شقة رقم ٧

الفصل الخامس والثلاثون

[ بركاتك يا مصر ]
- قليل البخت يطلعله العضم في الكرشه -

___________

تاي بيعصر حته القماشه في الجردل و بيرميها على الأرض بيمسح بيها بلاط الشقة بشفاء أشبه بسندريلا وعذاب مرات الأب بس الفرق انه مكشر وكاره حياته ومش عارف هو ليه بيعمل كده اصلا وبدأت الأفكار الوجوديه تيجي في باله

جين بيصيح من المطبخ : امسح كويس هاجي اشوف انت عملت ايه

تاي رفع راسه و بص ناحيته بضغينه و نفخ ورمى الحته الي بيمسح بيها تاني و فضل يمرش في الارض بقوه، جونغكوك خارج من الاوضه بيتاوب لسه صاحي من النوم

بيعدي من الطورقه من جنب تاي اكنه شفاف ناوي يدخل الحمام فجأه وقف في نص المتاوبه و رجع خطوات ورا بيتأكد من الي شافه وإذ بعينه بتضرب جنه القماشه الحمراء الي على الأرض بيمسح بيها تاي وإذ تاني يترائى ليه هيئتها فـ شهق بقوه وصاح : يا نهارك اسوح و مهبب! انت بتسمح الأرض بالتيشيرت الجديد بتاعي!!

تاي وقف عدل و رفع كتافه بخفه بيبرر :امال امسح بأيه يعني؟ شايف في حاجة تتمسح بيها!

جونغكوك : يااا سلام تقوم ماسح بتيشيرتي وجديد كمان مش كده؟؟! طب كنت اخدت واحد القديم حتى يا اخي!

تاي ببلاهه : محبتش افتش في حاجة مش بتاعتي

جونغكوك هيتنقط منه : لا مراعي اوي! طب شيله.. شيله و اغسله بدل ما اغسلك مكانه

نهى جملته و شده من هدومه زي حرامي الغسيل فـ تاي زاح ايده من عليه : طب بس شيل ايدك من عليا كده

جونغكوك سكعه قلم خفيف على خده : لا مش شايل
تاي مسك خده بدراميه : انت بتضربني بالقلم؟؟

جونغكوك كرر القلم : ايوه - كمل وهو بيديله بالقلم مع كل كلمه - و لما تبقي عاوز تمسح يا بابا اشتري ممسحه ماشي يا حبيبي

تاي ردهاله بالمقابل و بقى يديله أقلام بين كل كلمه بس اقوي : لا بقى ان  مش خدام عندك انت الي هتعمل كل ده بنفسك ها

جونغكوك : طب بطل تديني بالقلم بدل ما احرقك بالكبريت و ارميت من الدور الحداشر بعد ما اضربك بالطاسه في دماغك و ادوسك تحت كوتش العربية

ضربه اخر واحده قلم قوي ف تاي مسك خده بألم : طب ليه العنف ده كله!! واصلاً العمارة كلها على بعضها خمس أدوار بس، ولا ناوي تروح برج القاهره وترميني من فوقيه؟!!

جونغكوك شده من هدومه تاني ماسك نفسه، انه يديله بالبوكس بسبب هدوء تاي : و لااااا، متستفزنيش اكتر؟! ، التيشيرت يتغسل و يجيلي تاني

تاي بعده عنه : طب بس كده وانت عاملي فيها فاندام و خانقنا، اصلا التيشيرت اتخرم ومعادش نافع للبس تاني، اهو بقى جين ياخده يعمله بيه فوط مطبخ ولا حاجة، ولو عندك هدوم مخرومه هاتها بالمره نعملها مساكات للفرن