ماذا لو.. الحلقة الثامنة
- السباعي في العيد (١) -
_______
اول يوم العيد..
" يلا يا جماعة خلصوا عاوزين نلحق الصف الأول، صلاة العيد هتبدأ بعد خمس دقايق يحرقكوا!!! "
وده كان صوت جين إلى بيسرخ بقاله نص ساعه عليهم و لابسه الجلابيه البيضاء بتاعه الصلاه تقولوا رايح عمره و مستنيهم على باب الشقة و المفاتيح في ايده
" اخصلوا بقى متجننوش امي!!!! "
سرخ فيهم سرخه كمان أراهن ان العمارة كلها سمعتها بس من الواضح انهم اخر من نازل في العمارة لان صوته عمل صدى صوت في العمارة كلها من كتر ما هي فاضيه و مفيهاش حد في الوقت الراهن
نامجون خرج من الطورقه و هو مشلّح الجلبيه البيضاء بتاعته إلى هو لابسها رد بانفعال على جين
" خلاص اكتم جينا بلاش صداع الصبح!! "
بصله بصه مقرفه و فتح باب الشقه لما لقاهم بيتوافدوا من الطورقه إلى يشوفهم بالأبيض كده يقولوا طالعين في فوج الحج أو العمره و ربنا يتقبل منا ومنكم صالح الأعمال وكل عام وانتم بخير
" يلا يا خيبه منك ليه انا نازل اسخن العربية "
خرج و ساب الباب مفتوح وراه علشان بيتوافدوا بعديه فـ اتذمر تاي وهو بيلحقهم
" هو ليه بيتعامل معانا كده! كنا قتلناله حد ولا ايه "
جونغكوك عدي من جنبه
" سيبك منه ده ساعه الرزق متتعوضش "
تاي بتعجب
" رزق ايه ؟؟ "
كان جونغكوك خرج بالفعل من الشقه فـ مجاوبوش و رد عليه يونغي إلى مش عارف يفوق من النوم
" قصده يقولك انه هيروح يقلّب الناس في الجامع و ياخد منهم فلوس "
" اه بيسرقهم يعني؟! "
"بس بطريقه حلال "
هوسوك من عند باب الشقه سخر منهم
" طب يلا يا مؤمنين اتأخرنا اكتر ما احنا اصلا متأخرين و هيسرخ في وشنا تاني "
" يلا يلا "
تاي شد يونغي من كتفه و خرجوا من الشقه و لسه هوسوك هيقفل الباب اتفاجيء بـ جيمين إلى جاي جرى من جوه و هو رافع الجلابيه بتاعته فوق على الاخر لدرجه ان الشورت إلى لابسه باين منه
ESTÁ A LER
شقة رقم ٧
Humor# شقة رقم ٧ دايماً في شقة في العمارة هي الي طالع منها الصوت و العبر و الزعيق بس الحقيقة ان مش بتبقى شقة واحدة بس ، دي كل الشقق.. سبع شبان الغُربة اجبرتهم انهم يعيشوا في بلد غير بلدهم و كمان يعيشوا في عمارة كل سكنها اجانب و محدش زي التاني ابدا كله م...
