حياة:عايني انا ماشة لي ماجدة
انا:ليه ما مالا؟
حياة:بري والله ماشة اتونس معاها و عندها حاجات في البيت عاوزة ترتيب قلت امشي اساعدها و بي المرة نتونس
انا:كويس سلمي لي على اريج
حياة تمام
-في جانب تاني-
يوسف:اها خلصت؟ عشان نمرق سوا
ابراهيم:اي الحقني تحت حسا نازل
يوسف رما ليه مفتاح المكتب و نزل.. اول م فتح باب العمارة لقا معز قاعد ابتسم و قليه:جاي تتدقا ولا شنو😂
معز:لا والله كدي تعال نتفاهم
يوسف استغرب قال د مالو قعد جمبو في المصطبة قليه:عاين ي يوسف انت شكلك ود ناس تمام انا م عايز معاك مشاكل اسال اي زول ماشي عني و حيقول لليك اختاني
يوسف:من الاخر عاوز شنو
معز:عاوز شجن.. خلي شجن في حالا و بي هداوة و بدون مشاكل تمام؟ عاوز مشاكل و عاوز تتدقا؟ عاند معاي
يوسف ضحك و قليه:عيد عيد اخر كلام؟ ادقا؟ 😂😂ي ود منو العلم على وشك ااا؟..... مسكو من ياقتو و رفعو و قليه:انت الما تامي شبر و روحك طالعة بتهددني انا؟ و ان كان على شجن ماف ليك لانو عرسنا قريب..
معز رفع يدو و في أقل من خمسة دقايق جوهو راجلين ماشااءللله لو لمو في زول بطحنوهو طحن يوسف عاين ليهم و بلع ريقو قام معز قال:اها عشان تبقا عارف البلعب معاي بحصل ليه شنو.. اها عندك آخر فرصة قولي شجن وين و انا حرحمك
يوسف ضحك و قال:لا اضربوني احسن... جاتو بنية في نص وشو اتملا دم... بقو يشلتوهو في بطنو و ضربوهو لمن قالو بس.. الحظ لعب مع يوسف و جات شرطة مارة بي جنبهم و كلبشو رجال معز و ركبوهم البوكس و الناس كانت متلمية فوق راس يوسف .. ابراهيم جا نازل لقا يوسف واقع في الأرض و قميصو الأبيض اتملا كلو دم... ابراهيم و معاه كم زول كدا شالو يوسف و ختوهو في عربية ابراهيم و مشو بيه المستشفى يوسف كان واعي شوية و بقدر اتلكم قال بي صوت تعب عشان يطلعو:ابراهيم م تكلم امي او زول من اهلي... بعد الجملتين دي يوسف غاب عن الوعي..
-في جانب تاني-
منى:جيلان انتي وين؟ انا جيت الجامعة و م لقيتك عيانة ولا شنو؟
جيلان:عيانة شنو..امي قافلاني في الاوضة عشان عرفت انا لاقيت شجن
منى:و ابوكي وين
جيلان:بابا لو عرفا حيقتلا.. امبارح حزرا لكن هي راكبة راس.. بعد م طلع.. جات بستفتني و قفلتني بي الباب
منى:مشا وين عمو خالد
جيلان:عندو سفرية جوة السودان حيجي بعد شوية ووالله حيطلع زيتا
منى:يبت دي امك في النهاية
جيلان:اه اصلا بفكر اهرب امشي اقعد مع اختي
منى:منو كلهم مع رجالهم تجي تتحشري نصهم
جيلان:شجن قاعدة و اصلا هي حسا قاعدة مع ودخالتك مش؟ في بيتو انا ماشة ليها غايتو
منى:شجن بتحب يوسف
جيلان:بختو يوسف عاد😎
منىى:المشكلة م هنا
جيلان:اها
منى:المشكلة يوسف بحب ليلى ي بنية
جيلان:و انتي وش دراك؟
منى:جيلان انتي عبيطة ولا شنو؟ لو عبيطة وريني!
