شقة رقم ٧

الفصل الثالث و العشرون

.
.

في شقة السباعي

جين خارج من الحمام قابل تاي في وشه فـ راح اداله طبق الغسيل تحت نظرات تاي المتعجبه : خد انشر دول علشان ظهري مش قادر خلاص من كتر الترويق وراكوا

تاي رفع حاجبه باستنكار : ما تخلي حد غيري انا مش عاوز

سلم الطبق تاني لجين الي مسكه و سلمهوله تاني : انشر بس مفيش حد دلوقتي اسمعني

تاي رحله الطبق تاني باستنكار : بلاش سبت بلا حد انا مش هنشر قولت

جين بدأ يتعصب و رجع الطبق لتاي : تاي متغلبنيش
تاي رجعله الطبق : لا ماليش فيه و بعدين النشر للستات خد

جين بانفعال و رجعله الطبق : انت شايف في ستات هنا و قولنا لا!!!

تاي بتصميم و رجع٧لجين الطبق : لا انا مش عاوز انشر انا مش عاوز انشر.. انشر انت

جين جز على سنانه و مسك نفسه انه يديله بالي في رجله : هتنشر يا تاي ولا اناديلك يونغي يتصرف معاك

تاي خد منه الطبق بسرعه : هنشر يا تاي

جين ابتسم بانتصار و ربت على كتف الي بيبصله بعيط : ابقى خلي بالك و متوقعش المشابك تحت

طلع صوت ساخر و شد على الطبق دخل البلكونه و سمع صوت جين من جوه العالي : و اوعي توقع الغسيل علي الدور الي تحتينا

نفخ بانزعاج و تمتم : هوقعلك هدومك في المفرمه مش في الدور الي تحتينا بس هه

نفخ تاني بانزعاج و مسك اول قطعه غسيل نفضها و مسك سحب المشبك حطه على قطعه الغسيل في الجبل و التاني طلعه من بؤه و حطه في الناحيه التانيه علشان قطعه الغسيل متقعش ، كان تيشيرت

تحت ابراهيم كان داخل العماره و هو بيسحب معزه معاه رافضه انها تدخل و بيعافر معاها : ادخلي بقاه

عماله تعمل صوت رافض و تشد رجليها لورا تقريبا قلبها حاسس : ممماااااااااااااءءء

ابراهيم بيشد فيها بالعافيه : خووششيي بقاااااه يووه
ممممااااااااااااءءء

دخلها بالعافيه و فضل يزق فيها لحد ما الجنينه الخلفيه للعمارة و راح رابطها في بتاعه المياه و حب،. ايده في وسطه بانتصار بعدنا حطلها برسيم

منه ظهرت من وراه فجأه و اردفت : بابا انت بتعمل ايه؟؟ ايه دي؟!!

تاي من فوق بعد ما خلص نشر سامع أصوات ثغاء المعزة من بعيد بس طنش لانه توقع انه بيتخيل و خد الطبق و دخل جوه قفل وراه البلكونه

باب الشقة بيخبط جرز ورا بعضه فـ حط الطبق الفاضي على الكنبه بانزعاج و بينفخ : طيب طيب حاضر مفيش صبر ايه ده

راح فتح الباب لقى في وشه جونغوك العابس الي شعره متنعكش شويه و فيه آثار حمراء في وشه ، تاي شهق من هويه الطارق فلما استوعب حضنه على طول : كووكككييييي انت رجعت؟!