// Scroll Down for ZAWGYI //
[UNICODE]
CHAPTER-8
(Suggested Song-Love the way you lie-Eminem Ft:Rihanna)
ရှောင်းကျန့် Barကို ရောက်ရောက်ချင်း သူကို ပစ်ထားတဲ့ သူရဲ့တစ်ဦးတည်းသော ဝမ်ရိပေါ်ကို အရင်ဆုံး ရှာမိတယ်
တကယ်တမ်းတွေ့လိုက်ရတော့လည်း ရှောင်းကျန့်ကိုတကယ်ဘာစကားမှဆက်ပြောနိုင်တော့လောက်အောင်ဝမ်ရိပေါ်ကလုပ်ပစ်နိုင်စွမ်းရှိတာပဲ
ဝမ်ရိပေါ်ရဲ့အချစ်က သိပ်ကိုအန္တရာယ်များတာပဲတဲ့ လူတွေပြောကြတယ်
အဲ့ အန္တရာယ်များပါတယ်ဆိုတဲ့ ဝမ်ရိပေါ်နားကိုပဲ
ကပ်ချင်နေကြတဲ့ လူတွေကလည်းအများကြီးပဲ
အန္တရာယ်များတယ်ဆိုတာသိရက်သားနဲ့တောင်မှ ဝမ်ရိပေါ်အတွက်နဲ့ဆိုစွန့်စားလိုက်ရလည်းဖြစ်တယ်ဆိုပြီးတွေးမိကြတဲ့အထိဝမ်ရိပေါ်ရဲ့ဆွဲဆောင်မှုအားကပြင်းတယ်။
ဝမ်ရိပေါ်ကသံလိုက်တစ်ခုလိုပဲ
ဝမ်ရိပေါ်လို့အမည်တွင်တဲ့သံလိုက်ဆီမှာ
ကပ်တွယ်ချင်တဲ့ သံမှုန့်သံစတွေကအများကြီးရယ်
ရှောင်းကျန့်ကတော့အဲ့ဒီသံမှုန့်သံစတွေအများကြီးထဲက တစ်ခုမဖြစ်ချင်ခဲ့ဘူး
ဝမ်ရိပေါ်ဆိုတဲ့သံလိုက်စက်ကွင်းထဲမှာ
သူတစ်ယောက်တည်းရုန်းထွက်မရနိုင်တဲ့အထိ ပိတ်မိနေချင်တာ
ဒါပေမဲ့ ရှောင်းကျန့်စိတ်ကူးတွေကဒီတိုင်း
ဆောင်းရာသီမှာမက်နေကြအိမ်မက်တွေလိုပဲ ထင်ပါရဲ့ ရှည်လျားပေမဲ့အဓိပ္ပာယ်မရှိဘူး
သူကသာ ဝမ်ရိပေါ်ကိုတွေ့ချင်လွန်းလို့
ရူးမတတ်ဖြစ်နေခဲ့ရပေမဲ့ ဝမ်ရိပေါ်ကတော့ သူမရှိလည်းပျော်နေနိုင်သားပဲ
သူကိုယ်သူ သိပ်အထင်ကြီးမိသွားတယ်ထင်ပါရဲ့
သူနဲ့ဝမ်ရိပေါ်ကြားက ဘာမှန်းမသိတဲ့ပြဿနာကို သူများ ရည်းစားတွေကြားဖြစ်လေ့ဖြစ်ထရှိတဲ့ သာမန်ကာလျှံကာ စိတ်ကောက်တာမျိုးလို့
ခပ်ပေါ့ပေါ့တွေးမိတာ သိပ်မှားသွားတာပဲ။
CITEȘTI
Trigger [Completed]
FanfictionIf we had five more minutes Would I, could I, make you happy? Cover and illustrated by Ma Ni Ni Win Tun Written by Youngji Start Date: Jan 7 2021 End Date: May 18 2021 [BJYX FANFICTION] Available in both fonts (UNICODE AND ZAWGYI)
![Trigger [Completed]](https://img.wattpad.com/cover/254067137-64-k387836.jpg)