حيلان:ياخي فاهة لكن قصدي يعني أمكن هو حسا بحب شجن يعني دايما معاها و ماشاءالله شجن احلى من ليلى زاتو و زوولة طيبة شديد و ظريفة
منى:هو الوحيد الحيكون عارف! 😀
جيلان:منو
منى:ابراهيم! ابراهيم صحبو شديد اكيد حيكون قاليه او جاب ليه سيرة شجن
جيلان:دخلي نون في الكول
نون:عاوزين شنو ي جماعة
منى:انتي لسا مع شجن؟
نون:اي في شنو؟
جيلان:امشي بعيد منها كدي
نون:سمح... اها في شنو؟
منى:اضربي لي إبراهيم و دردقيه ازا يوسف قليه حاجة عن شجن
نون:عارفناني انا الايامات دي عاملة تقيلة و بتاع م بضرب ليه
جيلان:خلي العباطة ي بت حسا بجي لاحقاك
منى:عليك الله ي نون ياخ...
نون:خلاص قدو طيب عشان اضرب ليه
نون قفلت و عاوزة تضرب لي إبراهيم كذا قمت خشيت ليها:بتعملي في شنو يبت
نون:ولا شي كنت عاوزة اضرب لي إبراهيم اسلم عليه
انا:ااشي على ابراهيم
نون:خلي العوارة😁صحي وين علي لسا م جا
انا:الليلة برجع بليل معسكرين في المدرسة
نون:ايوواا
قعدت في السرير و ربعت رجليني وقلت ليها:اها اضربي يلا😀
نون:اضرب لي منو؟
اما:الله؟ مالك ي بت لي إبراهيم حيكون من يعني... قطع كلامنا صوت تلفوني لمن شفتو لقيتو معز:نعم عاوز شنو؟
معز:البقاء الله ي شجن😊
انا:ماشي تموت وللا شنو والله تكون ريحتنا زاتو
معز:لا لا م انا 🌚انا لسا بدري علي شوية.. البقاء على روح حبيبك العلم علي المرة الفاتت و جا دورو و حسا أمكن مات م معروف لكن رجالي اكيد م رحموهو افتحي الوتسب..
انا من التوتر سخنت وعرقت و بقيت برجع فتحت الوتسب لقيت فديو و يوسف يضربو فيه بقيت بكورك قمت على حيلي و جريت على الأوضة و شلت عبايتي و نون بتقول لي في شنو و انا م قادرة ارد مسكتني و شالت التلفون و شافت الفديو و انا بي هنا خلاص على اساس يوسف مات... كنت قاعدة في الأرض و ببكي بحرقة نون ضربت لي إبراهيم بعد كم محاولة ردا :نون بي صوت شبه مسموع :مات يوسف مات ي إبراهيم؟ قولي يوسف مات؟ خلاص حيمشي و يخليني
ابراهيم بقا يكورك فيها:جحنيتي انتي؟ جنيتي ي بت؟ د شنو الكلام التبقولي فيه د اوهو يوسف معاي نحن في المستشفى لكن م حصل ليه شي
نون شالت نفس و مسحت دموعا و قالت ليه:انتو وين
ابراهيم:في مستشفى (.... ) تعالي لكن اوعك تكلمي زول يوسف موصي علي
نون:طيب قفلت التلفون و بقت تهدي فيني و قالت لي:يوسف م خصل ليه شي اهدي في المستشفى هو... نزلنا تحت سريع سريع و مشينا المستشفى لقينا ابراهيم :جماعة م تخافو م حصل ليه شي د شنو البكا د كلو
انا:يوسف وين عاوزة اشوفو
ابراهيم:قاعدين ينضفو ليه في الجرح و ادوهو دربات بعد م يصحصح حنوديه البيت
مشيت عاينت ليه بي الشباك كان لافين ليه راسو بي شاش و علامات الضرب مالية وشو انا بديت ابكي زيادة حضنت نون وقلت ليها:كلو مني ي نون كل مني😭انا السبب😭
نون:خلاص ي شجن اهدي حسا تقعي انتي تموتي من البكا دا
انا:انا مفروض اطلع من حياتو صح
نون:حسا د شنو الكلام البت قولي فيه د؟ بدل م تدعي يقوم بي السلامة...
