ركبنا العربية و بقينا ساكتين قام يوسف قال :حلاتك الليلة
وشي حمر من الخجل و بديت اتوتر قلت ليه:انت زاتك
قعد يضحك و قال:اها مستعدة؟
انا:صراحة لا،متوترة
يوسف :ليه؟
شجن:لو سألوني قريتي جامعة ولا لا أقول شنو؟ ولو سالوني بتشتغل شنو اقول شنو؟انا خايفة بس افضحك في حاجة ولا اجيب ليك السمعة فيها
يوسف حسا بي خاطري مكسور و حسا بي الخوف الجواي و كان عاوز اطردو بي أي طريقة مسك يدي و هي ملانة عرق من التوتر و قلي:حنمشي نقول ليهم اي شي و م حنكزب في حاجة و دي شنو حكاية تجيبي لي السمعة؟خليهم افكرو زي م افكرو انا م بهمني شي و م عيب انك تكون عندك ظروف و م عيب الشغل الانتي بتشتغليه دا
كلام يوسف برد لي قلبي و حسيت بي الطمأنينة و انا معاه قلت ليه :شكرا!سكت و قلت ليه :انت كيف كدا؟
ضحك و قلي :كدا كيف يعني؟؟😂
انا:بحسك بتتصنع انك تكون زول جادي و صارم!لانو انت نهائي م كدا!
يوسف كشر و عاين لي حسيتو حيهيج و قلي:كيف يعني
انا:خلاص معليش حسكت م تهيج انا براي متوترة
يوسف:يبت مالك حسا😂قلت ليكم انا لمن اكون زهجان م بحس بي الكلام البطلع من خشمي!
انا:اممم م هو واضح🌚
يوسف:م تعايني لي كدا انا جادي 😂
و فضلنا ساكيتن لحدي م وصلنا.. شلت نفس كدا و قلي :جاهزة؟
انا بي تردد:انشاءالله
يوسف:زي م قلت ليكي قولي اي شي بدون م تخافي!
نزل و فتح لي الباب و انا طبعا اول مرة زول اعاملني بي الطريقة دي قلت ليه:كان بفتحو براي م مشكلة
يوسف:لا الباب م بتفتح من جوة عشان كدا
حسيت بي الاحراج شديد قمت قلت ليه :اااا تمام
مدا لي يدو و قلي ارح...
انا:الكعب العالي مشكلة
يوسف:اتكلي فيني و امشي
انا:حاسة نفسي حقع وبعلي
يوسف ضحك و قليها:اها افضحينا قدام الناس
لقيناهم قاعدين في التربيزة بت و ولد و ظاهرين عليهم ناس مروقين قعدنا و بقينا نتونس و الموضوع ماشي تمام قامت ليلى قالت:اها و اتقابلتو كيف؟
يوسف سكت و م عرف اقول شنو قمت اتكلمت انا و قلت :هو عندو شغل في المدرسة الأنا بشتغل فيها و بقا بجي كل يوم و بنتلاقى كتير و كدا
انا:اا انتي مدرسة هناك؟ حلو طيب😍
شجن:لا لا م مدرسة هناك شغالة في البوفيه
احمد ضحك و قال:بياعة يعني؟ 🌚
قبضت على يدي شديد و قلت ليه :ايوا ببيع الشبس و الفطور و البارد لي الطلاب
احمد ابتسم بسمة استفزازي كان الغرض منها تغيظ يوسف و قال:ايوا
يوسف:والله برضو احسن منك على الاقل شغالة 🌚لكن انت عاطل،غايتو ربنا يعين و يسهل عليك
ليلى اتكلمت بي سرعة عشان تسكت احمد و تمنع المشكلة الكانت حتقوم و قالت:اها و بتقري شنو اكيد د شغل جانبي
انا:صراحة م قريت جامعة و قفت من تالتة و بديت اشتغل عشان ناس البيت و حسا الحمدالله الوضع ماشي تمام.
ليلى:واي بجد؟ والله فاتك نص عمرك،الجامعة دي احلا فترة في حياة الزول
ابتسم ليها و قل:مش؟ انا برضو قلت كدا!
ليلى:اها ي يوسف بتحب في شجن شنو
يوسف:بساطة تفكيرها و زكائها و تعاملها مع الناس و شخصيتها الطيبة اي شي فيها حلو و غير طبعا جمالا 😍
ليلى:ماشاءالله سمحة شديد
انا:اها و انتي بتقري شنو؟
ليلى:طب اسنان
انا:حلو طيب
احمد:و انتي ي شجن بتبيعي شنو ؟
يوسف:م خلاص ي احمد!هي قالت ليك!
