر ترجع البيت بحالتها الطبيعية يلا عن اذنكم
طلعت برة و لقيت ايمن متوتر ماشي و جاي و ماشي و جاي قلت ليه:كيفك ي عمو
ايمن:شجن شجن بتي أمانة في رقبتك الدكتور قال م ممكن ترجع البيت خليها عندك اسبوع ي بتي انا لو عارف موضوع العرس بعمل فيها كدا والله م كنت غصبتها ولا كوركت فيها
انا:م تخاف ي عمي اريج م بتجيها شي معاي و بغير ليها جو.. عاينت لي ماجدة لقيتا منهارة و تعبانة و وشها انعل قفاها قمت حضنتها و قلت ليها:مافي شي نحن عاملين كذا عشان عمو ايمن يصرف نظر بس انتي واصلي كدا و خليكي خايفة عشان هو يصدقك.... اتفكيت منها و قلت ليها:م تخافي ي خالتي بتك م بتجيها اي شي حسا ماشة اشوفا
دخلت ليها و قفلت الباب:كان شفتي ابوك عامل كيف🤣🤣🤣🤣🤣🤣🤣🤣والله برجف زي الجدادة🤣🤣🤣🤣اقسم بالله قربت اضحك في وشو و قال لي بلاه العرس🤣
اريج:كككزززااابة ي شجن يعني الخطة نججحت؟ 😭😭
انا:نجحت و بس؟ دي اخترقت النجاح زاتو غير انو حتقعدي معاي اسبوع كككامل😌
اريج:انا م مصدقة نهائي طبعا😭
انا:احمدي ربك انو في شجن في حياتك ي بت😏حسا حقول ليهم خشو ليها و كدا انت اعملي نفسك حتموتي عديل بس اسكتي و خليك سرحانة🤣🤣
دخلو و ايمن بقا يعاين لي بتوو و هي راقدة في السرير و مركبين ليها دربات و وشها التعبان و د كلو كضب 😂
مسك ليها ايدا و هي عاينت ليه و تاني رجعت سرحت و الله انا قربت أصدق🤣امها جات حضنتها و شيلي و ابكي مع انو انا لقلتا ليها انو كضب ،طلعت الام زي بتها 🤣
الدكتور د داخل و قال حسا مفروض تطلعها و تمشو بيها البيت تاني ماف شي
وصلنا ابو اريج لحدي بيتنا و تكلنا اريج و طلعنا بيها الشقة و قفلنا الباب اتاكدنا انهم مشو و اتفقعععننا ضحك🤣🤣🤣🤣🤣🤣
حياة:والله انا هنا قاعدة ادعي ليكم دعا 😂
علي :د شنو اريج قاعدة تعمل هنا شنو
انا::حتبيت معانا اسبوع😌
اريج:خليني من كذا انا م مصدقة ابوي الهطلة د صدق😂😂😂
انا:ي بت انا زاني كنت حاسه حجي الأوضة يلصق فيكي كفين و يشدك من شعرك لحدي بيتكم
حياة:احكو لي بي التفصيل
حكينا ليها
حياة:كر علي ي ماجدة تكون لحدي حسا بترجف من الخلعة حرام عليكي ي اريج
اريج:هي ولا حرام ولا شي احسن زاتو اتفكيت من الموضوع د بجد من غيركم انا م كنت حعرف اعمل شنو😔الله يخليكم لي
انا :هي انا بكرة عندي شغل قايلني فاضية ليكم؟ 🌚ماشة اتخمد بعدا
حياة:قومو يلا عشان اطفي الانوار ادخلو نومو و انت يعلي خلاص كفاك قراية اطفي النور د و نوم الساعة داخلة على وحدة
-في جانب تاني -
دخل شقتو و رما المفتاح في الطربيزة طلع الجكت ختاه في طرف الكنبة مشا على اوضتو اتجرد من هدومو دخل اخد ليه دش بعد اليوم الطويل العصيب د طلع لبس شورت و فلنة نص كم و انداح في السرير و شالتو نومة عميقة
#يتبع