ابراهيم:انا ماشي اجيب ليه هدوم من البيت ادوني المفاتيح
اديتو ليه و قلت لي نون:ارجعي حضري ليه اكل و رتبي الأوضة انا حقعد هنا لحدي م يصحا
نون:طيب ارح ي إبراهيم
بعد مشو دخلت ليه الأوضة و بقيت بقرا ليه في قرآن و بقيت مستنياه يصحا كنت قاعدة في الكنبة و خاتة ايدي في وشي و يوسف فتح عيونو و بقا بعاين قال بصيغة سوال:شجن؟
مشيت عليه و بقيت ببكي شديد ضحك قلي :لابسة الهدوم بي القلبا
بقيت ببكي زيادة و واقفة بعاين ليه مسك يدي و جراني قعدني جمبو و مسح لي دموعي و قلي:مالك حسا بتبكي م اوهو انا قاعد قدامك م حاصل لي شي م مت لسا😂
قلت ليه:الحاصل ليك د كلو بي سببي ! انت قاعد هنا بي سببي قلت ليك معز ممكن يعمل ليك شي انا خايفة عليك ، المرة الجاية ممكن يقتلك عديل لو عرف انك لسا عايش حيقتلك... يوسف مسك يدي و قلي:انتي م عملتي شي انا الاخترت اكون معاك
انا:انا حاسة انو كفاية لحدي هنا ي يوسف 😭شايفة انو احسن تبعد مني انا م بتحمل تتأذي بسببي انا
يوسف:و انا م بتحمل تكوني بعيدة مني ي شجن 💔
سكت مسافة و دموعي نازلة ة قلت ليه:يوسف لو حصلت ليك حاجة بسببي.. قاطعني و قلي:م تقولي كدا م تقولي كدا يشجن انا مستحيل اخليك و امشي و مستحيل اخليكي لي معز على جثتي ي شجن..
انا:المرة دي نجيت المرة الجاية حيحصل شنو؟
مسح لي دموعي و شال يدي و ختاها في صدرو و قلي:قلبي لسا شغال م مت... بعدين مالك عاوزة تجيبي اجلي 😂
و انا لسا ببكي :يوسف انت م جادي؟ 😭
يوسف:د شنو النكد د يبت... حتجيبي لي الفقر ببكاكي د 😂
ضحكت و و مشيت ايدي على وشو بتحسس في الضربات قلت ليه:واجعاك؟
يوسف:لا
مسكت راسو و بقا يكورك:شجن
انا:معليش معليش والله م... لقيتو بضحك قلت ليه:حيوان قلبي كان حيقيف
يوسف:ماشاءالله ابراهيم م قصر كلم اكتر وحدة خوافة 🤣هو وين صحي؟
انا:مشا اجيب ليك هدوم
بعد كم كدا دخل ابراهيم و قليه:حمدالله على السلامة
يوسف:الله يسلمك..