احمد:في شنو حسا سألتها بتبيعي شنو هناك ولا هي بتخجل من الشغل حقها؟
انا:و أخجل ليه؟ طالما القروش البتجيني حلال ماف شي بخجل لكن البخجل انك ولد كبير قاعد و لسا عايش على قروش ابوهو.. م جبتو من نفسي يوسف قال 🌚
يوسف ضحك و كان راضي مني و ثقتي في نفسي..
احمد سكت بعدين قال:اها تاكلو شنو ي جماعة ؟
ليلى:خلي شجن تطلب
احمد همس لي ليلى بي صوت واضح على اساس يسمعني و قال:يبت دي اكيد م بتعرف تقرأ انجليزي ولا تتكلم م تحرجيها 🌚
انا:طيب ي عزيزة اطلب ليكي على زوقي؟
عزيزة:ي ريت
رفعت يدي لي الويتر و جاني قلت لي يوسف:عاوز اطلب ليك؟
يوسف:لا لا
انا:okay we want three roast beef with a green Salad
عاينت ليهم و قلت :عاوزين ببسي او حاجة؟
عزيزة:موية بس
شجن:و احمد؟
احمد:كولا
شجن: we want one bottle of water and two cola
الويتر :?anything else
انا:no thank you
الويتر:okay I will be back shortly
انا:I hope we don't have to wait very long
ببقينا نتونس و جا الاكل:here you are, is there anything else I can get for you
انا :we are good for now thanks
يوسف كان مبتسم و هو بياكل و كان زي الطلع من معركة منتصر و بقينا نتونس عادي و صراحة م دخلت لي قلبي نهائي
انا:اها كيف الاكل؟
ليلى:صراحة حلو شديد
انا:حمدالله انو عجبك
بعد نص ساعة كدا امي ضربت لي:يبت انتي وين الساعة داخلة على حداشر
انا:ماما م تخافي حيرجعني يوسف ألبيت
حياة:يوسف داك؟
انا:اي
حياة:مالك بتكلمي كدا؟
انا:لا ماف حاجة
حياة:طيب معسلامة لمن تتحكري اضربي لي
انا:اوكي
يوسف:اها ي شباب بعدا نمشي
احمد:يلا ياجماعة
سلمت على لياى و احمد و يوسف سلم عل احمد قام قليه في اضانو:جبتها قوية ي مان اديك لياى تديني شجن؟
و زحا منو و احمد بقا يضحك يوسف مسكني و جراني و هو ظاهر عليه زهجان قلت ليهم من بعيد:فرصة سعيدة
ليلى:قلت ليه شنو ي احمد؟
احمد:ولا شي،نمشي؟
-في جانبنا-
طلعنا انا و هو و ركبنا العربية و قلت ليه:في شنو جاريني كدا؟؟؟
يوسف بي كواريك:قال تديني شجن و اديك ليلى دا قليل ادب ولا شنو
انا بي كواريك:و طيب زعلان ليه؟
سكت و عاين لي بعدين قلت ليه:المهم لقيتني كيف؟
ضحك في نص غضبو و قال:صراحة عجبتيني🌚
انا:انا قربت أردح لكن مكست روحي💅🏻
يوسف:دي امك ولا شنو؟
انا:اي.. بتسألني جاية متين
يوسف:هي عارفة؟
انا:لا م عاوزاها تعرف حسا
يوسف:ليه؟
انا:ماما معقدة شوية م يهمك
طلعت العباية و لبستها فوق الفستان و مسحت الميكب بي المنديل المبلل الادوني ليه ناس منى و فكيت الكعب العالي و لبس شبشبي.. لمن وصلت و عاوزة انزل قال لي:يعني بكرة م جاية!
انا:بسمالله انتو بتشتغلو الجمعة؟
يوسف:م كنت مركز انو بكرة الجمعة!
