ابراهيم:يعني ليلى م قصرت!
يوسف:بس خليني القاها والله ما حخليها
ابراهيم:لا جنيت ولا شنو؟ اختاها بعد دا المرة الجاية م معروف حتعمل شنو!
يوسف:خلينا من دا حسا ،شجن اعمل معاها شنو؟ماف اوبشن اخليها تصدقني!
ابراهيم:يا مان اهدا اي شي بتصلح مع الوقت انت بس حاول معاها
يوسف:قلت امشي ليها الليلة لكن م قادر م قادر عديل اعاين ليها في وشها
ابراهيم:كدي حسا امشي جثها شوف مويتا كيف
يوسف:د لو م طردتني
ابراهيم:حاول يااخ
يوسف مشا لحدي باب بيتنا ضرب الجرس بعداك شال نفس كبير لحسن حظو فتحت ليه امي لانو لو كانت انا م كان ختا رجلو فعتبة بيتنا
حياة:يوسفففف هي يولدي بقيت م تجينا.
يوسف:عشان علي والله ي امي
حياة :اها بخصوص علي! انا م عارفة اقول ليك شنو بجد شكرا على كل شي قدمتو لينا انا و اولادي
يوسف:على شنو انتي زي امي و علي و شجن زي اخواتي فما تشكريني دا واجبي
حياة:م فطرت صاح خش حسا بظبط لييك الفطور... يا شجن شججنننن
انا:اي يامي
حياة:تعالي سلمي على يوسف و ختي الفطور دا
انا:سمح ي امي جاية
قفلت تلفوني و مسحت وشي بغيظ احساس هو جاي هنا ليه؟ م خجلان من نفسو؟ كيف قادر يخت عينو فعيني صحي صحي الرجال كلوم واحد مسحت دموعي و غسلت وشي عشان م يظهر اني ببكي لكن عارفة يوسف! اكيد حعرفني!
طلعت من الاوضة طوالي على الصالة مريت فيه وبدون م اسلم دخلت المطبخ طوالي جهزت الفطور و رزعت الصينيةفي الطربيزة
حياة:اجي ي شجن مالك
انا:م قاصدة يا امي معليش.... عاينت ليه و هزيت راسي و قلت :اهلا
يوسف:شجن عاوز اتكلم معاك... و عاين لي امي
حياة :خلاص احسن اقوم اخليكم على راحتكم... قامت كدا و رجعت قعدتها و قلت ليه :قول مالك امي ما زولة غريبة
عاين لي و تاني رجع عاين لي امي و عاد نفس كلامو ماما قامت سريع سريع من الحتا ربعت يديني و قعدت فمحلها بزهج
يوسف:بخصوص امبارح
ضحكت ضحكة قاصدة اني استفزو و قلت ليه:اها نشوف حتكزب تقول شنو
يوسف:ليلىختت لي حاجة في القهوة و حسيت انو مهبط و م قادرة اتحرك و راسي تقل
انا:عاوز تقنعني انك م كنت سكران؟
يوسف:والله م كنت سكران لبلى ختت ل يحاجة في القهوة و لمن لقتني في الحالة دي لقتا فرصة انها تتقرب لي
انا:عارف كل م اسمع صوتك بحس بي القرف؟
مسكني من يدي و قرب علي زحيتا طوالي و قلت ليه:اوعك تاني تلمسني
رجع مسكني و قال لي:شجن
انا:م تمسكني زححح... نفسي قام و طبعا م قدرت امسك دموعي و بقيت ببكي
يوسف:طيب اهدي اهدي ي شجن
انا:و بي كل عين قوية داخل البيت و قاعد معاي كانو م حصل شي!
يوسف كورك وو قال:ما حصل حاجة ،كيف اخليك تصدقي انو انا م كنت في وعي؟ ليه م عاوزة تصدقي؟
انا:جيتك امبارح الصباح خشيت ليك لقيتكم في وضع م حلو! قلت خلاص معليش مشيها المرة دي و امشي اتفاهمي معاه! اتفاهمت معاك و اتكلمن لكن قايلني اقتنعت بكلامك ولا صدقتو؟ و لمن قلت ليك ارح نمرق قلت لي عندي شغل! هه واضح الشغل واضح
قرب مني و بي نفس حار قلي:انا م عملت كدا و انتي عارفة اني مستحيل اعمل كدا !
