رشا:شفتي من حسا قاعدة اجهز لي العرس.. استني برجع ليك.. تعال ي يوسف عاوزاك في كلام!
يوسف:اي ي امي
رشا:انت لي بتعامل اخوك كدا
يوسف:تاااانننيي اخوك؟امي حتطلعيني من راسك متين؟
رشا:م تعلي صوتك علي ي ولد
يوسف حاشة م عليت لكن جا الوقت الأنا مفروض أسألك لي بتحبي احمد اكتر مني؟
رشا:انت كلكم عندي واحد!
يوسف:خلاص شوفي منو الغلط و ابقي اسأليه ليه بتعامل اخوك كدا!م تخلي حبك لي احمد يعميكي !
رشا:اصلا م عارفة مرتك حتستحملك كيف بعدين ،دايما هايج و متعصب
احمد:مالو اخوي الكبير زهجان كدا
يوسف:في زول قليك انك باطل؟
احمد:م تحترم نفسك انت ي زول عشان شايفني بسكت ليك؟
يوسف:طيب انا قلت ليك انت باطل و ستين باطل
احمد:د كلو عشان ليلى؟بتحبها؟ 🤣
يوسف عاين ليه و دخل اوضتو لما هدومو و عاوز اطلع امو وقفتو
رشا:ماشي وين؟
يوسف:ماشي محل م مامشي ،م تستنوني.
-في جانب تاني -
-احنا اتفقنا على ستة كيلو جرام
معز:و انا حاليا م وصلني غير د عاوزو ولا فركش؟
-جيبوم و بديك الفلوس.
معز:سلمني القروش اسلمك البضاعة
رما ليه الشنطة القروش و داك رما ليه الشنطا الفيها الممنوعات
معز:م تضرب لي تاني
تقول الكلام دا لي سيدنا م لي ركبو عربياتوم و كل زول مشا في طريق.
-اليوم البعدو-
قاعدين في الصفرة بياكلو في الفطور :شايفك ضاربة لي حياة!
اميرة:اي ضربت ليها
خالد:ليه ضربتي ليها انشاءالله
اميرة:عشان تبطل تلف حولينك
خالد:و من القاليك بتلف حوليني.. انتي عارفة اني ماشي عشان أصلح غلطي و انتي اكيد م بترضي يحصل في وحدة من بناتك الحصل ليها!
اميرة:و لو م خلتك في حالك تاني حعمل كدا
خالد:انا المشيت ليها بي رجولي و انا الاعتزرت ليها و انا القلت ليها عاوز أصلح غلطي م هي الجاتني طلعيها و طلعي أولادي من راسك و اتقي الله انتي و بناتك.
جيلان:داخلة اوضتي و انتو اقعدو اتشاكلو كدا
خالد بي صوت صارم:جيلان
قالت ليه :نعم ي ابوي
خالد:اقعدي تمي اكلك هنا بلاش كلام فاضي
اكلت سريع سريع و قامت
خالد:علي بي الطلاق لو فتحتي سيرة حياة دي تاني تبيتي في بيت ابوك
-في جانب تاني-
يوسف:الحقيني على المكتب ي شجن.
انا:تمام
نون:سجمك
انا:اه ولا بخاف منو
مشيت ليه و بقيت واقفة و كان في كوم ورق و فايلات عاين لي:تعالي مالك واقفة مكانك!
مشيت قعدت جمبو في الأرض
يوسف:عاوزك ترتبي معاي الورق د معظمو م عاوزنو
انا:طيب
طلع الجاكيت حقو و رخا الكرفتة و بدينا نشتغل و بقينا ساكتين طول الوقت قام قلي:عمرك كم؟
انا:٢٠
يوسف:صغيرة يعني
انا:و انت؟
يوسف:حتم 31
انا:ايوواا... لقيت صورة واقعة شلتها و لقيت فيها صورتو هي و بت كانو صغار بس م شديد قلت ليه:دي منو
جرا مني الصورة و ختاها جمبو عاينت ليه بي احراج و قلت:معليش لو ضايقتك بي سؤالي.
