شقة رقم ٧

الفصل الثامن و العشرون (٣)

[ امتحانات الفصل الدراسي الأول ]
- هنسقط يا فخري -

_________

بعد يومين بردو
المغرب / شقة السباعي

الليلادي ليله الامتحان و حال الشقة عندهم لا يحسده احد، بس في طبعا ناس عندها دم و في ناس معندهاش ولا هيبقى عند إلى جابوها دم اصلا

لسه الشمس مغابتش خالص فـ في حاله استرخاء لسه هتشد لما الدنيا تظلم و فعلا يبدأوا يحسوا ان في ام امتحان بكره لازم يتذاكرله ده لو حصل يعني

جيمين المجتهد إلى مش عاوز يسقط زي الي يعرفهم قاعد على كنبه الصاله و حاجته على الطربيزك فارش فرشته المعتاده بتاعه المذاكره عليها و غرقان خالص فيها و حاسس انه مش هيلخب يخلص و بيرمي اللوم على أهل البيت ده الي عاوزين يسقطوه باين كده

نفخ و رمي القلم على الكتاب : اوف ياااه ايه المسأله الغبيه دي! انا اصلا بكره الرياضه علشان كده كنت عاوزه أحول من ام القسم المعفن ده بس محصلش نصيب و حسبي الله ونعم الوكيل

خلص ندب و قرر انه يستعين بصديق مهو مفيش وقت لسه هيسأل حد من صاحبه ده لو ردوا عليه اصلا و لو ردوا مش هيعرفوا الإجابه اصلا اراهن انهم ناسيين ان في امتحان بكره اساسا

جين معدي و في أيدي طبق عنب شكله رايح البلكونه فـ وقفه جيمين بسرعه : هيونغ استنى كنت عاوزك تشرحلي حاجة

جين و هو بياكل العنب : انا الرياضه بتاعتي مش للجامعات للمدارس فقط شوف غيري

جين مشي راح وجهته فـ عبس و حط ايده على خده كان نامجون طالع من الطورقه ولابس هدومه شكله نازل : هيونغ اـ..

نامجون وهو مش باصصله اصلا : انا نازل اجيب حاجة من شنطه العربية

جيمين عبس تاني لما نامجون فقل باب الشقه بعد ما خرج فحط ايده على خده و بينفخ كل دقيقه مسك موبايله و اتصل على هوسوك و حط السماعه على ودنه و فضل مستني شويه جرز مفيش حد بيرد..

فجأه السكه فتحت و لسه هيتكلم طلع أصوات زعيق من الناحيه التانيه فعقد حواجبه بتعب!

صوت روبن
- بس بقى بطل شد في شعري مش كفايه اني متنيل مستحملك بسبب القرف بتاعك ده!!!

صوت هوسوك
- اصلا المقروض تشكرني على اني اخدتلك اجازه النهارده من الشغل!!

صوت روبن
- يعني اتهنيت بيها مثلا!!! ما انا متهبب قاعدلك من للصبح علشان الاستاذ يذاكر نوغه هو ها!!!!!

صوت هوسوك
- بس صوتك صدعتني خلاص!! ايه ده السكه مفتوحه؟!

صوت روبن
- يعني انا كنت فتحتها يعني!!

صوت هوسوك
- ما تسكت بقى بصوتك الي شبه عربيات الإسعاف ده!!!!

و فضلوا يتخانقوا و تقريبا هم فتحوا الخط بالغلط فـ جيمين اتنهد و قفل السكه من نفسه حط موبايله جنبه و فضل عابس بيبص للمسئله الي شايفها كائن غريب