شقة رقم ٧

الفصل السادس

[ مُـخـرِب عـلاقـات ]

__________

لفوا الثلاثه علشان يمشوا بس وقفهم صوت خلاهم يبلعوا ريقهم : رايحين فين بسلامتكوا كده و عندكوا محاضره شغاله دلوقتي ها؟؟!

تاي رفع حاجبه بتعجب : جونغكوك؟!
اتنهد بتملل و دور عينه : ايوه ايوه المحاضر لغي

شيون جه من ورا جونغكوك و حط ايده على كتفه : واقف بتعمل ايه هنا - رفع عينه لقى الثلاثي ف أدرك - اه تمام خلاص

جيمين سأل كوك : عليكوا محاضره بعدها ولا هتروح معانا؟!

بلامبالاه : هروح معاكوا

مينجي بحماس : يلا علشان انا جعان و كنا رايحين ناكل تيجوا معانا؟؟

كوك و شيون بصوا ل بعض بعدها بصولهم و اومأوا، في لحظه تاي كان على ظهر كوك كالعاده : تاااااايي!!!

تاي شد على رقتبه و رد عليه : معدتي وجعاني مش قادر أمشي

كوك إلى بدأ يمشي بالفعل : و ايه دخل معدتك ب رجلك إلى بتمشي بيها لامؤخذه!

تاي بيفكر في اجابه مناسبه : مهم أعضاء في جسم واحد مش اكتر ف بينفدوا على بعض !

جيمين ماشي في وسط مينجي و شيون إلى بيرسله نظرات جاده ف جيمين حس انه هيجيب ورا بس اردف قاطع للنظرات : هو انتوا ممكن تحكولنا بالتفاصيل ايه سر العدواه الحقيقيه ما بينكوا؟؟!

.
.

في الشركه

يونغي قاعد على مكتبه مركز في شغله، مكتبه كان قدام مكتب نامجون إلى كان قاعد بملل حاطط ايده علي خده و ماسك الأقلام و بيحدفها على المكتب

من الملل فضل ينده عليه مليون مره من غير ما يقف آر ياخد نفس حتى : يونغي يونغي يونغي يونغي..

هو فضل مطنشه كتير لحد ما لخبط في رقم معين بعد ما كان ماشي مضبوط ف الغلطه دي هتخليه يعيد المستند كله ف ده كان كفيل انه يمسك اي حاجة جنبه و يحدفه بيها بغضب بس هو تفاداها و نزلت على الأرض جنبه

خبط ايده علي المكتب بتاعه و ردد زيه : نعم نعم نعم نعااااااامممم مش بتشوف شغلك ليه و تريحني عمال تنادي بقالك ساعه كامله ليه معرفش و تلاقيها في الاخر علشان حاجة تافهه مش كده!!!

جون رمش بيحاول يستوعب كلامه إلى قاله بسرعه كبيره بعدها اردف بتنهد : مهو انا زهقان فعلا

بصله بمعالم فارغه و رجع للي بيعمله : شوف شغلك

اتنهد بقله حيله و فضل يبص في المكان كله مش لاقي شغله ولا مشغله مالوش مزاج يشتغل، لقت نظره أصوات خناق صغيره حاسه من جنبهم ف رجع ب الكرسي لورا و مد راسه يشوف فيه ايه

كام فيه واحد طويل بزياده ماسك في ايده حاجة ملك القصير بزياده و شاددها لفوق منه مش عاوز يديهاله و القصير عمال ينطق بيحاول يوصل لناطحه السحاب بيحاول ياخد منه موبايل و التاني فرحان بطوله و ذله للقصير