🌈 ထာဝရ မင်း 🌈
အခန်း ၂
တန်ဖိုးကြီးအဆောင်အယောင်များဖြင့် ဝင့်ထည်နေသော ကြီးကျယ်ခမ်းနားသည့်ပွဲတစ်ခု။
၆ နှစ်ပြည့်ကလေးတစ်ယောက်၏မွေးနေ့ဆိုလည်း မမှားပေ။
" ဟေ့ ကလေးတွေ ။ အပြင်ဘက်ကို လျှောက်သွားကြနဲ့နော် ။ လမ်းပျောက်လိမ့်မယ် "
ကလေးတစ်စုရှိရာကို အော်ပြောလိုက်သောမိန်းမကြီးသည် စျေးမြင့်မြင့်အသုံးအဆောင်ပစ္စည်းတို့ဖြင့် ဝင့်ဝင့်ကြွားကြွားလှပနေလျက်။
သေချာပေါက် ကလေးစုထဲတွင် ထိုအမျိုးသမီး၏ကလေး ပါနေပေလိမ့်မည်။
" ရန်မဖြစ်ကြနဲ့နော် "
ထိုသို့မှာနေခြင်းက အခြားတော့မဟုတ်။
ယခုမှ စခင် ၊ စသိသည့် ကလေးတွေဖြစ်နေသောကြောင့်သာပင် ။
ခဏကြာတော့ ထိုအမျိုးသမီး၏အပြုံးမျက်နှာနှင့် တောက်တောက်ပြောင်ပြောင်ခန္ဓာကိုယ်ဟာ စားသောက်ပွဲရှိလူအုပ်ကြီးထဲသို့ ရောရောနှောနှောရောက်ရှိသွားတော့သည်။
" မင်းနာမည်က ဘာလဲ? ။ ငါ့နာမည်က လျှံထက်ကောင်းကင် "
" ခန့်ထည် ။ မေကြီးတို့ကတော့ ထည်ထည်လို့ခေါ်ကြတယ် "
အဖြူရောင်အနောက်တိုင်းဝတ်စုံသေးသေးလေးတွေနဲ့ ချစ်စရာကောင်းနေသောကလေးတစ်စုမှ အသံထွက်လာခြင်းဖြစ်သည်။
နာမည်စမိတ်ဆက်တဲ့ကောင်လေးမှာ ချိုသာတဲ့မျက်နှာထားရှိပြီး ပြုံးပြုံးလေးရှိနေသည်။
လူကြီးတွေချစ်စနိုးနဲ့ ထည်ထည်လို့ခေါ်ကြသည့် ကလေးလေးမှာတော့ ပါးမို့မို့လေးတွေရှိပြီး ဒီနေ့ပွဲရဲ့မင်းသားလေးလည်းဖြစ်၏။
" ဟ ဟ ဆိုးလိုက်တဲ့နာမည်ကြီး "
ဒါကတော့ အဖွဲ့ထဲမှာ တစ်မူထူးခြားသည့်အနက်ရောင်အနောက်တိုင်းဝတ်စုံလေးနဲ့ ကောင်လေး၏စကားပင်။
ထိုစကားကြောင့် အနှီကောင်လေး၏ဘေးမှကလေးလေးနှစ်ယောက် အနောက်သို့ရှဲခနဲဆုတ်သွားလေရဲ့။
" ဗြဲ......လူဆိုးကောင်ကြီး! "
အပြောခံလိုက်ရသည့်ထည်ထည်ဆိုသောကလေးငယ်ဟာ ချက်ချင်းထငိုလေပြီ။
YOU ARE READING
🌈 ထာဝရ မင်း 🌈 ( Completed)
RomanceTitle ~ ထာဝရ မင်း Author ~ Hnin~Yhine All episode ~ 16.( Both Unicode and Zawgyi) # fifth 26.7.2021>>>> 15.8.2021( 21 days) pic from pinterest
