[ كــيــم تــايــانــا ]
_________
تاي بيكلم اللعبه على الفون بعد ما خسر فيها : هو ايه الي جيم أوفر!! لا ايه ارجع ارجع لاااا.. إلهي يا شيخ اشوف دماغك دي بتلبس في الدركسيون و بيلموك من على الأسفلت زي الكنافه انت و ابوك في يوم واحد يا بعيد
ابن عم نامجون قاعد جنب جيمين إلى بيبصوا لبعض بصمت و جيمين بيبص فص كل حته : و انت اخبار الدراسه ايه؟
يونغي دخل فجأه زق جيمين للجنب و قعد في وسطهم ابتسمله بتكلف : بتسلم عليك و بيقولك ابعد عن جنانك اليومين إلى انت قاعد معانا فيهم دول مش ناقصين صداع
اتنهد و حط رجل على رجل : انا هحترمك بس علشام احنا قد بعض في السن مش اكتر ولا أقل
يونغي شوحله : يا شيخ اتلهي
جين بيهوي على نامجون لأنه هيفطس من الصدمه و بيكلم ابوه في التليفون إلى كان عمال يقوله..
- فيها ايه يعني ابن اخويا و الطيارة فاتته شيلوه عندك يومين خمسه مش هتخسر حاجة يعني و بعدين مالك متضايق كده ليه؟؟
نامجون هيعيط : يومين خمسه.. حرام عليكوا انا هلاقيها من مين ولا من مين و بعدين حبكت ( هيون ) يعني هو الي الطياره تفوته ده مجنون!
- معلش استحمل جنانه عادي يعني و بعدين ده ابن عمك حتى يا اخي يعني من لحمك و دمك
نامجون : لحم ايه و دم ايه! ده انا الي هيسيح دمي و يتقطع لحمي هنا!!!
- أهدى بقى الله قولتلك استحمل انت طفل و بعدين معاك صحابك يعنى مكبر المواضيع ليه؟!!
نامجون : مكبر المواضيع ليه هه هه هه
- خلاص بقى بطل ندب انت مش طفل يلا بايابوه قفل في وشه قبل ما يسمع اي رد فـ نامجون اتعصب و رمي الموبايل على الكنبه : يعني احنا خلصنا من واحد هيطلعلنا التاني!
هيون ابن عمه بيربت على كتفه : تيك ايت ايزي مان
Take it easy man!نامجون راح ايده : بلا ايزي بلا عزيزي غور من وشي السعادي مش رايقلك بقى
يونغي بسخرية على هيون : هو علشان انت عرفتلك كام كلمه انجليزي خلاص بقى هتطلعهم علينا
جين بيهدي الوضع : خلاص يا جماعه أهدوا - بص لـ هيون و ابتسم بخفه - ارجوا انك تنبسط عندنا اليومين دول
نامجون بصله بعدم تصديق فـ هيون ابتسم و ربت على كتف جين إلى ارتعش بخفه خايف منه اصلا و بص ل نامجون : شايف الاستقبال مش انت و يتقال انك ابن عمي تشه
تاي فجأه موبايله رن فـ ابتسم بسعاده : مينجي
خد بعضه و راح رد على التليفون بعيدجين اتنهد : خلاص يا جماعه اهدوا كده و كلنا نشيل بعض.. و انت - شاور على هيون - حظك أن جونغكوك راح عند أهله لآخر الأسبوع تقدر تنام في سريره براحتك يعني - قام وقف - انا قايم اشوف في ايه في الثلاجة اطبخه
YOU ARE READING
شقة رقم ٧
Humor# شقة رقم ٧ دايماً في شقة في العمارة هي الي طالع منها الصوت و العبر و الزعيق بس الحقيقة ان مش بتبقى شقة واحدة بس ، دي كل الشقق.. سبع شبان الغُربة اجبرتهم انهم يعيشوا في بلد غير بلدهم و كمان يعيشوا في عمارة كل سكنها اجانب و محدش زي التاني ابدا كله م...