مرة الوقت و انتها الشغل و قفلنا البوفيه و اريج تشيل و تبكي
انا:ي بت انتي عويرة؟ يعني انا ماشى اموت؟ بنتلاقى ي بت و مرة كدا تعالي لي الكوافير غبية دي
اريج:😭ياخ حشتاق ليك شديد انا تاني م عندي زول اتكلم معاه ولا اتونس و اضحك معاه و حيكون البيت زهج شديد حشتاق لي البوفيه😭
انا:لي البوفيه ولا انا؟ 🙄
اريج:اسكتي مني خلاص،😭
انا:غايتو م شفت اغبى منك 😂
اريج:يعني غبية بس عشان حشتاق ليك ي معفنة ي وسخة😭
انا:وووب م قصدي انتي كمان... والله حتجيبي لي الجلطة
اريج:أنا زاتي حفتش لي شغل م دايرة اقعد كدا
انا:انا كان سألتك مش عندك شهادة ي مغفلة
اريج:اي
انا:طب م تشتغلي في مجالك !
اريج:انتي عارفة حال البلد ي شجن
انا:سكرتيرة م لاقية ليها شغل؟ ي بت انتي عبيطة ولا شنو انا دي البجيب ليكي الشغل استني لي بس
اريج:عليك الله مالي و مال وجع الراس ي بت
انا:والله م شفت اغبى منك النصيحة عاد
مرقنا برا لقينا معتز واقف ركبنا معاه و بقينا نوتنس انا و اريج و لا جايين ليه خبر معتز:اها قلتو لي حتبيتو مع بعض؟
انا:اي
معز :موضوع ياخ
اريج:اي
معز:بكرة بجيكم افسحكم
انا':كدي تعال النسألك
معز:اسألي ي ست البنات
انا:انت لسا عايش على قروش ابوك ؟ولا البرطعة دي كلها بي قروش امي السارقنها؟
معز:كلمة زيادة و حطلعكم من البيت
انا:مالك؟ م تتضايق د كلو عشان قلت ليك سارقين قروش امي؟ م تضايق ياخ دي الحقيقة لازم تتقبلها يعني و برضو حقيقة انك حرامي انت و امك الله يرحمها يعني برضو لازم تتقبلا! ولا شنو ي اريج؟
معز مسك يدي و عصر عليها شديد و قال:م تجيبي سيرة امي على السانك فاهمة؟ 😡😡😡
انا بي كل برود:ليه؟ لساني مالو؟ انضف منك انت و امك والله ابوك زاتو م عارفاه استحملها كيف
معز شال يدو و لزا راسي و بي كل قوتو ضربني مع طبلون العربية و قال:و لو اتكلمتي زيادة حعمل ليك اكعب من كدا
انا راسي بقا لافي و شايفة اتنين اتنين ضغط على يدي و انا بعاين ليه و بي كل برود:قايلا أثرت فيني؟ على فكرة انا بقيت م بحس والله جد و قلبي مات و لا بخاف منك..اصلا اكعب من كدا لو عندك اعملو بس د برضو م حغير وجهة نظري فيك انت و امك و انك باطل و في عيني لا شيء .
