[ العم الفرفوش رزق ]
- تاي والانجليزي -________
تاي خارج من أوضته بيغني : ذهب الليل و طلع الفجر و العصفور صوصو نونو، شاف القطه قالها..
جيمين الي خارج جنبه فجأه مد ايده وقفه عن انه يعدي للصالة : اييه استنى استنى أركن هنا، بص
اشارله جيمين ناحيه جين الي ولخد من الكنبه قاعده ليه متسنتر في النص و متهجم ولا كأن حد قاتله اهله ملامحه متعكره بشكل كبير و لو حد قرب منه ممكن يرميه من الشباك.. حرفياً
تاي مد راسه يبص عليه : ايه ده، رمسيس الثاني راكن عندنا في الصالة؟
جيمين بيهمس : لا ده شكله الكلب بتاع ابو الهول
تاي بصله بتعجب : وهو ابو الهول عنده كلب؟جيمين بصله بالمقابل : لا بس كان بيفكر
تاي : طب بس بس لياخد باله من كلامنا يخلينا احنا الكلاب بتاعه ابو الهول.. تعال اما نشوف ماله، انا اول مره اشوف رقم ١١١ في صوره بني آدم
جيمين : اديك شوفت علشان متقولش اننا حرمناك من حاجة
تاي : ششش داخلين عليه اسكت اسكتتوقفوا الاثنين عنده بينما هو ولا كأنه شافهم وعلى وضعه ف جيمين بدأ الكلام : حم حم صباح الخير..
جين على وضعه مش بيتكلم خالص فـ تاي مال على جيمين بيهمس : احم هو مبيردش ليه؟؟
جيمين بيهمس هو كمان : مفيش الكونكشن باين
تاي : نلقطه هوت سبوت طيب؟جيمين : ششش ششش اسكت اسكت
حمحم جيمين و ابتسم بوسع : صباح الخير يا جينو يا قمر
جين :..جيمين رده همس لتاي: مفيش بردو مش بيرد
تاي : اديله زقه كده يمكن البطاريه نايمهجيمين : هو عربيه انت بتقول ايه!
تاي : اهو بفتح معاك كلامجيمين : لا متفتحش
تاي اتنهد و قرر انه يتكلم هو : طب مالك طيب في ايه قالب بوزك على الصبح و مفيش لا صباح الخير لا مساء الخير ولا خدوا بالجزمه ولا اي حاجة حتى، ليه حد عملك حاجة طيب، حد داسلك على طرف؟؟
جيمين : حد حرقلك طراطيف شعرك؟
جين : …تاي بيحاول يحايله : طب انت قالب على الراس الكبيرة، احنا مالنا بقى قالب علينا ليه كلنا وقالب على الشقة كلها و نفسك تولع فينا
جين :...
تاي تعب من المحاولات : طب اعمل ايه مبيردش خالص!جيمين : انت زعلان طيب علشان الغرزه الي كنا فيها امبارح ؟؟
جين رفع حاجبه و التفت بصلهم اخيراً : ايه؟؟؟جيمين : ولا على الشفاط الي جونغكوك كسره امبارح بليل
جين : ايه؟؟جيمين : قصدي السجادة الي حرقها تاي بالمكوه
جين كان مستعد انه يقوملهم و صاح : ايييه؟!! سجادة ايه ياض ؟!
YOU ARE READING
شقة رقم ٧
Humor# شقة رقم ٧ دايماً في شقة في العمارة هي الي طالع منها الصوت و العبر و الزعيق بس الحقيقة ان مش بتبقى شقة واحدة بس ، دي كل الشقق.. سبع شبان الغُربة اجبرتهم انهم يعيشوا في بلد غير بلدهم و كمان يعيشوا في عمارة كل سكنها اجانب و محدش زي التاني ابدا كله م...