ابراهيم:نون قايلاك مت ضربت لي و بقت تبكي زي الهبلة😂😂
يوسف:القاعدة جمبي دي اهبل منها والله من قبيل شغال بقنعا انو انا حيا ارزق 😁
دخل الدكتور و طلع ليه الدربات و لبس و تكلو ابراهيم لحدي العربية
ابراهيم:عايني ي شجن الكبسولة يوسف ببلعا كل تنمية ساعات تمام و في علبة بتاعة دوا تاني بعد الفطور يبلع اتنين تنضفي ليه الجروح من ساعة لي ساعتين و تدهني المرهم حتا الأورام الفي بطنو و ضهرو ادهني فيها تمام لازم ياكل كويس و يبطل السجاير الايامات دي و يقلل القهوة عشان مفعول الدوا يمشي فيه
انا:تمام.. سامع ي يوسف؟ ماف قهوة
يوسف:هي إلا القهوة السجاير م حنك لكن القهوة
انا:كباية بس وحدة الصباح
ابراهيم:خلي بالك منو ي شجن... اها زاتو احسن حصل ليك كدا ترتاح من الشغل
يوسف:طيب ابراهيم مفروض بعد بكرة ننزل موقع انت انزل بدالي داقين جرس ناس المدرسة
ابراهيم:ابشر
امي ضربت لي اسمعي انا حبيت معاهم الليلة
انا:امي انتي شنو حكايتك الايامات دي؟
حياة:م قاعدة اعمل شي في البيت بقعد ساي قاعدين انا و ماجدة و اريج بنتونس
انا:امي تخليني براي
حساة:مش علي قاعد؟
انا:خلاص اقفلي برجع ليك بعدين
يوسف:شنو ي شجن تخليني براي انا م مالي عينك؟
انا:لا قصدي يعني
ابراهيم ضحك و قليه:م تعصر عليها 😂
-في جانب تاني -
الناس اتمسكو ي معز و ممكن افتو كلو و نتقبض
معز:اهما شي الود مات ولا لا
-ولله م عارف لكن م سلم منهم
معز:مات عايش المهم فهم حاجة...
-في جانب تاني-
نون:عملت ليك شوربة خضار م حصلت
يوسف:انتي من متين بتخشي المطبخ
نون:اها الليلة خشيت ليك !اكل و انت ساكت
ابراهيم:اها بعدا انا بمشي
نون:ليه ي إبراهيم؟ خليك شوية
ابراهيم:لا لا امي منتظراني لو اتاخرت اكتر من كدا بتشفق
يوسف:انتي زاتك ي نون خلاص ارجعي بيتكم امك قاعدة يومين براهم
نون:والله ضربت لي جبيل زعلانة مني... لكن انت تعبان ي يوسف م بخليك كدا و هي زاتا لو عرفت انك عيان بتقولي م تجي
يوسف:لا ي نون امشي ليها و م تشفيها و م تقولي ليها هن الحصل ولا منى فاهمة؟
نون:طيب البتشوفو
ابراهيم:طيب ارح بوصلك
نون:عربيتي تحت
ابراهيم:مجنونة انتي عاوزاني خليكي تمشي براكي نص الليل د؟
نون:خلاص م تكورك خليني امشي اجيب حاجاتي
بعد طلعت علي جا داخل و اتخلع:مالك ي يوسف
يوسف:اتلمو علي ناس ي علي فظظظيعين 😂
علي:و اتفكيت منهم كيف؟
يوسف:والله شرطة جات بي الصدفة لو م هم كان زمان ميت
علي:اها و..
انا:علي امشي نوم خلي الكلام الكتير.. بعدين م شايف يوسف تعبان؟
يوسف:خليه ياخ
انا:انت كمان اسكت... اعمل ليك شي تاكلو؟
علي:م جعان بس نعسان اها معسلامة لي بكرة
يوسف:تصبح على خير
علي:و انت من اهلو
انا:يلا قوم ي يوسف انت زاتك ارتاح... قام علي حيلو و قلي:ممكن تسنديني؟
انا:عامل فيها م قادرت تمشي يعني؟بطل استهبال
يوسف:سمعتي ابراهيم قاليك شنو قاليك اهتمي بي يوسف !
انا:و ويوسف قعد اتدلع ساي لكن م حنك قوم تكلتو لحدي م رقد في السرير قلت ليه :اقلع البلوزة عشان اخت ليك المرهم...
قلعا و تكل راسو على السرير و انا قاعدة جمبو و خجلانة و هو بتبسم:مالك بتضحك
يوسف:وشك احممر
انا:اسكت ياخ... كبيت المرهم و بقيت امسحو ليه و مدنقرة راسي و بقيت ببكي..الدموع نزلت في بطنو رفع لي راسي و قلي:مالك ي بت؟
انام حينفع كدا ي يوسف صدقني... معز حيقتلك عارف يعني شنو حيقتلك؟
يوسف:نحن مش اتكلمنا ف بالموضوع د و قفلناه؟
انا:لازم تبعد مني ي يوسف
يوسف:م عاوز ابعد منك م عاوز،
بقيت بكورك و ببكي :ليه ليه م عاوز؟ناوي تموت؟
يوسف:عشان بحبك ي شجن 💔م حقدر ابعد منك ولا دقيقة ولا لحظة .
