Reincarnated As One Of The Triplets Villain

CHAPTER 18:PALACE

Chapter 18: Palace

Pagkapasok namin ay nakita kong nakatayo ang isang matandang babae na nakasuot ng pang mayordomang damit. At may kasama syang nakasuot ng asul na uniporme pang kasambahay.

"Maswerte kayo at kayo ang aking napili upang sanayin maging katulong sa loob ng palasyo. At mabibigyan ng pagkakataon na magkaroon  kalayaan pagkatapos ng limang taong pagtatrabaho sa palasyo" pagkatapos nyang sabihin iyon ay sumunod naman ang kasama nyang babae na nagsalita.

"Sa loob ng limang taon nyong pagsisilbi ay dapat maging masipag at matapat kayo sa inyong tungkulin. Sa loob ng limang taon ay bibigyan namin kayo ng inyong mga pangangailangan kagaya ng pagkain,damit at tirahan"

"Kaya ngayon ay sumunod na kayo sa amin at magsisimula na  ang  inyong pagsasanay mamaya"

Pumila na kami at sabay sabay na pumasok sa pangalawang karwahe dahil nasa unang karwahe silang sumakay. Habang umaandar ang karwahe napag isip isip ko na maswerte na rin pala ako. Dahil magtatrabaho lang ako ng limang taon sa palasyo ay maari na akong maging malaya pagkatapos nito.

Pagkarating namin sa palasyo ay  ihinatid kaming lima sa isang silid ng isa pang katulong na nakasuot ng berdeng damit.

"Magbihis na kayo at pagkatapos sumunod na kayo sa akin at ihahatid ko na kayo sa silid na inyong pagsasanayan"

Pagkapasok namin sa loob ay mayroong kaming nakita na kamang double deck samantala ang isa namang maliit na kama ay malapit sa bintana. Sa bawat kama ay may nakatuping puting damit na pang katulong. Nang makita namin iyon ay agad na kaming dumiretso sa banyo para maligo at magbihis.

Pagkatapos namin ay agad na kaming lumabas. Nakita naming naghihintay ang babaeng kausap namin kanina na nakasandal sa dingding. Nang makita nya kami agad na syang tumayo ng maayos.

"Ako ng pa la si Bea isa ako sa mga katulong na nagtatrabaho sa main hall. Ang bawat uniporme dito ay nakaayon sa kulay ang ranggo. Puti para sa mga bagguhan,dilaw para sa mga tagaluto at taga palengke,asul para sa mga nagtatrabaho sa main hall kasama na ang mga tagapaglinis na naroon sa lugar na iyon, violet para sa mga katulong ng mga prinsipe  at prinsesa kasama na ang mga concubine ng hari at higit sa lahat ang asul ay para sa katulong ng hari. Ang nakita nyo kaninang matanda sya ang mayordoma ng palasyo at sya rin ang taga pamahala dito"

Pagkatapos nyang ituro iyon ay agad nya kaming tinuruan ng mga pasikot sikot sa palasyo. At kung ano ang mga bawal na pasuking na mga silid. Ng makarating na kami sa isang silid na nasa sulok ng palasyo. Agad nya na kaming pinapasok at nagpaalam na rin sya.

Pagkapasok namin nakita namin ang silid na parang isang classroom at may nakatayong babae na nasa mid30's. May hanggang balikat syang buhok na kulay asul na may highlight na berde.

"Maupo na kayo at magsisimula na ang aking pagtuturo sa inyo ng mga dapat at hindi nyo dapat gawin sa palasyo. Ako nga pa la si Caroline isa ako sa katulong ng hari at ako rin ang inyong magiging guro. Tuturuan ko kayo sa loob ng isang linggo bago kayo iatang ang mga inyong gawain" agad na kaming umupo at nakinig.

"Unang una sa lahat,ang lahat ng katulong dito ay marunong kumilos at may tamang asal. Hindi porket katulong tayo dito ay hindi na tayong marunong kumilos ng tama" habang nagsasalita sya ay tinitignan nya kami ng  isa isa.

"Marahil ang ilan sa inyo ay alam na ang leksyon na ito pero ituturo ko pa rin sa inyo ang tamang paglakad ng tuwid habang may nakapatong na mangkok sa inyong ulo. Bawat na mababasag na mangkok ay ibabawas sa kakainin nyo. Naiintindihan nyo ba ako?"

"Opo"

Pagkatapos naming sumagot ay binigyan nya na kami ng tig iisang mangkok. May mga ilan na nabasag agad ang mangkok. Laking pasasalamat ko dahil itinuro na sa akin ito simula noong apat na taong gulang pa lang ako sa etiquette class. 

Lumipas na ang isang linggo ay itinuro nya sa amin ang mga panuntunan na kailangang sundin sa palasyo at kung paano lumakad,kumilos,yumuko at magsalita. Tinuruan nya din kami ng kung paano maglinis at marami pang iba.

Sa loob ng isang linggo ay marami akong natutunan. Ngayon pala ay nasa kaharian ako ng Elvanian. Masyado itong malayo sa kaharian na aking pinagmulan. Kailangang gumamit ng portals para agad na makarating dito.

Nang malaman ko iyon ay napabuntong hininga na lang ako. Dahil wala ng ibang paraan kung di mag trabaho ng limang taon sa palasyo.

Agad na akong bumangon at naghanda dahil ngayong araw na mag aanunsyo kung saang kami na gawain na nakatoka. Kaya agad na kaming lumabas at sabay sabay na pumunta sa silid na aming pinagsasanayan