واصلت كلامي و قلت ليه:م حبيت ولا مرة!و كنت عاملة حسابي اني م ادخل زول حياتي دخلتها و قلتد هو الانسان الحيطلعني من البقعة السودة الانا عايشة فيها حبيتك و قدرت تغير تفكيري بانو ما كل الرجال زي ابوي لكن!عاينت ليه في عيونو و قلت:لكن طلعت زيو !
يوسف:حخليك حسا تهدي لكن حرجع تاني!
انا:يوسف
يوسف;ايوة
انا:م ترجع تاني لانو البيناتنا انتها
عاين لي و طلع رزع الباب و طبعا انا م مقصرة! وقعت في الواطة دي و بكيت قدرتي امي جات شافتني في الحالة دي بقت تكورك :سجمي مالك ي بتي عمل فيكي شنو
في نص بكاي عاينت ليها و قلت :م عمل شي مشيت على اوضتي و كملت نفس الكنت بعملو برة!
-في جانب تاني -
اميرة:عزمتي اختك؟
جيلان:عزمتها م عارافة اذا بتجي ولا لا
اميرة:اتاكدي منها طيب
جيلان:متشاكلين
اميرة:لا لا يبتي لا يبتي كدا اصلو م بنفع دي اختك! ليه تتشاكلو لازم تكونو حنان و م تخليني احس بي الزنب اني كنت بقول ليك م تلاقيها و اكرهيها
جيلان :لا لا م شكلة كبيرة اصلا على موضوع تافه انتي م تخافي
اميرة:الله م يحرمكم من بعض ي رب
جيلان مدت راسة ورفعت حواجبينا مدت يدها ختتها فجبين امها عشان تتاكد انو المرة دي سليمة ولا حاصل ليها حاجة:امي انتي كويسة م حاصلة معاك شي
اميرة وقفت على حيلا و قالت:حيكون حاصل لي شنو يعني؟
جيلان:مالك حسا هجتي م قاصدة شي انا يعني غريية شجن تكوني بتتكلمي عنها كدا werid
اميرة:قلت اوعيكي بس ي ي جيلان اها غلطانة انا البتكلم معاك
-في جانب تاني -
كنت ببكي باعلى حسي و امي برة شفقانة علي و م عارفة الحاصل شنو م لقت حل غير تضرب لي اريج
اريج:اي يا خالتو
حياة:تعالي و جيبي هدومك معاكي بتي دي م كويسة من الصباح قافلة على روحا وبتبكي خايفة يحصل ليها شي
اريج:مالا شجن؟
حياة بكواريك:قلت ليك م عارفة تعالي حسا دي.
اريج:سمح اهدي و م تخافي
-في جانب تاني-
ابراهيم:اسمعني
يوسف:اي
ابراهيم:عاين انا شبه بحب نون!
يوسف:مش كنت بتحب سجود ولا؟
ابراهيم:اي صح بحبها و اي شي لكن م عارف الفترة البعدت منها حسيت حاجة بتشدني لي نون
يوسف:طبب امشي قول ليها! نون بتحبك من زمان
ابراهيم:ما هي قالت لي و بعدها طلعت طوالي من المكتب و بحاول اضرب ليها م قاعدة ترد علي
يوسف :بشوفا ليك لكن عاوز اسالك
ابراهيم:اها!
يوسف:بتحبها بجد ي ابراهيم؟ ولا بس فاضي و حتلعب بي البت؟ انت عارف نون دي اختي زيها و زي علا!
ابراهيم:انت جنيت؟ كيف العب بي البت؟ قبل اي شي هي اختي و صحبتي من زمان
يوسف:عارف لو زعلتها او عملت لهيا حركات ما ياها ممكن اعمل فيك شنو!
