فجأة تلفون امي ضرب قامت سريع سريع اتلبشت انا بعاين ليها مستغربة بعد ردت و جات سالتها:امي منو الضرب ليك
حياة:لا لا رقم غريب
انا:اجي و مالك اتلبشتي كدي
حياة:انا؟ لا لا ولا اتلبشت ولا شي
انا:اها ي يا أمي بعد د انا امشي انوم عاوزة اصحا بدري الحق المواصلات
حياة:اي ي شجن امشي نومي و ارتاحي
انا:علي نام ولا شنو
حياة:اي من قبيل
دخلت اوضتي و رقدت في السرير و نمت بعد تعب من التفكير صحيت على صوت امي بتقومني لي الشغل
حياة:ي بت قومي
انا:الساعة كم
حياة:ستة و نص مش قلتي عاوزة تلحقي المواصلات؟
انا:اي خلاص قايمة..امي
حياة:اي حببتي
انا:صحيتي علي؟
حياة:اي صحيتو قاعد يلبس
انا:تمام قمت و اخدت لي تنهيدة تاني حيعدي يوم و م معروف يحصل فيه شنو تاني حيعدي يوم و انا لسا م قادرة اعمل حاجة ولا ارجع ورث امي ولا لقيت شغل ولا قادرة اتخلص من معز استغفرت و لبست سفنجتي و دخلت الحمام استحميت و اتسوكت و لبست عبايتي و طرحتي و مرقت
انا:يلا ي ود اطلع
علي:طالع
انا:سرعة المواصلات بتفوتنا
علي:م شقتي كراس الانجليزي حقي؟
انا:اوهو تعال قاعد في الطربيزة هنا حتأحرنا و م حنللقا مواصلات
علي:طلعت ي بت خلاص
نزلنا و اول م فتحت باب العمارة لقيت معز واقف بي عربيتو انا:ي الله د جابر شنو مني حسا
معز:الليلة طالعة بدري مالك
انا:خير😒
معز:كيفك ي علي
علي:تمام
انا:عاوز شنو ي معز؟ انا عندي شغل و حسا م حلفا مواصلات
معز:تعالي انا حوصلكم
انا:ي ود انتي عبيط؟ عييط ي ود؟ انت م عندك حاجة غيري يعني؟ اول م بتصحا من النوم بتقول خلاص ارح لي شجن؟ ي ود سيبني فحالي
معز:بحبك اعمل شنو
انا:حبك برص ي بعيد
معز:شافك يعني بتتطاولي عشان انا سامت و بتاع؟ ولا انتي ناسية انو..
انا:خلاص ي معز اقفل الموضوع
علي همس لي و قلي في شنو؟
معز:انت م عارف؟ شجن اختك م ورتك؟ 😕
انا:معز خلاص
معز:طبعا اختك حتختكم في النار بيدها😟قلت ليها لو م رضيتي و عرستيني حطلعكم من الشقى و انا اصلا اشتريت الشقة😔حتقعدو في الشارع
انا:انت حسا استفدت شنو؟ قولي بس حرام عليك د ولد صغير لي شنو عاوز تشيلو الهم؟ +عاوزني اعرسك؟ انا دي عاوزني اعرسك انت؟ واحد م مسئول و عايش على قروش ابوك و و رث امي و م بتخاف الله صلاة م بتصليها و حرامي و كلو فيك اعرسك لي شنو قولي سبب تخليني اعرسك
معز:بحبك و ودخالتك و أحق من اي زول اعرسك
انا:بحبك دي خليها كدا لكن ودخالتي! اقسم بالله متبرية منك و من خلقتك دي
معز كورك بي اعلا صوتو و قلي :شجن اركبي العربية
دي سريع احسن حسا اجي اديك كف
علي:ي زول م تتكلم معاها
معز:انت اسكت 😡
علي:م بسكت
انا:علي علي خلاص اهدا حبيبي اهدا.. حركب ي معز لكن تاني بيني و بينك المحكمة بس
معز:اركبي
ركبت و هو شغال لي بحبك وم قادر اعيش من غيرك و انتي البتخليني اتعامل كعب و بتاع و انا ساكتة و بعاين بي الشباك لحدي م وصلني نزلت و قبل م اقفل الباب قلي :حجي اسوقك بعدين
انا:مريض... و قفلت الباب كان قرب اتكسر في يدي
