မီနာ မျက်လုံးတွေဖွင့်လိုက်တော့ အခန်းတစ်ခုထဲရောက်နေတာ တွေ့လိုက်ရသည်။
အခန်းက အလွန်ကျဥ်းပြီး အခန်းထဲတွင် အိပ်ယာ၊အဝတ်ဘီရိုတစ်ခုနှင့် ပြတင်းပေါက်တစ်ခုသာရှိသည်။
အပြင်သို့ထွက်လိုက်သောအခါ ဧည့်ခန်းသေးသေးလေးနှင့် ဟင်းချက်ရန်နေရာရှိပြီး ရေချိုးခန်း၊အိမ်သာက မီးဖိုချောင်နှင့် ကပ်လျက်ဖြစ်သည်။ကြည့်ရသည်မှာ အငှားတိုက်ခန်းဖြစ်ဟန်တူသည်။
မီနာSystemကို အချက်အလက်များပို့ပေးရန်တောင်းဆိုလိုက်သည်။ခနအကြာတွင် ခန္ဓါကိုယ်ပိုင်ရှင်၏မှတ်ဥာဏ်များ ရောက်လာသည်။
ဤခန္ဓါကိုယ် ပိုင်ရှင်မှာ အသက်၁၉နှစ်အရွယ် တက္ကသိုလ်ကျောင်းသားဖြစ်ပြီး မိဘတွေမရှိတော့ဘဲ တစ်ကောင်ကြွက်ဖြစ်သည်။
ငယ်ရွယ်စဥ် သူ့မိဘတွေအသက်ရှိစဥ်က သူ့မိဘတွေသည်ချမ်းသာသောကြောင့် သူသည် အေးဆေးနေခဲ့ရသည်။
နောက်ပိုင်း သူ့မိဘတွေဆုံးပြီးသောအခါ သူ့မိဘပိုင်ဆိုင်သည်များကို ဆွေမျိုးများက ခွဲယူသွားကြပြီး သူ့အတွက် သူတို့နေသည့် အိမ်တစ်လုံးသာ ကျန်ခဲ့သည်။
သို့သော် သူကငယ်ရွယ်ကာ သူ့ဆွေမျိုးများကိုယုံကြည်ခဲ့သောကြောင့် ဘာမှနားမလည်ခဲ့ပေ။
သူသိတတ်နားလည်သည့် အချိန်ရောက်တော့ ဘာမှလုပ်လို့မရတော့။သူအထက်တန်းပြီးသည့်အချိန်တွင် သုံးစရာငွေမရှိတော့သောကြောင့် အိမ်ကိုငှားထားပြီး သူကတော့ တိုက်ခန်းလေးတစ်ခုမှာငှားနေရသည်။
ထိုအထိ အဆင်ပြေပြီး သူသူ့ဆွေမျိုးတွေကို ခွင့်လွှတ်ပေးသေးသော်လည်း သူ့ဆွေမျိုးများက ပိုဆိုးရွားလာခဲ့သည်။
သူတက္ကသိုလ်တက်သည့်အချိန် သူ့အစ်ကိုဝမ်းကွဲသည်လည်း ထိုတက္ကသိုလ်မှာရှိနေခဲ့သည်။
သူ့အစ်ကိုက သူ့ကိုကူညီမလိုနဲ့ ချဥ်းကပ်ပြီး သူ့နောက်ကျောကိုဓါးနဲ့ ထိုးခဲ့သည်။
သို့သော်သူကတော့ မသိခဲ့။ သူ့အစ်ကိုကိုယုံကြည်ခဲ့သည်။
ထိုအစ်ကိုက သူ့ကိုအမျိုးမျိုးဒုက္ခရောက်အောင်လုပ်ပြီး နောက်ဆုံး ကျောင်းကနေပါထွက်ရအောင်လုပ်ခဲ့သည်။
YOU ARE READING
ZEROTHREE
Romanceမီနာကအထက်တန်းကျောင်းသူတစ်ယောက်ဖြစ်တယ် တစ်နေ့သူgameဆော့ပြီး အိပ်ပျော်သွားပြီးပြန်နိုးလာတော့ သူမသိတဲ့နေရာကိုရောက်နေတာတွေ့လိုက်ရတယ် system ဆိုတဲ့အရာကလုပ်ခိုင်းတာတွေကိုရောသူလုပ်နိုင်ပါ့မလား သူ့ရဲ့မူလကမ္ဘာကိုရောပြန်သွားနိုင်ပါ့မလား မီနာကအထက္...