م ردا علي تمينا باقي الورق و في كمية كبيرة ختيناها في كيس بقيت بجر فيها و الأرض بتزحلق وقعت على راسي يوسف جا جاري و قومني و قعدني في الكرسي و قلي انتي كويسة؟
انا:اي اي م يهمك.. قمت و بقيت بجر فيهم ضحك و قلي :زحي انا بجرهم
انا:لا لا اصبر هي انا بجرهم.. بقيت بجر بجر لمن حيلي اتهدا و هو واقف و بعاين لي و بضحك :انتي طولك كم؟ 😂
انا:م بوريك🌚
يوسف:قصيرة
انا:م قصيرة انت الطويل
يوسف:طيب خليني اشيلا
زحيت ليه و شالها مرة وحدة ووداها المخزن رجع و قلي :اعملي لي شاي و و حاجة أكلها
انا:شاي سادة؟
يوسف:اي
عملتو ليه و ختيتو في الطربيزة القدامو بينما هو كان مشغول بي الفايلات الفي يدو :لو سمحت
عاين ليه و هو بشيل في الشاي :ايوة
انا:يوم السبت م حقدر انزل الشغل
يوسف:ليه؟
انا:شغالة السبت في حتا تانية
يوسف:وليه التعب د كلو كدا م حيكون عندك اجازة
انا:ظروفي م بتسمح لي
يوسف:تمام اعتبري اجازتك يوم السبت
انا:شكرا.. طلعت و لقيت نون بتبكي عاينت ليها بستغراب طوالي مسحت دموعا قلت ليها:نون تعالي المطبخ.. طوالي جاتني و وشها من البكا مورم قلت ليها:مالك ي بت؟
نون:مافي شي
انا:يبت قولي لي اعتبريني اختك
نون :ابراهيم
انا:سجمي مالو 😳
نون:بحبو
انا:سمح اها د شي كويس
نون:و هو م بحبني بحب سجود😭
انا:عليك النبي تحبي فيه شنو الود المخلقن المعصعص د؟ عاد بشيلو في صفحتي
نون:شجن ياخ انا جادة😭
انا:هي مش سجود دي مخطوبة احب ليها شنو
نون:انا بعرف
شجن:انتي ي نون النسالك
نون:اها
انا:عاوزاهو يحبك كيف بي خلقتك دي؟ جاية لينا كل يوم بي اسود حرام عليك
نون:البس شنو ي زفتى انتي كمان
انا:خلي عندك أنوثة هي ماشاءالله يعني حلاتك و جسمك سمح لكن م تجينا بي بنطلون و بلوزة سودا كلي يوم فقر دي.. البسي حاجات تبينك و تبين مظهرك و تنورك حاولي غيري الضفيرة الفي شعرك دي
نون:اعمل شنو طيب
انا:ووب انا من قبيل بتكلم.. البسي هدوم سمحة بتاعة بنات
نون:قصدك شنو يعني؟
انا:نون؟ امشي من قدامي و انا الخاتية البناديكي قدي يلا
نون:لا يعني د حيغير في ابراهيم شي؟ يعني ياهو ياهو حيفضل يحبها
انا:النبي بي شكلك د احبك كيف؟
نون:شكلي مالو والله سمممح
انا:بكرة البسي شي فرايحي و ابهلي شعرك د و ختي ليك روج ولا اي شي و البسي اكسسوارات
نون:انا من م اخوي اتوفا م بقا عندي نفس البس ي شجن
انا:عايني ي نون اي انتي زعلانة على اخوك و اي شي لكن نحن كلنا حنموت ي نون و بعدين رجعي حياتك الطبيعية العادية انتي قايلة اخوك لو شافك بي الحالة دي حيكون مبسوط؟
نون:حضنتني و قعدنا الاتنين نبكي و قلت ليها:ي بت م تقطعي قلبي
نون و هي لسا بتبكي،:حاضر
انا:ي بت م تشيليني هم اكتر من م انا مهمومة عان البت دي عليك الله😭
نون:و هي بتقش في دموعا (زهجت من الرواية الكلها بكا دي ):انا بحبك ي شجن
انا:انا زاتي بحبك ♥️يلا امشي عشان مديرك م يجي يفور فينا و ختنا في فتيل
نون:د كمان مجنون خليه😭
خلصت شغلي و هم خلصو قفلنا باب المكتب و نزلنا تحت ابراهيم و نوون و سجود مشو فضلنا انا و يوسف.. بقيت منتظرة ركشة تمر نزل قزاز العربية و قلي:اركبي
انا:شكرا م تعب روحك
يوسف:اركبي
انا:حسا بتجي ركشة
يوسف:اركبي ياخ
ختيت ايدي في يد العربية و بقيت متنحة بعاين ليه قلي بنبرة حادة:يبت م تركبي!