ابراهيم:هدي هدي م تخاف! 😂
يوسف:انا طالع.. حتقعد؟
ابراهيم:لا لا البقعدني شنو؟ ماشي معاك!
بوسف:تمام ارح
-في جانب تاني -
اريج:شجن افتحي
انا:اسكتو مني ماف زول اتكلم معاي
اريج:انا م حزح من الباب دا الا و انتي فاتحة لي
انا:قلت ليك م حفتح خلوني براي
اريج:حكسر الباب انتي عارفاني بعملا
انا:اكسريه كان بتقدري
اريج:ي الله ي شجن ياخ مالك في شنو
انا:مافي شي
اريج:لا كان كدا انا حضرب لي يوسف امكن اكون عارفك
انا:للااااااااا م تضربي ليه لا
اريج:حضرب
انا:علاقتنا بتنتهي
اريج:اذن فرصة سعيدة لاني حضرب ليه لو م فتحتي!
قمت من السرير فتحت الباب اريج دخلت عاينت لي امي لقيتا خايفة شديد عاينت ليها و وشي مورم من البكا:ماف شي م تخافي
حياة:ماشة اسوي ليكم شي تاكلوهو حسبي الله ونعم الوكيل في العمل فيك كدا حسبي الله
قفلت الباب و اترميت في السرير و واصلت الكنت بعمل فيه
اريج:فهميني حصل شنو؟اكيد يوسف ليه يد في الموضوع؟
انا:اتخيلي ي اريج..دخلت بيتو و لقيتو هو عزيزة ما شفتي كانو قريبين من بعض كيف! اريج انا حبيتو عارفة يعني شنو حبيتو؟
اريج:وشوف انا القلت امشي اتفاهمي معاه طلع وسخ!
انا:اعمل شنو يا اريج بعد م حبيتو و اتعلقت بيه؟
اريج:اصلو م كنت مطمن ليه الولد دا
بقيت ببكي تلفون ضرب لقيتا جيلان جدعتو قامت اريج قالت لي:هي هي التلفون زنبو شنو؟اكان م بتدوري جيبيها انا بشيليو
ردت عليها و قالت:تعالي سرعة في مشكلة حاصلة
انا:بعد م قلت خلاص حياتي حتتغير !باظ اي شي بجد انا م تعبت
اريج:يبت م تقولي كدا وبنا كشفو ليكي امكن الزول دا كان ممكن يأذيكي كلو شي لي خير و بفرت دا و بجي غيرو!
دخلت جيلان و اريج م قصرت حكت ليها من طقطق للسلام عليكم
جيلان:لا بجد انتو قايلين يوسف ممكن يعمل كدا؟اي شي واضح دي اكثد ليلى انتو عارفنها هي سوسة كيف
اريج:ييت هي شجن شافتوم بعيونا و علي العليه كان سكران اها تاني شنو؟
جيلان:شجن اسمعيها مني!يوسف مستحيل يعمل كدا ....اها امش ضربت لي واقفة ليتحت هي المهم بجيكم تاني يلا ي شجن
اريج قعدت جمبي لعبت لي في شعري لحدي م غفيت.
-في جانب تاني-
منى:انتي كيف تعملي كدا؟ ممكن اعرف!
ليلى و هي بتبرد في اضافرينا:عملت شنو
منى:م تعملي نفسك غبية!كيف تتقربي من الولد بي الطريقة دي؟خلي انك خربتي بيناتوم م بتخجلي انتي؟عارفة لو امي سمعت الكلام دا ممكن تموت؟
ليلى:م عملت شي انا!هو جاني لحدي عندي
منى:بطلي كزب ي ليلى!
ليلى:ختيت ليه دوا بخلي الزول مدروخ!
منى:انا و بتعترفي كمان؟
ليلى:مش دا العوزة تسمعيه؟يلا يلا ابقي كلمي صحباتك و كدا وشوهي سمعة امك انتي ادرا
قالت ليها:مش كان بعديتهم عن بعض كان عملتي السبعة و زمتا فلنهاية حيعرسو! يوسف مستحيل يرجع يحبك تاني!بخساستك و انانيتك دي ماف زول حيحبك ي ليلى!
