حكاية شجن

٢١

منى:جيلان انتي وين
جيلان:قاعدة معاي شجن
منى:بس الحمدالله جيبيها و تعالي لي
جيلان:ليه في شنو و ماشين وين
منى:د يوسف قلي اعمل كدا حنمشي المزرعة جيبيها و تعالي
جيلان:و انتي مالك زهجانة
منى:يبت م تكتري كلام معاي اعملي القلتو ليكي و انتي ساكتة
جيلان:و اقول ليها شنو؟
منى:عاملين لمة و كدا
جيلان:سمح مسافة السكة و نصلك
جيت خاشة لي جيلان و قلت ليها:ماشين وين
جيلان:منى قالت نعمل لمة و مدا
اناا:بخصوص؟
جيلان:م عاوفة قالت لينا زمن من بعض و كدا
انا:منى اصلا بقت م تتكلم معاي م عارفاها مالا
جيلان غيرت الموضوع و قالت:ارح نطلع عشان م تكورم فينا
انا:لا لا انتي امشي و وصليني في طريقك ما لي نفس امرق
جيلان:يبت هي ها احسن ليك انا زهجت من منى عديل كل يوم قاعدة اطلع معاها و بقا ماف موضوع ارح نتلم حيكون هناك في نون و كدا
انا:طيب ارح قومي قدامي
جيلان: بحبك 🌝
انا:م تتمسكني لي كدا ي بت
جيلان:ارح قومي حسا تقعد تهيج فينا
-في جانب تاني -
الباب كان بخبط شديد و حياة صحت محلوعة مشت فتحت الباب عاينت لي المرة القداما بتمعن عشان تعرف الزولة دي منو!و شافتا وين ...قالت ليها اتفضلي بعدما عرفتا منو قعدتا في الكنبة و المرة بقت تعاين لي البيت قالت ليها حياة:اهلا وسهلا ....عشان تقطع لحظة الهدوء دي زائدا انو كانت مستغربة هي جاية تعمل شنو هنا!
اميرة:اهلن بيك
حياة:شجن م هنا اظنها قالت ماشة ليكم؟
اميرة:اي اي حسا خليتوم في البيت هي و جيلان سوا
حياة:اها ؟
اميرة:شكلو م مرحب بي
حياة:ليه البيت بيتك ا
اميرة:صراحة جيت اتكلم معاك في موضوع مهم!
حياة:خير
اميرة:انا عندي سرطان!مبدئياً كدا و اخر ايام شفت كيف بتي اتعلقت بيكم بي سرعة!و بزات بيكي انتي و بقت تحبك شديد و تحب احتها شديد هي عندها اخوات لكن كل وحدة فيهم ملهية بي راجلا مافي زول فاضي يشوفا لكن شفت كيف شجن بتهتم بيها و بتكون متواصلة معاها دايماً و كدا!انا جيت اقول ليك انا لو حصل لي اي شي جيلان اعتبريها زي شجن!املي مكاني بي اي طريقة جيلان بتي لسا صغيرة و عاوزة الاوعيها و يوريها الصح من الغلط حتكون محتاجة لي شديد فحاولي غطي مكاني
حياة:في شنو ي اميرة؟جنيتي انتي بدل تقولي الكلام دا قولي انشاءاله ابقا كويسة و انا الاوريها الصح من الغلط!مافي زول بقدر املا مكان ام!تفي من خشمك و ادعي ربنا يقومك بي السلامة م تتشائمي كدا !بتبالغي
اميرة:م معروف البحصل شنو يا حياة انا جيت اوصيكي على بتي
حياة:برضو ي اميرة م معروف ربنا حيقبض روح منو الاول !و شجن في عيني و جيلان في عيني التانية من م شفتها م حصل قلت انها بت خالد زيها زي شجن واحد
اميرة:مالك انتي شديدة م عندك عوجة
حياة:اميرة في ناس بموتو بي وجع راس!و نحن م بنتكلم عن المرض او غيرو ممكن حسا و انا بتكلم معاك اموت موتة الله دي !
