شقة رقم ٧

الفصل الثالث و الثلاثون

[ أسـبـوع فـي كـوريـا ]
-الولية الحِشرية -

الجزء الثالث

__________

بينفخ الي لابس لبس مدرسه وهو بيفتح باب الشقة وراح رازعه وراه اول ما دخل و رمى المفاتيح علي أقرب مكان : ولا حصه فاضيه لييه لييه الاذى لييه!! هيموتوا علي التعليم اوي! ويارتهم بيعملونا حاجة عدله ولا تشرف حتى، كل الي بتعمله ده هيترمى في الزباله اثلا بمجرد اننا نتخرج من ام المحروقه دي

جونغكوك ظهر قاصده فجأه و هو بيسقف : لا برافو، برافو يا طالب يا مجتهد، خلي ابوك يسمع الكلام ده و هيشمعك مع حيطان المدرسه الي دافع فيها دم قلبه بسببك

اخوه الصغير دور عينه و سخر بنبره مستفزه : ننننن فاكر نفسك بابا علشان تكلمني كده! هو بيني و بينك هم خمس سنين بس متعملش فيهم كبير عليا، حر على فكره، حر ما لم نضر محدش وجعلك كلام على فكره

جونغكوك : لا بتضر و بتضر كمان بصوتك الي شبه السحليه الي شربت صابون سايل

بصله بملامح فارغه و دور عينه : مش هرد علشان لو رديت هتزعل

جونغكوك مسكه من هدومه و جره ناحيته بعدها رزعه قفا محترم ثلاثي الأبعاد : تزعل مين يللا.. هاا تزعل مين.. انت محدش عارف يلمك ولا ايه، مين ده الي هتزعله يا ننوس عينك امك و ابوك يا طفل يالي لسه بتشرب اللبن قبل ما تروح المدرسه الصبح

اخوه سخر : اسم الله على الي بيخلي مامته تسرحله شعره زي الأطفال هه

اتهجمت ملامح جونغكوك و سرخ في وشه بغيظ : على فكره هي الي بتجبرني مش انا!!!

خرجت ام جونغكوك على الصوت ولقت ابنها الكبير ماسك ابنها الصغير من قفاه و بيزعق في وشه : ولد!!! انت بتعمل ايه؟؟؟

جونغكوك خاف من أمه، الصراحه فساب قفا اخوه على مضض و قال من تحت لسانه : مفيش كنت بنفضله هدومه

و بدا ينفض هدوم اخوه بوهميه فـ الأم دورت عينها على اساسا انها مش عارفه يعني فـ اتنهدت و قالتله : خد الزباله نزلها تحت علشان العربيه هتيجي تاخدها بعد عشر دقايق

جونغكوك سرخ بإعتراض : و اشمعنى انا!! كل ما تشوفي وشي تقولي كده! هو انا مكتوب علي جبيني عامل نظافه! ما تخليه هو!!

شاور على اخوه فى اخر جملته فزعرتله جامد و سرخت : خد الزباله يا كلب!!!

عبس بخضوع : حاضر يا ماما

~

جونغكوك بيطلع علي السلم بعد ما حط الزباله في صندوق الزباله الكبير تحت و بيتنهد كل دقيقه لحد ما وصل الدور بتاعهم وهو التاني مش قصه يعني بس هو مكنش عاوز ينزل الزباله اصلا بس امه جباره

فصل يتذمر بصوت واطي و يشتم كل حد يعرفه في سره وكان هيروح ناحيه شقتهم خلاص وقفه صوت واحده جاي من وراه : ايه ده انتوا رجعتوا!