اريج بي صوت واطي:خلاص ي شجن
انا:ليه خلاص؟م خلاص
بقينا ساكتين كلنا و انا خاتة ايدي في راسي من شدة الالم بس و اخيرا لمن وصلنا طلعتا من العربية و هو فووو فحط طوالي عاينت لي اريج و اترميت في حضنها و بقيت ببكي بي حرقااا و قلت ليها:اريج انا م قادرة عديل والله م قادرة استحمل اكتر من كدا الدنيا ضاقت بي والله ة العلي كتر شديد... رجعت عاينت ليها و قلت:طيب انا انا عملت حاجة كعبة؟ عشان ربنا سوي فيني د كلو؟ 😭
اريج مسكت وشي بي يدينها الاتنين و عاينت لي :لا لا لا ي شجن استغفري ربك و انعلي الشيطان.. أن احب عبداً ابتلاه دي كلها ابتلائات من ربنا ي شجن و اختبارات من الله و ربنا م بعمل حاجة ساي كلو لي حكمة انتي بس قوي إيمانك و خليكي واثقة بانو في جاي احلى و حاجات حلوة كتيرة مستنياك بس انتي اصبري و اتوكلي على الله❤️و انا هنا ي بت انا في .انا اختك تعالي لي وقت تكوني مضايقة تعالي لي نحل المشكله سوا و على البيت المشكلة دي بتتحلا والله حسا دي .أمسحي وشك د امك م تشوفك كدا
حضنتها و قلت ليها :أنا م عارفة كنت حعمل شنو من غيرك بجد انا بحبك شديد😭
اريج:هي لو م حبيتيني تحبي منو 😆😆
انا:عان الكريهة دي
اريج:تعالي نشتري لينا اندومي و ببسي جعانة نفسي فيها
انا :م تكوني حامل كمان😂😂
اريج:امشي ي معفنة 🤣
مشينة الدكان و اشترينا الحاجات و دفعنا القروش
انا :عليك الله ي مجاهد شوف لي حسابي كم
مجاهد:جدا ي بنية
اريج ضحكت قمت لكزتها و حمرت ليها 😡
مجاهد :529
انا:خلاص امسك دي 550 الباقي حول لي بيه رصيد
مجاهد :ياهو رقمك العندي؟
انا : اي،تسلم ي مجاهد
مجاهد:الله يديك العافية طلعنا بي هنا اريح فقعت الضحكة بي هنا عاينت ليها قلت ليها:بتبالغي ي اريج جادة بتضحكي في وش الراجل
اريج😭😭😭واي ي شجن م قدرت امسك نفسي نهااائي😭😭
انا:احرجتيني ي هناية😒
اريج:انتي م شايفاه بتكلم كيف
انا:وووب من اريج
وصلنا البيت و قعدنا كدا و ديك ي الونسة امي و اريج
انا:اصلا لمن تلقي اريج بتنسيني نهائي لكن زيت ي امي الفيكي اتعرفت 😑
اريج:غيرة و روح شريرة خليها ي امي م تشتغلي بيها 😂
حياة:معقولة انسا بتي حببتي🤣🤣
انا:لا لا بعد شنو اصلا اتعودت+صحي علي وين
حياة:مشا مع اصحابو الكورة
انا:اظن مشا مع كهربا؟ انا الود دا م مرتاحة ليه نهائي
حياة:لا لا بري انا حزرتو منو
اريج:اها قومي ارح نعمل اندوي و فشار و نجي نحضر حيبدا بعد شوية فلم مبالغة
انا:قومي شيلي معاي الحاجات
دخلنا المطبخ ولعنا اغاني و بقينا نتونس و نضحك و بتاع قامت اريج قالت لي :بخخختتتك ي معفنة حتشتغلي مع واحد مزز
انا:يبت انا م طايقاه اسكتي مني
اريح:تلقي من جوا عاوزة تموتي من الفرحة 😏
انا:اموت من الفرحة؟ ي بت هو اصلا حيكون شاميني من اليوم داك و تاني اتشاكلنا لمن جاي اوصلني 😁يعني خجلانة اعاين في وشو 😭.