انا:يلا ادخل قدامي انت كمان.. تاني لمن انا اكون بتكلم مع الزفت د انت تخرص خالص فاهم؟
علي:الحق علي انا البدافع
انا:ي ود خش مدرستك م عاوزة معاك كلام كتير (بشتغل في نفس مدرسة اخوي)
دخلتا و نفسي قايم و وشي صاري و خلاص مقفلة معاي لقيت اريج قاعدة جوا عاينت لي مستغربة و قالت لي:مالك... طوالي في نفس الوقت رديت ليها و قلت ليها:في غيرو؟
اريج:معز تاني اتكلم معاك؟
انا:م حيخليني في حالي
اريج:طيب اهدي و خليني اقول ليك د
انا:مالك انتي كمان
اريج:لقيت ليك شغل
انا'احلفففففففييييي😭😭😭
اريج:والله مرت عميعندها كوافير فحتشتغلي معاها حتشتغلي سبت و جمعة
انا:يومين بس؟
اريج:هي اصلا عندها بت بتجي تنضف فهمتييني و السبت و جمعة اجازتا و هي بتكون محتاجة لي بت و بس لقيتك انتي اها شغل النضافة كيف معاك؟
انا:يبتت كويس انا لاقية اصلا !و حستلم الشغل متين؟.
اريج:بكرة دي الجمعة طوالي تمشي ليها و انا بجي معاك
انا:واي ي اريج فرحتيني😩شكرا شديد
اريج:يبت شكرا شنو كمان احسن ليك بس تاني معز د بقدر الإمكان اتخطيه عديل
انا:م بقدر امسك لساني.. قومي شوفي البت عاوزة شنو م قادرة اقوم... بس بعدا اتونسن و قعدنا نضحك و كدا قطع لينا ونستنا الود الامبارح انا اتهجمت
يوسف:لو سمحتي اديني باغتين موية
انا:جيب قروشك
هزا راسو و ضحك ضحكة استفزازية كدا و مدا لي القروش و انا بعاين ليه بي قعر عيني اديتو الموية و قام مشا قبلت لي اريح و قلت ليها:يبت الود ج تاني هنا لي شنو؟
اريج:تسأليني انا
انا:بكون استاز جديد ي ربي
اريج:م ظنيت استاز جديد نهاية السنة
انا:يكون عندو ولد هنا؟
اريج:او بكون جاي يشوفك
انا:اشوفني انا لي شنو لا لا بكون عندو شافع في المدرسة
اريج:انا ماشة اجيب سندوتشات الفطور حسا بدو يقدونا
انا:كويس امشي
-في جانب تاني -
يوسف:الو ابراهيم خلي العمال يجو المدرسة حسا دي حرسل ليك اللوكيشن
ابراهيم:كويس يلا معسلامة
نور الدين:اها تشرب شنو ي ولدي؟
يوسف:لا لا ولاشي
نورالدين:اديك تفطر طيب؟
يوسف:والله ماكل ي استاز اكل انت انا ماشي اشوف المدرسة برة و جاي
نور الدين:خلاص كويس
نزل من السلم سلمة سلمة براحة و هو بخت يدو في جيبو و بطلع السجارة و الولاعة و بنزل باقي السلالم سريع و انا بعاين ليه و شماري حارقني نفسي اعرف د منو بس من م لقيتو جاي علي نزلت عيني و عملت نفسي مشغولة جا و اتكل على المصطبة الفاصلة بيني و بين البوفي و طقطق بي اصابعو نظام اتلفتي و انا عاملة نفسي م شايفاهو تاني قلي :اديني موية
انا:جيب القروش.. مدا لي القروش و اديتو الموية و قعد في البنشات القصاد البوفي طوالي جات اريج و معاها الفطور :د مش ألجا شال موية الصباح؟
انا:ياهو
اريج:جاي علينا
انا:اعملي رايحة
يوسف:لو سمحتي
ارييج:ايوة
يوسف:عندكم فطور؟ اي شي يتاكل؟
اريج:في اي
يوسف:في طعمية؟
اريج:ايوة
يوسف:هاتي واحد و معاه ببسي و موية
انا:ممكن لو سمحت تسجر بعيد من هنا؟ عشان انا م بنفع معاي!
