[ أجازة الصيف (١) ]
_________
جين بيدخل المفتاح في الباب بتاع شاليهم الكبير هناك بعد ما وصلوا و فتحه : ادخلوا برجلكوا اليمين
الباب اتفتح فـ ظهر وسع البيت أو بمعنى أصح الفيلا الصغيره من جوه كله قال " واو " في نفس الوقت من نظافته و وسعه من جوه
جيمين حضن الباب و ادتف بدموع دراميه : انا لسه جاي اه بس مش عاوز امشي من هنا خلاص، البيت كبير و واااسسع اوي يمكن الصاله بس قد شقتنا الحُق دي اشمععننااااااه
جين ضربه على دماغه من ورا و اردف : بطل زن و اتبسط بالكام يوم دول و متفرفنيش ده انا دفعت دم قلبي في السفريه دي على الله يطمر
جونغكوك و جيمين حضنوا جين و حشروه في وسطهم و قعدوا يشكروه في نفس الوقت فـ هو اتخنق من اللزقه فراح بعدهم عنه و نفخ : خلاص ايه ده!!
هوسوك دخل وه و رمي نفسه على الكنبه الكيبره بإبتسامه واسعه و حضن المخده براحه : آآآه مريح
تاي وهو بيدخل جوه : انا هاخد أوضه لوحدي ماليش فيه
يونغي سحبه من قفاه و اردف : اذا كان هو اصلا الشاليه فيه ثلاث أوض عاوز أوضه لوحدك ازاي ها؟؟
تاي دبدب في الأرض يتذمر :يووه هو كل مكان نروحه يبقى فيه ثلاث أوض بس! اوف بجد!!
نامجون داخل من باب الشاليه بالعافيه و شايل صندوق في ايده نطق بصعوبه : بدل ما انت عمال تتذمر كده تعال شيل معايا
تاي بتعجب شاور على صندوق الي شايله نامجون بصعوبه : ايه الصندوق ده؟؟
نامجون سخر و بيلقح على جين : اسأل الاستاذ
# فلاش باك ليله السفر
جين في المطبخ واقف عند الرخامه و نامجون ماسك كرتونه فاضيه و واقف جنبه و جين كل شويه يعبي أكياس جواها و الصندوق يثقل على نامجون اكتر
نامجون وهو بدأ يحس بالثقل : خلاص ولا ايه؟؟
جين بيعد الأكياس بتركيز و بيحطهم : استنى بس.. كده ازازه الزيت.. السكر.. الرز.. المكرونه.. البلح؟؟؟ فين البلح؟؟
نامجون بتعجب : بلح؟؟
جين : اه ايه؟؟نامجون رفع حاجبه بإستنكار : هو احنا طالعين رحله ولا بنحضر كرتونه رمضان!
جين نفخ بإنزعاج و اردف : امسك الكرتونه و احتفظ بـ آرائك لنفسك اوكيه؟؟
نامجون : حسبي الله ونعم الوكيل
# ايند فلاش باك ليله السفر
جين حاطط ايده في وسطه بغيظ و رد على تاي : عرفت بقى الكرتونه دي فيها ايه؟!
YOU ARE READING
شقة رقم ٧
Humor# شقة رقم ٧ دايماً في شقة في العمارة هي الي طالع منها الصوت و العبر و الزعيق بس الحقيقة ان مش بتبقى شقة واحدة بس ، دي كل الشقق.. سبع شبان الغُربة اجبرتهم انهم يعيشوا في بلد غير بلدهم و كمان يعيشوا في عمارة كل سكنها اجانب و محدش زي التاني ابدا كله م...