شقة رقم ٧

ماذا لو.. [ السباعي دكاترة ]

ماذا لو.. الحلقة السابعة عشر
- السباعي دكاترة -

__________

- جونغكوك -
( الدكتور الي مضيّع تخصصه )

بيقرب من المريض وفي ايده كشّاف نور
" افتح بؤك و قول ااه "

المريض
" ااااه "

فتح الكشاف في سقف حلق المريض
" لا أعلى مش سامع "

" اااااااااه "
" أقوى "

المريض سرخ تقريباً
" ااااااااععععع "

قفل الكشاف و راح قعد على كرسيه
" لا تمام، حنجرتك كويسه مفيهاش حاجة "

المريض اخدها انها مجامله
" الف، شكر يا دكتور و الله"

" مش بتفكر تقدم في معهد الموسيقي او كونفسقتوار.. الكونزرفتوار او ايناً يكن هم بينطقوه ازاي مش بتفكر؟"

" لا الحقيقه، انا خريج تجارة "

شابك ايديه وسأله
" طب انت زورك كويس بتعرف تعمل طلعات كويسه، جايلي ليه بقى تخلع لوز ولا عندك اللحميه؟؟ "

المريض خذ لحظات بيستوعب وقاله
" انا جاي أجبس رجلي يا دكتور! "

ضحك بخفه ولا أكن في حاجة
" يااا اخي عادي مهو كله بينفد على كله، ليه انت وقعت؟؟ "

" لا داستني عربيه "

رسم ملامح أسى واضح اوي انها مزيفه
" تؤ تؤ تؤ تعيش وتاكل غيرها، طب انت جايلي ليه من الاول؟ بص قوم كده زي الشاطر ازحفلك زحفتين ولا خلي الممرضه تساعدك و روح لزميلي في الاوضه الي جنبي هو مخ وأعصاب هو هيتصرف معاك هيشدلك الوتر و تبقى زي الفل، مع الف سلامه مع السلامه.. ناااككسستتت "

~~~

- جيمين -
( الدكتور المتوتر )

" لا لا لا انا كده بدأت اتوتر "

في اوضه العمليات جيمين بيستعد لعمليه الولاده وكله توتر اكنه اول مره يخش أوضه عمليات، فرد عليه المساعد الأول

" اتوتر ايه يا دكتور احنا لسه بادئين "

زفر واردف بتوتر شديد وبدأ يتكلم بكلام غير مفهوم
" مهو علشان كده انا متوتر!! ابعدوا عني!!.. لا خليكوا متسيبونيش!! قصدي يووه ساعدوني!! "