انا:اها م عليك تصبح على خير
يوسف:شجن
انا:اي
يوسف:و انتي من اهلو
صحكت و قلت ليه طيب معسلامة
يوسف:مالك بتضحكي؟
انا:امشي خلاص اريج واقفة لي في الباب
دخلت و انا قلبي شغال دلوكة 🤣🤣
جاتني اريج قالت لي:من طقطق لي السلام عليكم 😊
انا:اصبري ي بت خليني اوريك الصور
اريج شغالة تقلب في التلفون و قالت:و وبعلي من الولد المعاها ي شجن
انا:د اخوهو طبعا🤣🤣
اريج:لازم يكون اخوهو والبت ماشاءالله تبارك الله نجفة... كنتي سمحة ي بت الكلب
انا:يبت يوسف لمن نطق🤣🤣
اريج:اها احكي لي حصل شنو
-في جانب تأني-
ليلى:واااااااااااااااي ي منى واي البت سمحة سماحة عاد لمن غرت
منى:حلوة للدرجة دي
ليلى:ي بت درعة
منى:اها احكي
ليلى:لكن قاااهرة و جاهلة م قرت جامعة و شغالة في بوفيه مدرسة و غايتو م بتنفع لي يوسف نهائي
منى:اجي اجي انتي مالك و مالو خليكي مع احمد بس😊
ليلى:اها خليتك زاتو ماشة اغير هدومي 🌚
منى شالت التلفون و ضربت لي جيلان:الحقي اختي غارت
جيلان:معنى كدا انو عجبتوم😊
منى:لكن عارفة لسان اختي م حتكون رحمتا و بزات احمد و هي يعني م قارية و كدا اتخيلي قالت لي جاهلة
جيلان:لكن تصدقي ي منى هم حلوين شديد مع بعض ياخ
منى:ااااي بججدددددددد انا لو م بقو مع بعض جدجد م برتاح 😀
جيلان:والله عرفتك حتفكري كذا ي منى🤣🤣🤣
منى:اها كلمتي ابوك انك لاقيتي شجن؟
جيلان:لا لسا رجعت البيت لقيتو نااايم
منى:خلاص لي بكرة كلميه اوعك امك ولا اخواتك يعرفو 😀
جيلان:اي ي بت جنيتي كمان!
-اليوم البعدو-
انا:والله ي رانية مشتاقين شوق م عادي
رانية:حببتي ي شجن والله حتا انا كيفك انتي بلاههي😍
انا:والله كويسة
رانية:اريج كلمتني انكم معاها في البيت ليه م جات معاكي
انا:امها حمتا المشيا عندها شغل في البيت
رانية:اها خلاص ماشة اشوف الزباين انتي ابدي نضافة و بدري بدري انتهي و امشي البيت
انا:تمام
-في جانب تاني -
رشا:جاي تسوي شنو تاني
يوسف:جاي اقابل ابوي
رشا:ابوك طلع من قبيل مشا الصلاة
يوسف:تمام
رشا:و دي منو مقصوفة الرقبة الداير تعرسا
يوسف:شجن
رشا:عاد بدور اشوفها و اعرف أصلها و فصلها
يوسف:م لازم تشوفيها ي امي
رشا اتعدلت و ختت يد في رجلها و يد في صدرها:سجمي كيفن يعني م لازم اشوفا اجش مش مرت ولدي و حتيجب عيالو و تشيل اسمو ابقا لازم اشوفا
يوسف:امي هي م فاضية الايامات دي
رشا:تفضا ولا على كيفا من بدايتها عاوزة تتدلع
يوسف:امي في شنو انتي مالك خليك مع ولدك و عرسو انا انسيني
رشا:زي ما احمد ولدي انت ولدي زاتك
يوسف:لو ولدك بجد كان عرفتي انو احمد م بنفع لي ليلى
علا:بجد انت حتخطب؟
يوسف:انشاءالله
علا:اسمها منو
يوسف:شجن
علا:طيب لااازززممم نلاقيها في الأول قيل اي خطوة
رشا:تجيبا بكراهنا البيت عازمنا غدا
يوسف:بشوفا و بكلمكم
-في جانب تاني -
شجن:اها ي رانية مشيت انا
رانية:خلاص تمام جري معاك الباب
طلعت لقيت معز في وشي جراني من يدي و دخلت العربية و بقا يكورك:ماشى لي مع الرجال؟ صحي امك م عرفت تربيكي.. ماشى على حل شعرك.. قايلة م عندك زول يسأل فيكي تفوه عليك و على تربيتك ي وسخة
طلعت موس و قلت ليه نزلني ولا والله اموت روحي
معز:د الفضل صاح د الشي الوحيد الما عملتيه
بديت اجرح في روحي وقف العربية و قلي :غوري لكن حبيب القلب حقك د اجلو قريب اقتلو و اقتلك و اريح روحي
لفيت الجرح بي مناديلو مشيت على بيت اريج دخلت بدون م اتكلم مع أي زول و على اوضة اريج طوالي و نمت نومة وحدة صحيت منها الصباح لبست هدومي قبل م اي زول يشوفني عشان م يسالوني مالك وصلت المحل و حتا راينة استغربت انا جاية بدري كدا ليه بقيت بنضف لحدي م الساعة قربت لي الضهر كدا تلفوني ضرب اول م رفعتو:اطلعي لي برة يلا سرعة
انا:في شنووو؟
يوسف:اطلعي بس ياخ
#يتبع