اميرة:صدقتي!جيت اقول ليك الكلام دا بس
حياة:م تخافي م حيحصل الا الخير ولا لا قدر الله حصل اي شي جيلان زي م قلت ليك بعتبرا بتي!
-في جانب تاني -
قلت ليها و انا بمسح في وشي من السخانة:منى موديانا وين انتي؟ م ممكن السخانة دي
منى:ماشين مزرعة
انا:اممسك مزرعة في السخانة دي؟ نزليني هنا برجع و انتو كملو
منى:م هو حنوصل مع المغرب
جيلان:انتي موديانا ياتو مزرعة؟
منى:م ليك دخل اسكتي
انا:لا و مزرعة نمشي نعمل فيها شنو نحن التلاتة و كمان نصل المغرب؟جنيتي يا منى؟
منى:والله انا م مجنونة لكن اها نعمل شنو قالي اسوي كدا
اما:يوسف!!!!
منى:اي
انا:منى وقفي سريع العربية دي خليني انزل جنيتو صح انتو؟
جيلان:دي منى انا مالي دخل
منى:و دا يوسف انا ما لي دخل!
انا:انتو ليه م قادرين تفهمو اني نسيتو و انو بقا م بعني لي شي!!!!؟؟؟؟يعني الا الحنا ليكم حتن تفهموو
منى:لمن تلاقيه هناك ابقي قوليه الكلام دا م تصدعينا!
عاينت ليها باستغراب!كانت بتتكلم بغيظ م ياها منى الكل مرة  سالتها :انتي في شنو ؟مالك معاي ؟ عملت شنو عشان تتعاملي معاي كدا؟
منى عاينت لي شجن و قالت:بتتكلم معاي هي ولا شنو؟
جيلان بي صوت واطي:منى خلاص!
منى:في شنو ي شجن مالك د كلامي العادي الفي قليو حرقص براو برقص!
انا:م حتكلم معاك كتير والله اصلا م قادرة اتلكم كتير
عاينت بناحية السباك و منى علت الصوت و زادت بنزين و انطلقت اهئ
-في جانب تاني-
ابراهيم:والله ي خالتي عديل كدا جاي اتقدم اي بتك و هي رافضة مبدئيا كدا لكن برضو القرار م في يدا و هي بتحبني علفكرة
نون:ي امي قوليه يطلع من حياتي 😂
ابراهيم:م تضحكي ي بت انا جادي
ام نون:يبت انا م صدقت زول جا اتقدم ليكي حتوافقي غصبا عنك
ابراهيم:كمان اوعا تقول ليكي انا صغيرة و قلة ادب معاها البنات بعرسوهم من تمنتاشر و ستاشر
نون:ابراهيم اقعد ساي +هو بهظر على فكرة م جاي اتقدم ولا شي كنا مع بعض و رجعني البيت و قال عاوز اسلم عليك
ام نون:ي عولاق جاي اسلم علي لشنو اكيد جاي اتقدم
ابراهيم :امك بتفهم اكتر منك
نون:انا داخلة اوضتي اتصرفي معاه انتي 😂
ابراهيم:انا م مشي
نون و هي ماشة على الاوضة:خلاص بيت معانا اليلة ..خشت الاوضة و مسكت الباب و طلعت راسا و قالت ليه:نوم في الكنبة🌝 ..و بعديها قفلت الباب..
-في جانب تاني -
و انا ساكتة و بعاين من الشباك نزل علي الالهام و عقلي قلي اسأليها:بتحبيه؟
جيلان:شنو؟
انا:مع منى ..بتحبيه؟
عاينت لي بالمراية و سفهتني بعد اقل من خمسة دقايق وصلنا !
نزلنا من العربية و دخلنا من البوابة و لقينا غفير سلم على منى و جيلان بي ترحاب ظاهر انو بعرفوهو من زمان دخلنا و مشينا مشينا لمن روحي كانت عاوزة تطلع و لقيناه!
منى:جبناها ليك بعدا انت اتصرف
انا:م رديتي علي
جيلان بي ترجي:شجن خخلاااص!!!