اريج:تستاهلي عشان تاني لسانك الأطول منك د تمسكي عليكي 🤣براك جايبة الكلام لي نفسك 😆
انا:د بدل م تقولي لي :ي بت عادي و م تخافي و بتاع؟
اريج:بري البخليني اقول ليك كدي شنو ها بت
انا:انشاءالله بس يعاملني زي الناس و م يعتبرني مجرد خدامة
اريج:اها و يعني خدامة؟ الشغل م عيب
انا:اي طبعا لكن فاهماني انتي
اريج:أنا جعت
انا:ما هندا قاعدة اعمل فيها غايتو
طلعنا برة و اكلنا الاندومي و عملنا الفشار و ديك ي الونسو و الضحك و حضرنا الفلم كان يوم حلو شديد بعد كدا علي جا داخل قال السلام عليكم و دخل اوضتو طوالي انا عاينت ليها و هي عاينت لي قمت مشيت ليه الأوضة لكن جاية افتحا لقيتا قافلة بقيت بدق بدق بدق لمن فتح لي
انا:هي مالك
اتغطا بي البطانية و ختا المخدة فوق راسو.. قعدت في طرف السرير و شلت منو البطانية: مالك ي ود.. بعد مسافة شميت ريحة سجاير منو عاينت ليه و ضربتو في ضهرو طوالي ج ناطي قلي :مالك ياخ
عاينت ليه و مسكتو من فكو و قلت ليه افتح خشمك لمن قربت و شميتو قلت ليه :ايوااا يعني بتشرب سجاير!
علي بي كورايك و توتر:أنا؟ لا طبعا اصلا كيف تقولي كدا
صرخت في وشو و قلت ليه قايلني غبية انا اوهندي ريحة السجاير في خشمك
علي:جربتها و اول مرا عادي بعدين شنو هي م سجاير!
قمت من السرير و قلت ليه:اي عادي لمن شوية شوية تشرب المخدرات و حشيش صح? ياخي م تركز في قرايتك ياخي انا دافعة دم قلبي عشان في النهاية تشرب لي سجاير و تتباطل؟ م حرام عليك؟ امك دي تعبت فيك و ربتك و شقيت عشان تدخلك المدرسة و تعلمك عشان في الاخر تشرب سجاير و تتصرمح مع البطالة ديل؟ و اكيد كهربة! اسمع هنا د و اسمعني كويس ليك و لي زمانك كهربة د أختاه و م تباريه لي نهائي فاهم؟ انا المرة دي حمشيها ليك ي علي و حسا حتوعدني انك تاني م تعمل كدا لكن لو عدتها تصرفي حيكون غير
علي:اوعدك
قوم امشي غسل وشك دا و امشي استحما و في اندومي في المطبخ اعملا و ارتاح شوية و اقرا الامتحانات فضل ليها شهر بس
علي:حاضر
قعدت جمبو في السرير و مشيت ايدي في راسو و قلت ليه:علي ي حبيبي ركز في قرايتك صدقني الكلام د حيوديك في دهية خليك زول واعي عشان لمن تكبر و تتخرج تشيلنا انا و امك تبقا لينا راجل و سند و ضهر♥️والله الكلام د لي مصلحتك ي حبيبي و انت م اخوي انت ولدي عديل ❤️
علي:معليش ي شجن
انا:م تقولي انا معليش اعتزر لنفسك انت و اوعد نفسك انت تاني م حتعملكدا
حضني و قلي :بحبك شديد
عاينت ليه و قلت ليه يلا قوم قوم اعمل القلتو ليك قمت و قلي :شجن
انا:اها
علي:م تكلمي امي
شجن:كويس لكن حزرتك لو اتماديت حتعرف بي الحاصل ،كويس؟
نزل راسو و قلي :كويس
طلعت برة و امي عاينت لي بي استغراب هزيت ليها راسي بمعنى ماف شي
بعد اذن العشا صلينا و قعدنا انا و اريج جوة و اتونسنا قامت قالت لي :شجن
انا:احكي
اريج:متين نعرس ياخ
شجن:اجي مالك كمان
اريج:والله البورة دي ضاقت بي
شجن:و فتحي
اريج:ي بت عليك الله فتحي شنو 😑
ضحكت و قلت ليها😂والله لكن ي اريج بتبالغي مع الولد عيشتيه في وهم كدا ببطططاالل
اريج:خليه يبت فتحي د😂اها و انتي
شجن:لو م جبت حق امي د و عشيتهم عيشة احسن من دي م بعرس
اربج:انشاءالله ربنا م بخلي حق زول
-في جانب تاني-
ابراهيم ي مان انت كدا بترهق في نفسك ساي عان اصلا الدنيا دي كدا يوم ليك و يم عليك و لو م هي اكيد في غيرا
يوسف:ما فاهمني ياخ م حتفهمني اصلا انا خايف عليها من أحمد و هي م قادرة تفهم انو هو بعمل د كلو بس عشان يغيظني و بكرة مفروض نتقدم ليها و حيلبسو دبل طوالي
ابراهيم:و حتمشي؟
يوسف:اي م عاوز اخلي أحمد يحس انو هو خلاص كسرنيي... رجع بي ضهرو علي الكرسي شال الولاعة و ختا السجار في خشمو و حجب بي ايدو الهوا من الولاعة عشان تولع و جدعا في التربيزة
ابراهيم :عارف دي السجارة الكم؟
يوسف:عارف
ابراهيم:يوسف انت عندك أزمة! عارف يعني شنو؟ يعني كترة السجاير دي ممكن توديك في دهية!
