شقة رقم ٧

استفتاء + خبر + مقتطف :)

نظراً لسوء الأحوال الجوية في البيت عندي للأسف فـ بتأخر في التنزيل وبشكل مبالغ فيه انا عارفه

والخبر الي عاوزه اقوله ان الفصل ال (٣٨) بيتم الكتابة فيه بالفعل و الفصل حلو الحقيقه، نادراً ما اقول كده بس هو في أفكار حلوه ولطيفه فـ اتمنى انه يعجبكم

نرجع للمهم و الاستفتاء..

ايه رأيكم في القصه لحد دلوقتي بصراحه، هل محققه الكوميديا الكافية ولا الكوميديا بتاعتها قلّت عن الفصول الي فاتت؟؟

وهل حابين أفكار جديده يتم اضافتها و ايه رأيكم في رِتم القصه بشكل عام ؟

اي نو تاني إني متأخره فيها كتير اوي والله مش هي بس في كل حاجة، حتى دراستي موقفاها و محضرتش حاجة السنادي بسبب الظروف الكتير الي عندي في البيت لأن مفيش وقت ولا صحه لأي حاجة الحمد لله

ولكن أنا بحارب و بجاهد علشان اكتب و انزل و ميكونش أي حاجة لازم تكون حاجة كويسه تستحق انتظاركم المطوّل ليا

مش عاوزه أطوّل النوت عن كده ولكن ترقبوا اليومين الجايين دول فصل حلو هيعجبكم ان شاء الله و متتهاونوش في التفاعل لأنه بيفرق معايا بصراحه

و شكراً جدا جدا جدا، قد الدنيا كلها، على انتظاركم ليا و اشوفكم بخير حتى الفصل القادم و دلوقتي اسيبكم مع شويه مقتطفات تحمسكوا للفصل الجاي 🖤

___

- هنموت منفجرين هنموت منفجريين عاااااا

- يخربيتك امشي.. اجازة شهر، امشي!

- شايف الشياكة يلا شايف، مش انت شبه القلم الرصاص المقصوف

- يا شباب والله كبرتوا الموضوع استنوا

- مش هينفع شكلك ابن المخرج أركن انت
- ايوه صح احنا أطول، أركن
- هو القلب الي بيجرحنا في حاجة اكيد جارحاه ولا هو اصلا تربية واطيه؟؟!

- تصدق يلا شكلك من تحت شبه العمارة.. بس عمارة دورين يعني مش عاليه اوي

- انت ناوي على إيه بقى بعد كده؟
- ناوي احشش
- ونعم القرار

- الله يرحمك يا زلطه، كان ناوي يطلع كيس اللحمه الي في الفريزر و يتغداء بيه النهاردة، ميعرفش ان هو يندفن جنبه 

- مين ده؟؟
- ده عبقرينو، الجينيس بتاع الشوقة

- آآه يا عصعوصتي يانا ياما، انا عمري ما انضربت كده قبل كده 
- اديك اتضربت، اهدى بقى

- لا أنت تفتح أكاديمية للنصب بقى
- اه تصدق فكره صوح ، و هسميها أكاديمية (تيتو) للنصب الدولي

-ايه الي انتي لابساه ده !
-لابسه هندية 
-هندية ايه، ده انتي لافه نفسك بستارة ستك

- ايه ده انتي مذيعه ؟!
- ايه ده انت شوفتني في التلفزيون؟؟ 

- شت ده طلع سهل اوي، نعمل ايه ؟
- دخلّه الكارت

- طب أنت بتشتم امه ليه دلوقتي ؟!
- مهي علشان هي إلى بالتنا بالخلفه النتنه دي

- عيب عليك، ده أنا الخطر القادم.. عارفه الجمجمة والاكس؟ انا الجمجمة وهو الأكس
- يا خوفي من الأكس