عاينت ليه و دموعي قاعدة تنزل قلي:م تبكي ي شجن عليك الله م تبكي.. بعدين ليه عاوزني ابعد منك؟
انا :عشان بحبك !انت عارف حياتك في خطر؟ و بي سببي انا
ضحك و قال:حسا انت بتحبيني جدجد يعني، 😂
هزيت ليه راسي قلي بي صوتو الرجولي الأبحا:م تبكي.. اتعدل في قعدتو و مسح لي دموعي و قلي :صدقيني حنتخطى اي شي مع بعض ..و معز انا لي تصرف تاني معاه
انا:لا معز لا.. لو بتحبني بجد م تسألو.. انت عارف ممكن يعمل شنو صح؟
جراني عليه و باسني في عيوني و قال:م عاوز اشوف العيون دي بتبكي تاني تمام؟
هزيت ليه راسي رجع حضني تاني و قلي:من متين؟
زحيت منو و بديت امسح في المرهم و قلت ليه:من متين شنو؟
يوسف:بتحبيني؟ 🤔
ابتسمت و قلت ليه:و انت مالك🤭
يوسف:عليك الله وريني
انامن م شفتك اول مرة
يوسف:اااشييي😂
شجن:و انت؟
يوسف:انا شنو؟ 🤔
انا:بتحبني من متين
يوسف:م بحبك هي منو قال بحبك🤭
انا:م عاوزة اضربك و انت عيانة كدا 😅
يوسف:طيب جيبي بوسة 😏
شجن:انت قليل ادب على فكرة!... قمت من محلي و قام مسكني قلي اقيفي ماشة وين 😂ضهري م سويتيه😁
انا:علفكرة انت مستهبل
يوسف:ي زولة انا مش حبيبك؟ 🥴
يوسف:لا م تقول الكلمة دي م بحبها
يوسف:طيب راجلك كيف و كيف
قعدت اضحك قلي:م تتفصلي لي كدا😂
مسحت ليه ضهرو و ساعدتو عشان يلبس البلوزة :تصبح على خير
يوسف:ماشة وين😒
انا:ماشة انوم زاتك ارتاح انت
عاين لي و عاين لي السرير و بقا بتبسم قلت ليه:على فكرة قلة أدبك فايتة الحد.
يوسف:طيب امشي و اقفلي معاك النور
انا:اممم يوسف
يوسف:عيونو
انا:ممكن ماف زول يعرف بي علاقتنا دي؟ بسوالايامات دي!
رفع حواجبو و قلي:ليه؟
انا:بس ياخ
يوسف:البتشوفيه
طلعت و انا بحاول استوعب في الحصل و في انو يوسف قلي بحبك يعني انا كان أول مرة احس بي الاحساس د😭م عارفة كنت كل م اتزكر الحصل بتبسم و بضحك بعدا ضربت لي اريج:اريج يوسف قلي بحبك ي اريج😭😭
اريج:كدي دقيقة دددقيييقةةةةةةةةةةةة عيدي كلامك؟
انا:زي ما سمعتي يوسف قال بحبني 😭😭😭
اريج:احكي لي الحصل بي التفصيل... (حكيت ليهها) قالت لي :شوف والله راجل بعد الحصل د لسا عاوزك
انا:ياخي خايفة عليه شديد ي اريج
اريج:بطلي فقر و افرحي و خلي العوارة.. درامية بي شكل انتي
انا:درامية كيف؟ عوارة شنو؟ انتي م شايفة الحصل ليه؟ يوسف مافيه حتا سليمة ي بت معز ضرب لي على اساس هو مات يعني لو عرف هو لسا حي تاني بقتلو..
اريج:اسمعي حسا معز د داير زول يلوي ليه ايدو..