ليلى و هي بتهف في ضفورا:طيب ي بيبي اطلعي و اقفلي معاك الباب
-بعد مرور ايام-
و في اليوم دا! قررت اني ابدا حياة جديدة بعيدة عن الكنت عايشاها قررت انسا كل شي كعب خصل لي و حصل لي اهلي قررت ابدا صفحة جديدة اعيش فيها كل الحاجات الكنت مخططة ليها !اعيش مغامارات جديدة مع ناس جداد دخلت الحمام و غسلت وشي بنية البدايات الجديدة لبست هدومي و طلعت و صادفني يوسف!و عرفت وقتها انو في حاجات كدا مستحيل ننساها و انو حتكون قاعدة معانا لحدي م نكبر و نعجز!عيانت ليه و نزلت السلالم جريت لمن سمعتو بنادي فيني مرت ركشة من جمبي و م وقفت كانها عارف قصتي و عارفة انو يوسف وراي و م وقفت خساسة!لفتني من يدي و قلي :انا مش بنادي فيك؟
انا:و اظن نحن اتكلمن في الموضوع دا م تتكلم معاي م تلمسني زائد تنساني!
يوسف:م كنت في وعيي..
انا:و انا م كنت في وعيي لمن حبيتك!
عاين لي قرب كان يكفتني جا بي عربيتو قدامي و قلي :اركبي
عاينت لي و عملت نفسي ميتة،كورك و قال :اركبي م لقيت نفسي الا و انا راكبة !
كنا ساكتين بعديها قلت ليه:قروشك حتجيك
عاين ليها و هو صاري وشو:قروش شنو؟
انا:يعني قايلني غبية ؟في شقة بتتاجر بي الف جنيه معقول؟ انا وقتها كنت عارفة انك اشتريتا بس كنت ساكتة عشان م كنت حعرف اودي اهلي وين!
يوسف:م عاوز قروش عاوزك انتي!
انا:و انا نسيتك ي يوسف!و حياتي اتصلحت شلت حق امي و معز اتحبس و علي عرف بي ابوي و اتاقلم مع الموضوع اتعودت انك تكون مافي!فما تخرب لي حياتي بعد اتصلحت!
عاين لي و قال:طيب لو نسيتيني بتبكي مالك ؟
سكتنا مسافة طويلة بعديها قال:ماشة وين؟
انا:جيلان.
-في جانب تاني-
ابراهيم:ممكن اعرف م بتردي على التلفون ليه؟
نون:عاوزشنو؟
ابراهيم:جيت البيت كذا مرة و دخلت لحدي باب اوضتك و بدق ليكي الباب و م بتفتحي يعني الا الزول يشرك ليك تحت بيتكم عشان اعرف اتكلم معاك كلمتين؟
نون:اها وحسا شفتني ممكن اعرف عاوز شنو؟
ابراهيم عاوزك انت...نون م تعايني لي كدا!
نون ضحكت بعديها قالت ليه:يلا حبيبي انا دور عربيتك و انطلق تمشي وين ما عارفة المهم غور من وشي
ابراهيم:انتي مش بتحبيني ؟ مصعبة الامور كدا ليه؟
نون:كنت بحبك كنت مغفلة اعمل شنو🌝
ابراهيم ضحك و قاليها:م عندك مشكلة اركبي اوصلك
سكتت مسافة و بعدين قاليها:بصفتي ابراهيم بتاع زمان
نون:لا خلاص كان كدا م ممشكلة م بنقول لا للاسدغاء
-في جانب تاني-
-التحاليل طلعت
اميرة:اها طمني يا دكتور؟
-خير خير لكن لازم نبدا في العلاج بي سرعة قبل ما حالتك تسوء اكتر الليلة دي لو بتقدري تعالي المستشفى و نبدا في العلاج
اميرة:لا لا اليلة م بقدر اجي
دخلت عليها جيلان و قالت ليها:كنتي عاوزة تمشي وين؟
اميرة:لا لا ولا حتا
جيلان:على العموم شجن برة !