ابتسمت و ركبت سريع سريع
يوسف:علي كيف
انا:كويس الحمدالله
يوسف:داخل الجامعة خلاص
انا:اي امتحاناتو قربت شديد
سكتنا لحدي م وصلت البيت و هوب لقيت معز واقف بي عربيتو قلت لي يوسف:عاين اقيف بعيد
يوسف:ليه؟
انا:معز ود خالتي لو شافني معاك حيهيج و حيعمل مشاكل !
يوسف:د ياهو داك؟
انا:اي
يوسف وقف العربية و قلي :انزلي
انا:ماشي وين
يوسف انزلي بس
انا:يوسف ما عاوزة مشاكل انا متعودة لكن انت حتتأذي ...عاين لي و قال :م تخافي م حيحصل شي بعدين هو م بقدر يعمل حاجة عايني ليه!
ضحكت و نزلننا و انا متوترة من معز و عارفة يوسف حيشتبك معاه.. و نحن ماشين على باب العمارة وقفنا معز ردة فعلو متوقعة قال:د منو المعاك د؟
يوسف:معقولة م عرفتني بعد الضرب الضربتو ليك؟
معز:اسمع هنا اخير تختاني لو انا ختيتك في راسي م بيحصل خير
يوسف:ختني في رأسك و نشوف حتعمل شنو.
انا:يوسف خلاص
معز:و انتي من بكرة تبقو تطلعو عفشكم د من البيت... ركب العربية و مشا يوسف قبل لقاني ببكي
يوسف:د بيتو؟
انا بقيت ببكي زيادة و م قادرة أوقف و بشيل نفس بي صعوبة
يوسف:مسك يدي و ركبني العربية وو بقا بهدي فيني :طيب فهميني انا أمكن اقدر اساعد في حاجة
انا:م كان مفروض تنزل معاي م كان مفروض اشوفك 😭لو ختتك في راسو معز بي معارفو عادي ممكن يأزوك😭
يوسف:اهدي كدي اصلا م حيقدر يعمل لي شي
انا:حسا اودي امي وين انا اودي علي وين😭😭
يوسف:فهميني طيب
انا:معز عاوز اعرسني و انا م عاوزاه قلي لو م وافقت حطلعكم من البيت
يوسف:هو بيتو يعني؟
انا:م من زمان،نحن مأجرين البت دا لينا فترة و هو اشتراه و بقا يهددني بيه.
يوسف:و طيب ليه م رحلتو اول م قال كدا
انا:م كان عندي وقت اطلع افتش شقق زائدا انو م عندي قروش ارجل بيها حاجاتا قروشي م كانت بتسمح لي و عارفاه حتا لو رحلنا م حختاني
يوسف:و حتعملي شنو حسا
بقيت ببكي زيادة و بقول ليه:م عارفة م عااارفة😭😭😭انا بجد زهجت شديد.. لو م هو لو م مشا و خلانى د م كان حيكون حالنا😭
يوسف مسك يدي و ختا كفو فوق كفي و رفع لي راسي و مسح دموعي و قالي و هو بحاول اطمن فيني :ماف مشكلة و ما ليها حل!
-في جانب تاني-
منى:جيلان بكرة ارح نطلع والله اتخنقت خنقة من البيت
جيلان:م زي ي منى ،ياخ امي و ابوي ديل شوية و اقتلوني
منى:ليه في شنو.