انا:يعني؟
اريج:يعني امسكو عليه أي شي.. مش انتي شاكة انو بتاجر في المخدرات؟
انا:اي
اريج:تمشي تكلمي يوسف ب بالحاجة دي و هو بي معارفو اي شي ببقا ساهل
انا:اريج جنيتي؟ انا تاني م بدخل يوسف في قصص معز دي
اربج:م حتقدري تعملي شي براكي على فكرة! و لو م كلمتيه انا حكلمو
انا:طيب بشوف خليه لي بكرة كدا لمن يصحا
اريج:معسلامة كدي فتحي في الخط
انا:يبت مش قلت ليكي اختيه؟
اريج:ي بت هو براه قاعد يحتك بي معسلامة حسا
قفلت منها مشيت اخدت لي دش شغلت التلفزيون لقيت نفسي نمت صحيت مع أذان الصبح صليت مشيت شفت يوسف قعدت جمبو في الكرسي و كل م اعاين ليه اتزكر امبارح و اضحك 😂مشيت ايدي على شعرو فتح عيونو ابتسم شال يدي باسا و قلي:ما نمتي؟
انا:نمت و صحيت قبل شوية قلت امشي اشوفك
يوسف:امبارح لمن قلت ليكي اسنديني
انا:اها
يوسف:كنت بقدر امشي براي.. بس عاوز اكون قريب منك
انا:ابقا تاني م حسندك+بعدين عارفاك بتستهبل
يوسف:يعني م بقدر امشي كويس
ضحكت و قلت ليه:مستهبل
يوسف:اوعدني
انا:اوعدك بي شنو؟
يوسف:بأنك م حتسيبيني و تمشي
انا:اوعدك ي يوسف💜.
دخلت اوضتي نمت و صحيت زي الساعة 9 كدا لقيت يوسف قاعد في التلفزيون مشيت قعدت جمبو :بقيت كيف؟
يوسف:كويس الحمدالله
خليني امشي اعمل ليك حاجة تأكلها عشان الدوا
يوسف:شجن
انا:ايووة
كنت رابطة شعري بي كلبسة و رافعاهو فوق طلع الكلبسة و شعري كلو ج نازل قلي:كدا احلا😍
انا:جيبا ياخ خليني أربطو
هو بجيبا بي هنا و انا امشي بي هنا قام ختاها بوراه لمن جيت اشيلا بقيت قريبة منو شديد بقا بعاين لي و اضحك قلي:راجلك عاوز شعرك مفكوك انتي مالك؟
انا اولا شي انت م راجلي تمام
يوسف:اها🤧
انا:تاني شي جيب التوكة عشان امشي اعمل الاكل
يوسف:خلينا كدا م عاوز اكل
زحيت منو و قلت ليه:خلاص م عاوزاها شيلا 😒
/في جانب تاني-
منى:عايني ي نون انا عندي فكرة
نون:اها 🤧
منى:نحن الليلة نطلع كلنا انا و انتي و شجن و يوسف بعدا نمسوروم و يقعدو براهم عسى واعلى يقول ليها حاجة
نون:ي بت يوسف عيان
منى:ششننووو؟
نون:اافففف موصيني م اكلمك طبعا😂عايني م تجيبي خبر لي امو او اي زول
منى:سجمي عندو شنو
نون:اتلمو فيه ناس ضربوهو ضرب
منى:انا حسا محاضراتي انتهت تعالي سوقيني نمشي ليه
نون:كويس
-في جانب تاني -
انا:اتقلب التحية التانية
يوسف:م تكتري المرهم ريحتو بتخنقني
انا:هو ريحتو قوية انا م قاعدة اكترو
الجرس دقا مشيت فتحت لقيت نون و جيلان و منى سلمت عليهم و دخلو قعدو مع يوسف
منى:معقول م تكلمني ي ي يوسف؟
يوسف:ماف داعي كان اخوفك ساي
منى:و حاسي بي ألم؟
عاين لي و بقا بضحك:لا 😂
انا شغالة بتبسم ساي قلت ليهم:اعمل ليكم الغدا؟
نون كانت بتعاين لي و بتعاين لي يوسف نظام ديل مالوم:شجن كدي تعالي معاي المطبخ عاوزة اسوي لي شاي اقعدي ونسيني
انا:سمح ارح
دخلنا المطبخ و نون مسكتني ليك أسألة :حصل شنو ي بت و مالكم بتتضحكو كدا؟
انا:ي بت مافي حاجة انتي عارفة يوسف متخلف🤧
نون:متخلف قلتي لي😆أكان متخلف بتحبيه لي