اميرة:خلاص الحقيني انا بجي
-ما قصدي اتدخل!لكن لازم اهلك يكونو عارفين عشان لو حصل اي شي يكونو جاهزين!
اميرة:قصدك شنو ؟
-م قصدي شي لكن عشانك انتي عشان نفسياتك لازم يكونو الناس حولينك المعركة الحتدخليها دي مي نفع تواجيها براكي لازم جيش يكونو في ضهرك!صدقيني
-في جانب تاني-
منى:سمعتو ولا جابو ليك🙆🏻♀️ادخل ادخل بي رجلك اليمين
يوسف:يبت مالك هي 🤣
منى:بقيت م تجينا كلو من شجن دي🌚
يوسف:ويويوي بتغيري 🌝
منى:بري لا بغير لا شي...جاي ليه
يوسف:جاي امرقك معاي
منى:عندي قراية كتيرة
يوسف:ما انا عارف عشان كدا جاي اغير ليك جو
منى:طيب ادخل استناني جوا
يوسف:لا لا عاوز اولع سجاير انتي البسي و اطلعي لي
جات ليلى و بقت تعاين ليه:الجابك شنو
يوسف :احسن تختفي من وشي !
ليلى:المهم الفي بالي كلو عملتو
-في جانب تاني-
اميرة:اتفضلي ي بتي البيت بيتك
انا:تسلمي❤️
اميرة:وين علي م جبتيه معاك يخس عليك
انا:والله ي خالتو بعد انتها من تالت دي م قاعدة اشوفو في البيت
اميرة:والله تربية الاولاد صعبة
انا:والله م صعبة بس عاوزة مسايسة و كدا
-في جانب تاني-
منى:ياخ انت ليه جاري وراها كدا
يوسف :لاني بحبها و انتي عاوفة اني م حصل حبيت بت زيها !
منى:انت يعني راجيها ترجع ليك؟بعد حياتا اتصلحت و ابوها رجع و بقا عندها عيلة و القروش مشت في يدها منتظر ترجع ليك
يوسف:ي بت انتي بتتكلمي عنها كدا ليه؟كانك م بتعرفيها!ايعني هي بتحبني عشان قروشي!
منى:لا...انو اي !طيب بعد بقا عندها القروش ليه م رجعت ليك؟
يوسف:ببساطة عشان اختك!
منى:شوف غيرتك كيف!من هي دخلت حياتك نسيتني بقيت م بتجيني و تلفون زاتو م قاعد تضرب لي!
يوسف:يبت الناس انتي زي اختي كيف انا ممكن انساك؟بعدين اوهو جيت اطلع و اغير ليكي جو
منى:جيت بس عشان القا ليك صرفة مع شجن م عشان سواد عيني
يوسف:طيب انا المفروض امشي لمنو عشان احل لي مشاكلي؟ ولا انتي م عاوزاني ااكون مبسوط؟
منى:عشان انا عاوزاك تكون مبسوط ابعد منها عاين ليها سوت فيك شنو؟ انا بحبها و اي شي لكن لمن تجي عليك بقيف الف احمر!
يوسف:طيب لو عاوزاني اكون مبسوط اضربي لي جيلان و قولي ليها القلتو ليك!
سكتت مسافة بعديها قالت ليه:طيب دقيقة
-في جانب تاني-
معز:م بعرف عنو حاجات كتيرة لكن اسمو يوسف و بيتو في(…) و مكان الشغل حقو(…) راقبو لي كويس و اعرف لي بعمل في شنو بظبط و بمشي وين و بجي من وين و لمن اديك الضو الاخضر مفذ طوالي.
:اعتبر المهمة اكتملت.
-وقت الزيارة خلص
معز عاين ليه بنظرة شر بادلو نفس النظرات و هزا راسو يأكد ليه انو حيعمل نفس القالو ليه
#يتبع