يوسف:هاك القروش شكرا❤️
اريح:عفوا..
بعد مشا اريج قعدت تصصححكككك قالت لي :ولا شتغل بيك زاتو😂😂😂😭😭😭واي دمو يلططشش تقيل ياخ يع
انا:م بهمني مش فنهاية زحا؟ 😒
اريج:اي اي خففي على نفسك الاحراج هيهيهي😭😭😂
انا:احسن تختيني 👋😒
بعد انتهينا و جا نهاية اليوم مفروض نستنا لحدي ٤ اجي صاحب البوفيه يشيل القروش و يشوف نحن بعنا كم الليلة بعد جا و انتهينا و كدا كانت زي خمسة إلى طلعت من بوابة المدرسة لقيت معز :دينك النبي د م بزهج؟
مشيت و عملت نفسي م شايفاه عشان م عاوزة معاه كلام كتير جاني و كورك لي قلت الليلة دي الا امثل ليه مجنونة عشان يعرف حاجة
معز:شجن
انا:مالك؟
معز:اركبي العربية
انا:م راكبة
بقا يجر فيني و انا بزح منو و بكورك فيه و بقول ليه فكني و هو ولا شغال بي و انا بكورك بس م القا ليك الا معز د مرمي في الأرض زول ج اداه بنية انا قبلت لقيتو الولد داك طبعا بقيت ساكتة و ببكي
يوسف:مالك مع البت دي
معز:انت حيوان ولا شنو؟
يوسف مسك معز من قميصو و قربو عليه و قليه:لمن تتكلم معاي انا اتكلم معاي بي احترام فاهم؟... بس و فكاه
انا هنا بقيت بضحك في معز:حيختك كفتة😂
بس الولد مسكني من ايدي و جراني دخلني المدرسة و قعدنا في البنشات قلي :م تطلعي لمن الود يمشي
انا:شكرا بس انا حتأخر و م حلقا مواصلات
يوسف:د لسا قاعد لي شنو
انا:لا عادي اصلا م حيمشي
يوسف:انتي بتعرفيه؟
انا:ودخالتي
يوسف:قومي اوصلك
انا:بري البوديني معاك شنو الضمني شنو م تعمل لي شي
يوسف رفع حواجبينو و قال:نعم؟
انا:اي ايش ضمني؟م بكرب مع زول غريب
يوسف:بي كل برود:خلاص اركبي مع ود خالتك و قوليه معليش اني ضربتو.. بس و جا مارق قلت هي م معروف معز يعمل شنو احسن امشي مع الود د و عللى الله بس مشيت و قلت ليه هي
يوسف:ايوة
انا:ممكن توصلني
ضحك و هزا راسو و قالي تعالي....
و معز م قادر يجي يتكلم معاي جببببببااان ججبااان لأبعد درجة و انا بعاين ليه بي قعر عيني و بضحك بعد ركبنا العربية و وصفت ليه بقينا ساكتين الساعة مشت على ستة و كان زحمة
انا:معليش عطلتك
يوسف:المرة الجاية شوفي ليكي صرفة رجعة م كل مرة حكون في
انا:و ليه المرة الجاية؟ حسا بشوف لي صرفة بتاعة رجعة نزلني
يوسف:جدا... بس ززييطك نزلني انا اتخلعت م قايلاهو حينزلني
نزلت و كوركت و قلت فعلا باطل مشا و انا في نص الطريق و ما عاوزة كان اخسر قروشي في ركشة:) اضطريت اركبها لانو ماف مواصلات بعد كدا رجعت البيت و لمن دخلت لقيت
#يتبع.
