《UNICODE》
လီယွီ- ငါးကြင်းလေး
မုထျန်းချီ /ကျင်ဝမ်- MLရဲ့နာမည်ရင်း/ဘုရင်ဘွဲ့နဲ့ခေါ်တဲ့နာမည်( ကျင်=ဘုရင်ဘွဲ့နာမည် ၊ ဝမ်=ဘုရင် King)
ဝမ်ရှီ/ဝမ်ကုန်းကုန်း- ကျင်ဝမ်ရဲ့အစေခံ
တော်ဝင်သမားတော်တွေအသုံးပြုတဲ့ လိမ်းဆေးမှာ အကိုက်အခဲပျောက်စေတဲ့ အစွမ်းသတ္တိပါဝင်နေတယ် ။ ဒါကြောင့်အချိန်ခဏလောက်အထိ ကျင်ဝမ်နာကျင်တယ်လို့ မခံစားမိဘူး ဆိုပေမယ့် ရှောင်ယွီရဲ့စိုးရိမ်မှုအပြည့်နဲ့ မျက်လုံးတွေကိုတွေ့လိုက်ရတော့ ကျင်ဝမ်ခဏလောက်တွန့်ဆုတ်သွားပြီး အလိုအလျောက်ခေါင်းညိတ်မိသွားတယ် ။
ကျင်ဝမ် တွေးနေခဲ့တာက : သူနာကျင်နေတယ်ဆိုရင် ဝမ်ရှီလိုပဲ ရှောင်ယွီကလည်း သူ့အတွက် ဒဏ်ရာကို ကိုယ်တိုင်လေမှုတ်ပေးမှာလား ?
ဝမ်ရှီလေမှုတ်ပေးဖို့ မလိုအပ်ပေမယ့် ရှောင်ယွီကမှုတ်ပေးမယ်ဆိုရင်တော့ ဒါကိုထည့်စဉ်းစားလို့ရပါတယ် ။
ဒါကြောင့် ရှောင်ယွီမေးမြန်းလာမှာကို ကျင်ဝမ်စောင့်နေခဲ့တယ် ။ သို့ပေမယ့် လီယွီကဒီအကြောင်းကို လုံးဝမစဉ်းစားမိဘူး ။ ကျင်ဝမ်နာကျင်နေတုန်းပဲဆိုလို့ လီယွီမတ်တပ်ရပ်လိုက်ကာ အချိုမုန့်တွေပါတဲ့ ကျောက်စိမ်းသေတ္တာလေးကို ပြေးဆွဲယူလိုက်တယ် ။ ပြီးမှ အနားကိုယူလာခဲ့ကာ အထဲက မက်မွန်ပွင့်ကိတ်အနည်းငယ်ကို ဆွဲထုတ်လာတယ် ။
" အရှင့်သားက နာကျင်နေသေးတယ်ဆိုရင် ချိုတဲ့တစ်ခုခုကိုစားပါလား၊ မုန့်ကောင်းကောင်းနဲ့ဆို အရှင့်ရဲ့ဒဏ်ရာက သိပ်မနာကျင်လောက်တော့ပါဘူး " ငါးကြင်းမိစ္ဆာက မျက်နှာပေါ်မှာ အပြုံးတစ်ခုကို အတင်းလုပ်ယူရင်းပြောတယ် ။
ကျင်ဝမ် : " ......... "
ကျင်ဝမ် ချောင်းအနည်းငယ်ဆိုးပြလိုက်တယ် ။ မှုတ်မပေးပေမယ့် မုန့်ကျွေးတာဆိုလည်း အဆင်ပြေပါတယ်။ သို့ပေမယ့် သူ့ညာလက်က ဒဏ်ရာရနေတော့ လှုပ်ရှားရတာ အဆင်မပြေဖြစ်နေတယ် ။
နောက်ဆုံးတော့ လီယွီနားလည်သွားပြီး ပြောလိုက်တယ် : " ကျွန်တော် အရှင့်ကိုကူညီပါရစေ "
YOU ARE READING
အာဏာရှင်ဆိုးကြီးနှင့်သူ၏အချစ်တော်ငါးလေး[U+Z]MM Translation
Historical FictionThis novel is not written by me.I just translated it from Chinese(mtl)to Myanmar.All the credits go to original author and publishers. Title- The Disabled Tyrant's Pet Palm Fish[Transmigration] Type- Web Novel Author- Fat Snow Mountain Fox (雪山肥狐) A...