حيلان:بحكي ليكي بكرة ي منى
منى:عايني حنمشي لي يوسف المكتب نسلم عليه
جيلان:اوكي
-في جانب تاني-
انا:بس بعد م خلانا امي اشتغلت و لمن كبرت هي تعبت شوية و بقت م بتتحمل اي شي و مفروض دايما تكون مرتاحة انا م قريت الجامعة عشان اقدر ادفع قروش مدرسة اخوي و ياهو من يوما بديت افتش شغل و اشتغلت في كفترية المدرسة و حسا بقا عندي دوامين عشان اقدر اشوف لي محامي عشان اشيل ورث ماما السارقو
يوسف:انا حوكل ليكي محامي م تخافي
انا:يوسف انا م حكيت ليك عشان تشفق علي و تقوم توكل لي محامي م تحسسني اني محتاجة !
يسوف:ابدا والله م قلت ليكي كدا عشان...
انا:خلاص ي يوسف عارفاك عاوز تقيف جمبي و اي شي
يسوف:طيب انا عندي شقة فاضية مرات بجيها اقعدو فيها عبال م نشوف حل لي معز و بعدين عادي تعتبريني اخوك و ي ستي رجعلي القروش لمن تحوشيها
انا:م عارفة ي يوسف انا حاسة انو خلاص الدنيا جات علي شديد و م قادرة والله استحمل د كلو مرة وحدة
يوسف:م تقولي كدا ي شجن ربنا في و عالم بيكي اكيدفي حكمة ورا الحصل ليكي د!
انا:امي حترضى تجي معاي؟ بيت زول غريب؟
يوسف:تعالي حسا نمشي ليها
ركبنا و رجعنا البيت و دخلنا و دخل معاي يوسف و لقيت في وشي طوالي اريج و امي و علي
انا:اسمعيني ي امي حسا دي لمي هدومك و ارح نطلع من البيت د حتا انت ي علي قوم شيل هدومك دي و انتي ي اريج ساعدي امي
حياة:في شنو ي بت مالك؟
انا:معز اشترا البيت و بكرة حيطلعنا منو و يوسف.. عاينت ليه و بعدين كملت كلامي:يوسف المدير عندو شقة حنقعد فيها لحدي م نلقا لينا شقة تانية مناسبة
حياة ختت يدها في قلبها و قالت:سجمي! معز اشترا البيت متين و انا ليه م عارفة؟
انا:امي انتي م عاوزة اي توتر ولا زعل لانو حالتك م بتسمح ليكي.. قومي حسا عشان بكرة من الصباح الزفت د حيجي يطلعنا من البيت
حياة:يبت انتي جنيتي نمشي بيت زول غريب؟
يوسف:والله انتي زي امي و بتك دي زي اختي و لمن حكت لي المشكلة قلت م صج اخليها كدا و بعدين عادي زي م قالت ليك شجن حننزل نشوف ليكم شقة مناسبة و كويسة بس يعني!
حياة عاينت لي و عاينت لي يوسف و قالت لينا :تمام استنو امشي ألم الهدوم
انا:و انت ي علي جيب كتبك و كراسات كلها فاهم؟
اريج:معز د محتاجين نلوي ليه ايدو دي والله م ممكن كل يوم جاي راكب ليكم في راسكم
انا بديت ابكي و حضنتها:حنكون في الجهجهة دي لي متين ي اريج؟،انا م قادرة استحمل م!
.اريج:اهدي حسا البكا م حينفعك في شي خليكي قوية و اقيفي على حيلك اصلا الدنيا دي كدا م معروفة مودياينا لي وين يوم ليك و يوم علي و اكيد حنقدر نتخطى المحن دي كلها
كسرة
و في نص الضيق و التعب و الخنقة و الاحاسيس الصعبة البتمر بيها دي كلها فجأة !بيظهر ليك زول كده م بتقدر توصف هو شنو اساسا بشيل كل الألم الفي قلبك و يمسك يدك قوي لمن تيأس !و يقول ليك "اناهنا جمبك" الزول د بمثل كل حاجة حلوة في حياتك و بيحس بيك من غير م تتكلمم م ضروري يكون حبيب ممكن يكون صديق اخ قريب اي حاجة المهم بس انو هو فرحتك❤️
#يتبع