منى قبلت علي قمت عدت ليها نفس السؤال:بتحبيههه؟؟
منى بي كواريك:منو هو؟؟
انا بنفس نبرة صوتا:يوسف!
منى:لا!
يوسف:شجن انتي فاهمة غلط منى دي زي اختي انتي مفروض تكوني فهمتي علاق..
قاطعتو و عدت ليها نفس السؤال:بتحبيه!
منى:اي بحبو
يوسف عاين ليها و هو مخلوع و قال:منى؟
منى:انت م لاحظت لي الحاجة دي؟ م لاحظت كل م تقولي شجن وشي بتغير كيف؟ !كنت بعمل اي شي عشان انت و ليلى م تكونو مع بعض عشان لو لحقت و بقيت ليها!حتتحرّم علي انا! ...بقت تبكي قام يوسف سألا :طيب ل..
قاطعتو و قالت ليه:لكن ...لكن لمن شفتك مبسوط مع شجن بقيت بحاول اقنع روحي انو د م حب د حب اخوان بس م اكتر اتجاهلت حبي ليك كتير و جيت على نفسي شديد عشان تبقى مبسوط ..عاوف بقيت بكرها ليه؟عشان زعلتك !عشان م قادرة تتفهمك!و انا لمن اشوفك كدا قلبي بوجعني شديد!و بحس انو هي م بتستاهلك! لكن...بفكر برضو لو انا كنت فمحلها كنت حعمل شنو!اكيد نفس العملتو هي!
منى مشت و يوسف لحقا قالت ليه:يوسف انا م زعلانة نهائي م تشيل هم انا حعرف اتصرف مع روحي زي كل مرة ححاول اقتع نفسي!انت امشي حاول معاها، صدقني لو في فرصة ترجعو انا حكون مبسوطة شديد
يوسف:منى لكن!
منى:يوسف م تحسسني بي الزنب اني اعترفت ليك!ارجع ليها
يوسف رجع لينا و قال لي جيلان :امشي ليها كلمت عم حسن يرجعكم
جيلان مشت و انا مشيت بي وراها ،ماحس الا و يوسف مسكني و قال لي:انتي ماشة وين لازم نتكلم!امشي ي جيلان
انا:جيلان اصبري انا راجعة معاكم
جيلان عاينت لي يوسف احساس اها انا اعمل شنو
قليها: امشي
مشت و انا بقيت احاول اتفكا من يدو عشان الحق جيلان و لمن اتأكد انو م حقدر اوصل ليها فكاني
مشيت بعيد فتشتهم م عرفت اطلع من وين رجعت ليه و قلت ليه:طلعني
يوسف:جابك احدي هنا و عاوزاني اطلعك؟
انا:عاوز مني شنووو
يوسف:م عاوز اخسرك !
انا:يوسف اتكلمن في الموضوع دا ! و قلت ليك اني م عاوزاك
يوسف:اديني سبب يخلبك م تصدقيني
انا:اديني سبب اخليني اصدقك؟ياخي دليل واحد!
يوسف:انا ليلى دي بكرها و منى بي خشما جات قالت ليك دي ليلى العملت كدا!برضو م عاوزة تصدقي؟الناس كلها مصدقين الا انتي! شجن انتي اصلا حبيتيني قبل كدا ؟
انا:عندك اي شك؟!
يوسف:طيب ليه بتصعبي في الامور؟حين انو ممكن نكون مع بعض؟
انا:يوسف انا بقيت بخاف منك !بقيت م بضمنك لمن نكون في حتة وحدة مع بعض بخاف عارفة يعني شنو؟ بقيت م بثق فيك خايفة تعمل لي اي شي م عارفة شنو لكن بقيت بخاف منك ،
يوسف:قصدك شنو؟
انا:الفهمتو ي يوسف!
يوسف:انا مستحيل اخليك تضيعي مني كدا!
انا:م تحاول اكتر من كدا
يوسف:حجي انقدم ليكي لسا عندك وقت تفكري
انا:يوسف انساني ياخي
يوسف:قلت ليك انا م حقدر!