انا:تفتكري ي نون لو هو بحبني و بتاع اهلو بوافقو بي؟
نون:انتو يعني في شي بيناتكم؟
انا:لا ياخ بسأل ساي
نون:يعني ابوهو طبعا م عندو مشكلة و اختو زي م قلتي حبتك لكن امو غيازة النصيحة
انا:دي الأنا خايفة منو
نون:والله انا الخايفة تكونو بتحبو بعض و انا م عارفة🌚
انا:اعملي الشاي د كدي 🌝🌝
نون:شاي شنو ارح ساي جايباك بس اسالك:)
انا:سمح استني نعمل فطور منى بتكون جعانة
ختيت الفطور و اول م جيت يوسف و منى سكتو طوالي بقيت يعاين لي منى و بعاين لي يوسف نظام هي انتو في شنوو؟ منى تشيل و تضحك و يوسف اتبسم و انا و نون واقفين بنعاين لي البحصل :اممم بتقولو في شنو انتو؟.
يوسف:و انتي مالك
نون:اه م عاوزة اعرف زاتو 🌚
يوسف:شجن بي المناسبة الشقة الفاتحة فينا دي ناسا حيرحلو ممكن تاجروها
انا:اها خلاص لي بعدين بنشوفا
يوسف:تمام
مرت اسبوع كامل و الحمدالله رحلنا لي البيت الجديد و يوسف بقا احسن و نزل الشغل عادي و حياتي كانت حلوة و كنت فرحانة بيه لانو امكن دي الحاجة الوحيدة الحلوة الحصلت لي في حياتي ❤️يوم كنت قاعدة فجأة تلفوني ضرب لقيتا منى:كيفك ي منمن
منى:تمام والله الحمدالله كيفك انت؟
انا:تمام التمام
منى:عايني الليلة خالتو رشا ام يوسف عاملة عزومة في مطعم كدا و قالت الا تجي انا حسا حجيب الهدوم معاي البسك و بعدين بوصلك يوسف عندو شغل و من هناك حيجي طوالي
انا:غريبة يوسف م كلمني بي العزومة دي!
منى:اها تقولي شنو بس غبي و لمن اتزكر طوالي قلي امشي ليكي
انا:سمح تعالي
في اقل من نص ساعة جاتني منى
انا:حتلبسيني شنو الليلة زهت من الهدوم دي
منى:اها نعمل شنو يعني رشا لو لقت فيكي عيب م حتخليك اخير اتجيهي و خليكي ساكتة
انا:سمح جيهيني يختي خليني امشي اطق اختك دي
منى:انتي كدا طاقاها ي البي😂😂
لبستني فستان اوف شولدر ماسك في الجسم لونو احمر طويل و فيه فتحة بي الجنبة و اكسسوارات بي الفصي و كعب عالي اسود
انا:يبت عزومة ولا عرس؟ حاسة روحي تتتقيلة بي الفستان دا
منى:اقسم بالله قمر ماشاءالله😭😭انزلي يلا عشان اوصلك
انا:انتي م ماشة العزومة ليه
منى:عارفاني م بحب العزومات دي
انا:سمح ارح
وصلتني و لمن نزلت قالت لي :قولي لي الراجل الواقف د وديني لي طربيزة يوسف طارق و هو حيوديك
انا:سمح معسلامة
مشيت لي الراجل و عملت زي م منى قالت و دخلني حتا كدا معزولة عن الناس و في طربيزة وحدة كدا في النص و فيها شموع و موية و عصير و اكل و كدا قعدت :اها ديل وين غايتو
فجأة شغلو غنبة كدا انا قمت من محلي مهجومة:بسسسممالله الرحمن الرجيم م تكون رشا دي جاية تقتلني هنا.. بتعملا والله م بتحبني
قعدا و بقيت منتظرة اي زول يجي فجأة دخل يوسف و بقا بعاين لي و بتبسم قعد في الكرسي القدامي و قلت ليه:والله؟ انا قاعدة هنا لي نص ساعة! لمن خفت كنت ماشة و خالا المكان
يوسف:اتاخرت عليك؟
انا:و بتسال كمان!بعدين وين الناس؟
يوسف ضحك و قلي:بجد م ممكن تكوني غبية كدا😂😂
نا:مالك؟ منى قاللت..
