"Pangarap"
Dedicated to @TRIMMYSHINE
Matagal na kitang pinagmamasdan
Inaasam na makamit at mapasakamay.
Pangarap na gustong matupad
At pilit inaabot ng kamay.
•
Hinahabol kita ngunit ikaw ay humahakbang palayo.
Binibilisan ko naman ang aking kilos
Ngunit isang libong milya ang layo.
Saan patungo ang distinasyong ito?
•
Pangarap na kita ng mata,
Liwanag na nagpapasaya sa isang bata.
Kailan ka kaya niya mahahawakan?
Kailan kaya niya mapupuntahan ang iyong kinaroroonan?
•
Ano kaya ang mainam na gawin niya?
Languyin ang karagatan?
Maglakbay sa lupa't himpapawid?
O isilid ang sarili sa daang makitid?
•
Nakakapagod kang habulin,
Nakakapagod kang abutin,
Kapag wala ka sa gabi't
Kapag kapag hindi ka sumisilip.
•
Ngunit nabubuhayan ng loob
Kapag natatanaw ang munting linawanag na dala mo.
Nabibigyan ng pag-asa kapag naabot ng liwanag na dulot mo.
Mas lalong nagpupursigido ako.
•
Tag-ulan lang naman ang kalaban ko
Dahil doon nawawalan ng lakas ng loob
Hindi kasi batid kung kelan titila ito
At kung ilang araw na naman ang hihintayin ko.
•
Bawat pagpatak ng ulan sa bubong
Ay siyang pagbuhos rin ng luha sa mga mata.
Natatakot na baka mas lumabo
Ang makita at maabot ka.
•
Matagumpayan kayang makamit ang pangarap?
Kung kasing layo ng buwan ang kinaroroonan.
Kung katulad ng buwan, minsan ito ay hindi lumilitaw,
Lumalabo at natatakpan ng ulap.
•
Nawa'y sa aking pagtakbo,
Sa bawat paghakbang ko palapit sayo.
Ay may dulo ang tulay na ito
Kung saan maaabot ko na ang buwan na pinapangarap ko.
—Writer_Lhey✍️
YOU ARE READING
My Moon (PUBLISHED UNDER TBC PUBLICATIONS)
PoetryEvery night, I look at you Seeking your light outside my window Hoping that you'll show up once more While I'll write a poem as you glow. Poems live in this book Ones of unsaid emotions When I'm with you. When I'm alone. Love that won't end soon No...