انا:و انا م حقدر اكمل مع واحد انا م بثق فيه!اكون خايفة في اي وقت ممكن يعمل زي م ابوي عمل!ليه اعيش طول حياتي في التوتر دا؟
يوسف:فكري ي شجن لحدي بكرة
مشا و مشيت وراه لحدي ما طلعنا و ركبنا العربية وصلن بليل فتحت باب الشقة لقيت امي لسا صاحية ظاهر انها كانت مهمومة قعدت جمبها و عاينت لي بي خلعة:جيتي متين ي بت
انا:حسا
حياةيبت الساعة ماشة على اتنين جاية من جيدان الوقت دا؟مش كنتي حتبيتي!
انا:جابني يوسف ..انتي مالك صاحية؟م من عوايدك؟
حياة:اميرة عندها كانسر
انا :شنو!!اميرة منو؟
حياة:اميرة ام جيلان جاتني الليلة
انا:امي اصلو م بصدق و جيلان عارفة؟
حياة:م اظن ،عارفة جاتني لحدي عندي و قالت لي لو حصلت اي شي اخلي بالي من جيلان و الله قطعت لي قلبي!
انا:واي شيلتيني الهم اكتر من ما انا شايلاه!
حياة:و انتي شايلة هم شنو اصلا!!
انا:ولا شي امشي نومي..علي جوة؟
حياة:اي جا قبل شوية
انا و ماشة على اوضتي:ابقي شوفيه بمشي وين و بجي من وين لاني فترت.
-في جانب تاني-
ص٩:٣٠
دخلت على بتها و قعدت جمبها في السرير زحت البطانية من وشها و لقتا ماسكة التلفون قالت ليها:مش عارفاني دخلت ليه م قمتي
جيلان:اميرة مالك بقيتي حساسة كدا😂
اميرة ضحكت وقالت ليها:قومي عاوزاك في موضوع
جيلان:جاني عريس ولا شنو🌝
اميرة:لا موضوع مهم
جيلان:مهم!🌝
اميرة:شوية حبتين
جيلان عدلت رقدتا و قالت ليها: اها؟
اميرة:قبل كم اسبوع مشيت المستشفى حللت
جيلان:اي و سالتك قلتي لي لسا التحاليل م طلعت
اميرة:امبارح الدكتور ضرب لي رائد عرفتيه؟
جيلان:اي ها؟
اميرة :طلع عندي كانسر
جيلان عاينت ليها بعدين ضحكت قامت قالت ليها:اقعدي قولي كدا لحدي م يجيكي
اميرة:انا جادة معاكي م قاعدة اهظر في الحاجات دي الليلة حمشي الدكتور
جيلان:من متين عارفة؟و ليه م كملتيني ؟
اميرة:امبارح عرفت
جيلان بدت تبكي و حضنت امها و فضلو مدا لحدي م جيلان هدت و رجعت نامت تاني
-في جانب تاني -
٩:٣٠ م
دقا الجرس و حساة مشت تفتح لقت يوسف و ابوهو و اختو استغربت اصلا م كانت عاوفة ديل منو الا يوسف عرفوم عليها
حياة:بيتنا نور الليلة ادخلو
لحسن الحظ كان خالد قاعد سلمو كلهم على بعض و قعدو مسافة بعديها جيت مارة م كنت عارفة انو في ناس لقيت شباب الربة كلهم قاعدين عاينت لي يوسف و عرفتو من وشو جاي يعمل شنو
امي  نادتني اقعد قعدت و بدا طارق يتكلم :نخش في الموضوع طوالي ي جماعة نحن جاين نطلب يد بتكم لي ولدي
امي زغردت و خالد ابوي اتحمس و انا بعاين ليه و اضحك
خالد قال:و نحن م عندنا اي مانع حساة كانت دايما بتحكي لي عن يوسف كان بعمل شنو معاهم و ساعدوم قدر شنو فما عندي اي مشكلة بتي تشيليوها معاكم من حيا
انا:استنو!شوفو رأي طيب؟يوسف كلمكم انو في خلافات بينا؟و نحن اتلكمنا في الموضوع دا كتير و قلت ليه انا رافضة!مع كامل احترامي يعني !انا م موافقة!