يوسف :خليني يا ابراهيم م قادر اسمع نصايح و بتاع حسا
ابراهيم قام على حيلو و قال :المهم الوقت اتأخر انا راجع بيتنا
يوسف:تمام
ابراهيم:حتقعد في المكتب انت؟
يوسف:برجع بعد شوية
ابراهيم:تمام يلا
يوسف:و هو كلي شوية بتزكر في كلام ليلى قام و فكا الكرفتة و فكا الزراير و رقد في الكنبة الجلد الفي مكتبو و من شدة التعب م اخذ طويل و نام
-في جانب تاني-
هدى:قومي ساعديني ي بت
ليلى:امي انا عروس
هدى:ي بت هي قومي اخبزي معاي احسن ليك و نادي اختك
منى:د كللللوووو عشان جايين بكرة
هدى:اي يبت لازم نملة الشيالات دي خبيز و حلويات عاد نكرموم
منى:اصلا نهائي م مقتنعة انا 🌚
ليلى:م مقتنعة بي شنو
منى:ودخالتك ي بت احمد العاوزة تعرسي د و ميتة عليه
ليلى:د بدل م تفرحي لي
منى:ليلى النبي فيك انتي حاسة بيه بحبك؟ +انتي و انا و امي و كل الناس عارفة انو بلعب بي البنات و زي م بعمل ليه حيعمل ليك و انتي الوقت داك حتقعدي تبكي و تنكدي على روحك و علينا و صراحة كدا انا م بحب النكد
ليلى:احمد بحبني و خلي الكلام الكتير و بعدين انتي حسا القاعدة تنكدي علي متخلفة دي
هدى:حسا خلاص ماف داعي لي الكلام د اسكتو و تعالو ساعدوني و الفيه خير ربنا يكتبو
ليلى عاينت لي منى و رجعت عاينت في الارض و قالت بينا و بين نفسها:ي ربي هو بجد بحبني؟
كسرة-
منى طالبة جامعية في سنة تالتة بتقرا طب زولة فرفورشة كدا و بتحب الضحك و الونسة و طيبة شديد و على نياتا عمرها 21
هدى:في منتصف الخمسينات بس بتديك عمرها في التلتين من جمال وشها و هيبتها طبعا مرة قادرة و واعية و طيبة لكن لو شي بخص بناتا بتقيف الف احمر
ليلى:خلصت الجامعة قرت طب أسنان عمرها 25 و جميلة لي درجة كدا بعيدة كلامة و حركاتة و ضحكتها بتخلي الزول يتجزب ليها بسرعة و يعجب بيها... معاملتها مع الناس سطحية و م بتصاحب اي زول الا الهاي كلاس ممكن نقول عليها طيبة لكن لو حاجة بتخصها بتوريك الوش التاني يعني عكس اختها تماما ابوهم متوفي من هم صغار..
#يتبع
