شقة رقم ٧

الفصل السابع والثلاثون

[ نـيـو لـوك ]
- شااااممخه! -

_______

× الثانيه عشر بعد منتصف الليل ×

- أرمي الحبل كمان أرمي ولا يهمك واسعه

من بعيد يبدو وكأن في سطو مسلح بيحصل في إحدى شبابيك العمارة الفاضلة ولكن في الواقع كان بيحاول كل من مينجي و جيمين و جونغكوك انهم يدلدلوا السبت لـ بتاع الدليفيري في انصاص الليالي علشان جايبين أكل و مش عاوزين جين يعرف في حين تاي قاعد جوه بيعد الفلوس الي رجعهم الدليفيري و يتأكد إنهم صح و بيمضغ لبان

مينجي بيبعد بكوعه دماغ جونغكوك و جيمين الي حاشرينه من الناحيتين في الشباك : اوعوا راسكوا دي مش شايف!

جونغكوك حاشر راسه : حط الكيس في السبت ولا لا؟؟

جيمين حاشى راسه من الجهه الأخرى و بيشب برجله لفوق علشان يطول : بيحطه تقريباً، انا مش شايف

مينجي : اوعوا بقى خنقتوني!

الراجل بتاع الدليفيري حطلهم الكيس في السبت و شاور لـ مينجي يرفعه لفوق فـ بدأ يرفعه لفوق و يشد الحبل حتى وصل عندهم في الأوضة بسلام و قفلوا الشباك تاني

جيمين شال كيس الأكل و حضنه : هاهاها أخيراً
مينجي سأل : اتبقى كام؟؟

تاي تف اللبانه في الزباله وقال : ٢٥ جنية

مينجي كان هيشرق في ريقه من الصدمه :ايه؟؟ ليه؟؟ ده احنا مدينله ٣٥٠ جنية؟!!

جونغكوك سقف بأيده : طيب نركن الأكل على جنب بقى علشان نتحاسب كده على المبلغ الي طلع كبير ده.. هات ده

سحب الكيس من حضن جيمين الي عبس بعدم رضى وقال : بصوا بقى علشان نبقى نتحاسب بالعدل

مينجي رفع ايده لفوق : انا اخر مره دفعت حق الدليفيري ف ملكوش حاجة عندي

تاي هيشلقله : لا يا حبيبي مفيش الكلام ده! كله هيدفع

مينجي سخر : مش لما تبقى تدفع القسط المتأخر عليك الأول تبقى تعزم بقلب كده

تاي رمقه : بس يلا

جيمين من عبوسه : انا طلبت كوردن بلو و فاهيتا و كولا
تاي : وانا طلبت بتاتس و سنكوتش فراخ و كولا

جونغكوك رمقه بسخط : ما تعدل لسانك يلا
تاي بملامح مستنكره بصله : ششش خليك في ديونك

مينجي لـ جونغكوك : وأنت يا مديون يا حزين جايب ايه فكرني ؟؟

جونغكوك : أنا طالب حاجة بسيطة اوي، كلهم على بعضهم ميكملوش ٣٠ جنية و مش هدفع غيرهم الحقيقه

تاي / جيمين : وانا كمان

مينجي هيشلقلهم : ده على أساس باقي الفلوس ايه يعني بقى راحت للضرايب ولا للحكومة ؟؟! يعني كلكوا ميكملش ١٥٠ جنية امال مين الي كمل ؟؟ كل واحد مستعبطلي ، طب انا كمان زيكوا بقى و مش دافع حاجة اكتر من ٥٠ جنية و هدفعهم على الجزمه كمان