يوسف:انا اتفقت معاها تجيبك هنا
انا :بجددد؟ ككييوووتتت
يوسف:لا م تعملي لي وشك كدا😒
انا:ليههه
يوسف:خلاااص😒
انا:لازم تشوف ليك دكتور امراض نفسية 😒غياظ
يوسف:مالك حلوة كدا؟
انا:لو كنت عارفاك انت بس الجاي كنت جيب بي العباية ياخي الفستان ببخخخنننقققققق اااف
يوسف:شجن عاوز اقول ليك حاجة
انا:خير اللهم اجلعه خير😊
يوسف:عايني نحن بجد م حينفع نكمل كدا مع بعض وللله حاسي انا البنعمل فيه د غلط و علاقتنا غلط شديد
انا:بتهظر ولا بتتكلم جادي؟
يوسف:جادي معاك انا... انا م مرتاح في للعلاقة دي يا شجن
انا:اممم تمان اوكي خللص م حنك اصلا قلت ليك من للبداية انو علاقتنا دي ما صح
يوسف:و عشان كدا عاوز اعرسك و تبقي حلالي♥️
عاينت ليه و بقبت ببكي قلي:حسا في شنو مالك بتبكي
انا:افتكرتك عاوز تنهي علاقتنا ي يوسف😭💔
يوسف:انا بقدر اعيش من غيرك لحظة
مسحت دموعي و استوعبت انو هو قبل شوية قال عاوز اعرسني بقيت ساكت و قلت ليه:انت بجد؟ عاوزنا نعرس؟
يوسف:ايوة بجد 😂
انا:م تهظر معاي انا جادة حسا
يوسف:بيبي انا زاتي جادي!
تاني بقيت ببكي مسك يدي و ضحك :اها مالك حسي😂
انا:انا م مصدقة القاعد يحصل د😭
يوسف:+بكرة حنجيكم البيت🥴
انا:جادي ي يوسف؟
يوسف:اي والله كلمت امي و ابوي و حنلبس دبل طوالي
انا:امك ما بتحبني
يوسف:حتحبك مع مرور اىزمن م تخافي 🤣
انا:انا بحبك شديد 😭
يوسف:انا كمان❤️
اشتغلت اغنية هادية قام و مسك يدي و قلت ليه :مرديني وين؟
يوسف:نرقص
قعدت و قلت ليه سمح استنا اطلع صندلي
يوسف:م جادة😂
اانا:ابا يتقلع لبه زاتو الله يازاك
جراني عليه و قلي:م لازم
قرب مني شديد بي لافا ايدينو حولين خصري ختيت ايدي في كتفو و بدا بتحرك و لقيت تنفسي تلقائياً بتحرك معاه بعد الاغنية وقفت فضلنا نعاين لي بعض قلت ليه:كيف م حبتك؟
يوسف :منو هي؟
انا:ليلى
يوسف:امكن عشان الاقيكي و نحب بعض؟
انا:لكن انت اي حاجة فيك بتحبا
يوسف:و الحاجات دي م كانت في الا لمن انتي ظهرتي في حياتي!غيرتيني !
نزل راسو باسني في راسي و قلي :بحبك
(ماشاءالله على الجفاف الدخل فيني❤️)
#يتبع.