يوسف:شجن دي اخر فرصة لينا !
انا:قلت ليك ي يوسف نحن انتهينا!
يوسف:شجن الحياة قدامنا طويلة و حنعيش حياة حلوة!دي اخر فرصة لينا!
انا:قلت ليك م بقدر اعيش مع واحد انا م بثق فيه
حياة:يبت ابوهو قاعد
طارق غمش عيونو و فتحا نظام م مشكلة
يوسف:اخر كلام ي شجن؟
انا:اي!
يوسف قام و علا قامت و طارق قامو امي و ابوي اعتزرو ليهم شديد و طلعو!
-في جانب تاني -
-اها ي بوس؟الولد قدامي!
معز:قوم بيه
-انفز يعني؟
معز:اتوكل
-في جانب تاني -
مشيت علي تلفوني لقيتو بضرب اول م رديت:كدا نقول البقاء لله
انا بي توتر :معز!!
مع كلمة معز سمعت صوت طلق بدون م احس رميت التلفون و نزلت تحت لقيت يوسف واقع في الارض كان قميصو الابيض مغرق كلو بلدم بقيت بصرخ ما عارفة اعمل شنو و ابوهو و اختو كانو مخلوعين و م عارفين يتصرفو كيف لحدي م ابوي جا شال يوسف مع طارق و وديناه المستشفى كنت حاسة بي شي م حسيتو قبل كدا قلبي كان مقبوض حتا الدموع م كانت عاوزة تنزل قاعدة في ركن بعيد بشوف نون و منى و اختو و اهلو ببكو و انا بتفرج في صمت بعد ساعات جاتني اريج فضلت حاضناني و انا م عارفة الحاصل شنو!هل د حقيقي؟طلع الدكتور و ملامح وشو بتوحي انو في شي غلط!في شي غلط في كارثة حصلت و انا قربت من الدكتور و بديت اسمع في الكلام البقولو فهمت انو يوسف اتوفى حاولت اتكلم اتاكد انو حبيبي مات بجد ولا انا سمعت غلط لمن لقيت امو واقعة في الارض و منى بتبكي عاينت لي اريج قلت ليها:قولي لي م مات
بقيت بتزكر مواقفنا مع بعض من اول يوم اتلاقينا بتزكر في كل حضن حضني ليه و كل كياية قهوة عملتها ليه في كل ضحك و بكا معاهو!صوتو بدا يعلا في اضاني سمعت كل كلمة بحبك قالا لي جسمي اقشعر لمن حسيت بي حضنو يوم كنت عيانة بديت اكورك بعدها وقعت م صحيت الا على ناس كتيرة في بيتنا حاولت افهم في شنو مشيت برة لقيت اريج بتبكي و جيلان بتبكي و لقيت جارتنا الزمان قاعدة في الارض و بتبكي ناس كتيرة بتصرخ قلت لي اريج:امي وين؟انا وين ؟
جيلان بدت تبكي زيادة و من وقتها عرفت انو امي اتوفت!
اكتر اتنين في حياتي خلوني و مشو الدنيا دي غريبة!بجد كل من عليها فان! م كنت قادرة افهم يعني شنو امي تخليني و تمشي؟كيف حقدر اواصل باقي حياتي كيف حقدر اقيف على حيلي تاني؟
و لي هنا دي كانت قصتي حكاية شجن!قصة زي قصص الافلام بتبتدي بي انو البطلة بتعيش حياة صعبة لحدي م يجي فارس احلامها و ينشلا من الدائرة السودة و تعيش حياة سعيدة بس قصتي عكس!ابتدت بي شجن و انتهت بي شجن ..م عارفة حبيت اعيشكم تفاصيل حياتي الكنت قايلاها بس بتحصل في المسلسلات
قام علا حيلو و رما ورق الرواية و قاليها:انا لو قروشي قروش حرام!م بطلع الرواية دي فلم شنو هو كل شوية و التانية البطلة تبكي؟بعدين الكلام م مرتب و القفلة حقتها م مؤثرة والله مش كان موتي البطل و الام كان موتيها هي زاتا!
