RISE ABOVE THE ZODIACS SERIES | Uno - AQUARIUS
Title: Jan Quaro Zodiac
Genre: Romantic comedy | Light Erotica | R-18
~ The physical book was printed in October 2023 under Immac Printing and Publishing House ~
Synopsis:
Jan Quaro Zodiac is the owner...
Oops! This image does not follow our content guidelines. To continue publishing, please remove it or upload a different image.
7th day of 100...
"Spit it out—what do you need?"
Mula sa pagsilip sa entry ng working station ay tuluyang lumabas si Kirsten at nahihiyang lumapit kay Quaro na abala sa pag-aayos ng mga tinapay sa estanteng nasa gitna ng shop.
"May... hihingin sana akong pabor—"
"I'm busy."
Nanlaki ang mga mata ng dalaga. "Matapos mong sabihing 'spit it out', bigla kang kakabig ng 'I'm busy'?"
"Kung may itatanong ka ay sasagutin kita, pero kung pabor 'yan na kakain ng oras ko, definitely no."
Muling nanulis ang nguso ng dalaga; nanatili ito sa kinatatayuan at patuloy na umasang magbabago ang isip ni Quaro.
Mag-a-alas siete na ng umaga at malapit nang magbukas ang shop. Mula sa labas ay madidinig na ang ingay ng mga naka-pilang customers, like every other day. Kahit nakasara pa ang pinto at nakatakip ang kurtina sa glass window, ay alam ng dalaga na mahaba na naman ang pila sa labas. Pilang puro lang naman mga kadalagahan na ang nais ay masilayan ang panaderong si Quaro. At sigurado si Kirsten sa oras na magpakita ang binata sa mga ito'y impit na tilian na naman ang madidinig sa paligid.
"Bakit late ka nang bumaba?" tanong ni Quaro matapos isalansan ang mga bagong bake na tinapay. Tumuwid ito at hinarap si Kirsten. "Hindi ka pwedeng lumabas sa harap, ayaw kong magtaka ang mga customers. Sa back door ka dumaan—"
"Nag-aalala kang mabawasan ang mga customers mo kapag nakita nilang may babaeng lumabas mula sa shop mo sa ganitong oras?"
"No, ayaw ko lang sumagot sa mga walang ka-kwenta-kwentang katanungan nila. Now, leave. I need to open the shop in a few minutes." Tinalikuran na ni Quaro ang dalaga at naglakad pabalik sa working station.
Sumunod doon si Kirsten at inabutan ang binatang sinisilip ang pangalawang batch ng mga tinapay na ini-salang nito sa oven.
"Kailangan kong magluto ng ilang mga putahe, Quaro..."
Payukong nilingon ni Quaro ang dalaga. "For what?"
"School activity."
Nagsalubong ang mga kilay nito bago itinuwid ang sarili.
"There were days where I would see you read different kinds of Science books. Minsan naman, accounting and finance. Ngayon, cooking? Ano ba talaga ang kursong inaaral mo?"
Naging mailap ang mga mata ni Kirsten, sandaling nag-isip ng isasagot. "Kasi... may party sa school at—"
"Anong party?"
"B—Birthday party—"
"Whose birthday?"
Nang hindi kaagad nakasagot si Kirsten ay napa-iling ang binata at ibinalik ang pansin sa oven.
