"Kaibigan lang"
Dedicated to @Katanaalicious
Ngiti sa labi mo na abot langit.
Kislap sa mata na wari'y mga bituin.
Nakakagalak at nakakagaan ng damdamin.
Kitang-kita ko lahat dito sa gilid.
•
Pinagmamasdan kita rito sa malayo.
Sapagkat ako ay mahiyain pagdating sa 'yo.
Hindi naman ako ganito noon.
Sadyang ikaw ang sanhi ng pagbabago kong ito.
•
Ngunit hindi ko inaasahan na—
Makikita mo ako dito sa kinaroroonan.
Kinawayan at sinambit ang salitang "kaibigan"
Ako ay lubos na kinabahan.
•
Kinakabahan, nalulula at natatakot na baka—
Ako ay mabuko mo na,
Na baka nakita ang pinaggagawa,
Na baka asarin mo na naman.
•
Heto na naman tayo sa larong ito.
Magtatago ng nararamdaman,
Mabibisto at magaasaran na naman.
Bukas makalawa hindi mo na kilala.
•
Ngunit ayaw ko na mangyari iyon.
Ayaw ko ipaalam sayo ang nararamdaman ko.
Ayaw ko mangyari na kailangan kong mamaalam sayo.
At mawawala ang pagkakaibigang nabuo.
•
Natatakot at nalulungkot sa possibleng mangyari.
Kaya kung maaari ito ay mananatiling lihim.
Pagtingin ko sayo ay aking kikimkimin.
Huwag ka lang mawala sa aking paningin.
•
At palagi ka lamang abot ng pandinig.
Kaya kung maaari ay wag sanang mabuking.
Nakakakilig isipin ang posibleng mangyari.
Mga nakikita ko sa aking panaginip sa gabi.
•
Nakikita ka sa altar at hinihintay ako.
Magkahawak tayo ng kamay kahit saan man magpunta.
Magkasama tayo sa isang tahanan.
Ngunit bago ko makalimutan.
•
Tayo ay magkaibigan lamang.
At malabong mangyari ang mga napapanaginipan.
Sapagkat sa puso mo ay iba ang nilalaman.
At ako ay kaibigan lang.
•
Para kang buwan na hindi ko maabot.
Para kang buwan na kailanma'y hindi mapapasaakin.
Para kang pangarap na kay hirap tuparin.
Aking buwan, ako ay kaibigan lang.
✍️Writer_Lhey
YOU ARE READING
My Moon (PUBLISHED UNDER TBC PUBLICATIONS)
PoetryEvery night, I look at you Seeking your light outside my window Hoping that you'll show up once more While I'll write a poem as you glow. Poems live in this book Ones of unsaid emotions When I'm with you. When I'm alone. Love that won't end soon No...
