//Scroll Down for ZAWGYI //
CHAPTER-16
[UNICODE]
Suggested Song- Heartbreak Anniversary
ခပ်သေးသေး ကော်ဖီဆိုင်လေးထဲမှာ
ဧည်သည်ဆိုလို့ ဝမ်ရိပေါ်နဲ့ရှောင်းကျန့်ပဲရှိတယ်...
ဆွေးမြေ့စရာကောင်းတဲ့အခုလိုအနေအထားမျိုးမှာ အသည်းကွဲသီချင်းတစ်ပုဒ်ကလည်းပျံ့လွင်နေတယ်
မကြာခင် ဝေးရတော့မဲ့ သူတို့နှစ်ယောက်အတွက် အရာအားလုံးကအဆင်သင့်ဖြစ်နေသလိုပါပဲ
တိတ်ဆိတ်နေတဲ့ ပတ်ဝန်းကျင်မှာ
ပထမဆုံးထွက်လာတဲ့ စကားသံကရှောင်းကျန့်ဆီကပဲဖြစ်တယ်
"ငါတို့လမ်းခွဲကြရအောင် ဝမ်ရိပေါ်"
နဂိုတည်းကတိတ်ဆိတ်နေတဲ့ပတ်ဝန်းကျင်ကအခုချိန်မှာတော့အရာအားလုံးရပ်တန့်သွားသလိုမျိုး
ငြိမ်သက်သွားခဲ့တယ်
ဝမ်ရိပေါ်ရဲ့ တစ်ဖက်ခြမ်းကိုသေချာနားထောင်မယ်ဆိုရင် ခွမ်းခနဲဆိုပြီး
သူရဲ့အရာအားလုံး ပြိုလဲပျက်စီးသွားတဲ့အသံကိုပါကြားရလောက်တယ်
ဝမ်ရိပေါ်တိတ်ဆိတ်နေရခြင်းဟာအပြင်းထန်ဆုံးသောနာကျင်မှုတွေကိုခံစားနေရလို့ပဲဖြစ်တယ်
ဝမ်ရိပေါ်ရဲ့ ရင်ထဲမှာ သံမှိုဆွဲရိုက်ထားသလိုမျိုး ရှိနေတဲ့ အကြောင်းအရာတစ်ခုကလည်း သူ့ဦးနှောက်ထဲကို
ခပ်ပြင်းပြင်းလာရိုက်ခတ်တယ်
ချစ်တယ်ပြောပြီးသူကိုထားသွားကြပြန်ပြီ..အချစ် ဘာအချစ်လဲ.. အလကား အပိုတွေ
ဝမ်ရိပေါ်ကိုချစ်ပါတယ်လို့စပြောခဲ့တာလည်းသူတို့ပဲဖြစ်သလို
အရင်ဆုံးထားပစ်ခဲ့တာလည်းသူတို့ပါပဲ
ဒါပေမယ့် သူတို့ရဲ့ဇာတ်လမ်းထဲမှာတော့ဝမ်ရိပေါ်ဟာလူဆိုးတစ်ယောက်ပေါ့
ဝမ်ရိပေါ်ကမချစ်ဘူးလို့ပြောရင်လူတွေက အသည်းနှလုံးမရှိတဲ့ကောင်ဆိုပြီး ဝိုင်းပြောကြတယ်
ဝမ်ရိပေါ်ဟာ ချစ်တယ်ဆိုတဲ့စကားကိုဘယ်တော့မှထုတ်မပြောတော့ဘူးလို့ဆုံးဖြတ်ခဲ့တာ လူတွေရဲ့ထားသွားခြင်းကိုခံခဲ့ရတဲ့အချိန်ထဲကပဲ
![](https://img.wattpad.com/cover/254067137-288-k387836.jpg)
ŞİMDİ OKUDUĞUN
Trigger [Completed]
Hayran KurguIf we had five more minutes Would I, could I, make you happy? Cover and illustrated by Ma Ni Ni Win Tun Written by Youngji Start Date: Jan 7 2021 End Date: May 18 2021 [BJYX FANFICTION] Available in both fonts (UNICODE AND ZAWGYI)