زينب:اسمع هنا م تقعد تكورك فيني كتبت اول رواية نور م عجبتك و كتبت دي م عجبتك!خلاص امشي شوف زول غيري م تجننا و اقول ليك شي جيب الورق دا ابقا بت كلب لو جيتك تاني هنا
قال ليها:و سناريو ضارب
زينب:عاجبني !شفت عاجبني يلا شوف زول يكتب ليك الشي الانت عاوزو بلا لمة بلا قرف
رجعت بيتوم زهجانة لقت امها في وشا قالت ليها:اها قبلو يعملوها فلم؟
زينب:نفس نور!قال م حلوة و السناريو م عجبو!
جا ابوها من بعيد قليها:انتي اقعدي موتيني كدا لحدي م اموت جدجد!
جا ولدهم الصغير و قال:و هي النهاية كانت كيف في الحقيقة؟
شجن:كانت ي ولدي...
<فلاش باك>
بعد م مشينا المستشفى ليلى جاتني :شجن الحصل دا كلو انا المدبراهو !عليك الله ارجعي ليه براهو تعبان و م ناقص هم
عاينت ليها و مشيت عاينت ليه بي الشباك لقيتو بضحك و نون جمبو و منى قاعدة عاينت لي من الشباك و عمل رايح قامو كلهم طلعو و قالو لي:خشي ليهو!
خشيت و قعدت جمبو و قلت ليه:كل الحصليك بي سببي معز ضرب لي قبل الحادث دا بي دقيقة!
يوسف:ممكن تسكتي؟
عاينت ليه و هزيت راسي
يوسف:بحبك ي غبية
يوسف:و انا كمان😔
بعديها طلع من المستشفى و طبعا!بعد كم شهر عملنا العرس و جبتك انتي !جبت لي مصيبة انا!
صحبة زينب جات خاشة و قالت:و امك؟
شجن:ماما اتوفت بعد م جبت البلوة القدامي دي!
صحية زينب :طيب و نون و ابراهيم؟
يوسف:عرسناهم بي الغصب!بعد م نون كانت قنعاعنة ابراهيم قنع !بعديها انا و شجن اصرينا يعرسو
قالت ليها و هي بتحشر زيتونة فخشمها:و اميرة؟
شجن:اتعالجت و بعد وفاة امي بقت تزورني دايما و تختم بي لحدي م اتعلقت بيها شديد و بقت في مثابة امي !اما اريج (عاينت لي يوسف و ضحكت)م عارفين اللماها في احمد شنو لكن نجضتو ليك نجاض و ادبتو ليك و عدلتو و حلتو يحبها و عرسو 😂و انا متأكدة الزول العامل قلق في البلد دي بسبب المخدرات و م معروف ليه اسم دا حيكون معز و بكرة يطلع كلامي صح :)
يوسف:امكم دي خرفت يخواني الحقوها
شجن:انت ي منفسن انت م تتكلم عن الخرف
يوسف:اعزروها عشان بس نسيت اول لقاء لينا كان يوم كم شخصتني انو عندي زهايمر
قعدو يضحكو قامت البت
قالت ليهم:طيب و ليلى حصل معاها شنو!!!
يوسف :اايييكك دي قصة تانية كمان
عاين لي شجن و بقو بضحكو
#النهاية
انشاءلله اكون قدرت العب بي مشاعركم و هيك 😂❤️والله دي احلا نهاية من رواياتي كلها!❤️😂بحبك نفرات نفرات❤️
كتبت قبل كدا :-
-نور
-راكوبة ست اب زيد
-حكاية شجن
-و بعض من القصص القصيرة الهايفة:رسائل ايفلين،رمادي باهت،كوب قهوة ساخنة...الخ
المهم دا حسابي في الانستقرام:
_.zeezyy
دمتم بخير❤️❤️