شقة رقم ٧

الفصل الثلاثون

[ أجازة الصيف (٢) ]

___________

اهل الشاليه كلهم نايمين في أمان الله لسه الشمس مطلعتش و سلختهم، هوسوك حاضن مخدات الكنبه و نايم عليها في الصاله و كل واحد نايم على سرير في الاوضه مرتاحين

فجأه يظهر هيون إلى واقف في نص الطورقه قصاد الأوض و ماسك حله استنلس و معلقه خشب في ايده و تقريبا كده ناوي يعملهم منبه لأهل البيت

و فعلا فتح اول أوضه برجله وكانت أوضه تاي و جونغكوك، مسك المعلقه و فضل يضربها في ظهر الحله جامد و هو بيقول بصوت عالي : اصحوا اصحوا انتوا لسه نايمين لييه قوموا فوقوا يااا مفيش وقت للنوم

تاي بيصحي بإنزعاج بيتمتم : هو احنا في الجيش

جونغكوك حط المخده على وشه بيمنع الصوت بس هيون شال المخده و جه عند ودنه و فضل يزعق و يطبل فـ جونغكوك سد ودنه بأيده بعلامات انزعاج كبيره : بس بقى ابعد اطلع بره!!

أصوات الطبول وصلت لاوضه جين و نامجون إلى فيها جين بدأ يصحى و اتكلم هو نايم : هو مش انا  قولتلك تقفل الباب بالترباس و المفتاح كويس قبل ما ننام علشان ميدخلش زي البغل كده على الصبح!

رد عليه نامجون إلى اتقلب و بيكمل نوم : قفلت اقسم بالله تلاقيه دخل من البلكونه ولاحاجة

جين حط المخده على راسه : حسبي الله

هيون فتح باب أوضه تانيه و دخل نفس الدخله الهباب : اصحوا يا نايمين كفايه كسل قوموا يلا

يونغي تمتم من تخت المخده و ماسك نفسه بالعافيه انه يقوم يضربه : مين الحيوان الي دخله البيت!!

جيمين شد المخده على دماغه بيمنع الصوت و بينفخ بإنزعاج : عاوز انام بقى!

هيون وقف بين السريرين برجله و ضرب أقوى : اصصحووااا

يونغي قام قعد فجأه و مسك الاباجوره و هدده بيها : اقسم بالله لو مطلعتش بره حالا هكسر دي على دماغك و ادفع ثمنها الغالي بقى

هيون : ثمنها غالي؟؟ هاهاها دي مزيفه - ابتسم بحقاره و اردف - زي حياتك بالضبط.. هاهاهاهاها

يونغي غضب اكتر فـ مسك الاباجوره و حدفها ناحيته بقوه بس هو كان خرج و قفل الباب و الاباجوره خبطت في ظهر الباب الي اتقفل وقعت على الأرض

جيمين قام من على سريره راح سرير يونغي قعد جنبه فكان بيشد في شعره من الصداع إلى جاله بسبب هيون الكلب ده فـ جيمين نطق بإنزعاج : احنا كده الاجازه باظت حرفياً!!

يونغي ضرب راسه في ظهر السرير و اردف بتعب : و هي معرفتكوا تجيب ايه غير الأشكال دي يعني!!

جيمين عبس بعدم رضى و دخل جوه الغطا : ادتاخرلي شويه طيب مكسل اروح سريري

يونغي بصله من فوق لتحت بإستنكار : و حد قالك تيجي عندي من الاول اصلا!