အခန်း ၈
🌈 ထာဝရ မင်း🌈
" ဟိတ်ကောင်တွေ ! ကောင်းမြတ်ထူးတို့ရန်ဖြစ်လို့ အခုဆရာကြီးရုံးခန်းရောက်နေတယ်တဲ့! "
အခန်းပေါက်ဝမှ ကျောင်းသားတစ်ယောက်၏အမောတကောအပြောကြောင့် အင်္ဂလိပ်အက်ဆေးရေးနေရာမှ ဘာရယ်မဟုတ်နားစွင့်လိုက်မိသည်။စိတ်ထဲတွင်လည်း လေးလံနေသည်ကဘာကြောင့်ရယ်မသိ။
" ကောင်းမြတ်ထူးနဲ့ ဘယ်သူလဲ? "
နောက်ထပ်ကျောင်းသားတစ်ယောက်၏အမေးစကားမှာတင် သူ့လက်ထဲကဘောပင်လေးငြိမ်သက်လို့သွားသည်။
" နတ်ဆိုးလေ ။ ငါတို့ကျောင်းရဲ့နတ်ဆိုး ဇာမဏီပဲပေါ့ "
နားထဲတွင်အူသွားကာ စိတ်လှုပ်ရှားမှုတို့ကြောင့် ပြေးထွက်လာမိသည့်ခြေထောက်တွေပင် ထုံကျင်လို့နေသည်။
မဏီ~~~
မင်းပဲလား? ~~ကျောင်းအုပ်ရုံးခန်းရောက်သည်နှင့် ခွင့်တောင်မတောင်းနိုင်ဘဲ ထိုင်ခုံမှာခပ်တောင့်တောင့်ထိုင်နေသူအနားသို့ အပြေးအလွှားသွားမိသည်။
" မဏီ! ဘာဖြစ်သွားသေးလဲ? "
ရေးကြီးသုတ်ပျာဖြစ်နေသည့်သူ့ကို မှုန်တေတေမျက်ဝန်းတွေနဲ့ မော့ကြည့်လာသည်က အထင်သေးလိုက်လေခြင်းဆိုသောပုံစံမျိုး။ဘေးနားကစူးရှရှမျက်ဝန်းတွေကိုတော့ သူမမြင်မိ။မမြင်မိဆိုသည်ထက် ဂရုမစိုက်မိတာသာဖြစ်သည်။
" မင်းတို့ မိဘတွေခေါ်လာခဲ့ရမယ် ။ ရန်ဖြစ်တာကို ဒီအတိုင်းပေါ့လို့မရဘူး ။ အကုန်လုံးကိုအသိပေးပြီးမှ ထိုက်သင့်တဲ့အပြစ်ဒဏ်ကိုခံရမယ် "
" ဟုတ်ကဲ့ ဆရာကြီး "
" ကျွန်တော်က မိဘမဲ့ "
စကားသံနှစ်ခုက ပြိုင်တူညီစွာထွက်ပေါ်လာသည်။ဆရာကြီး၏မျက်ခုံးတန်းတွေလည်း အနည်းငယ်တွန့်ကုပ်သွားပြီး စားပွဲခုံပေါ်ကစာရွက်တစ်ရွက်ကို လက်ညှိုးနဲ့အထက်အောက်ဆွဲပြီးကြည့်သည်။
" ဇာမဏီက အဖေရှိသေးတယ်မဟုတ်လား ။ ဦး.. "
" သူက အိမ်မှာမရှိဘူး ။ တစ်နှစ်တောင် တစ်ခါမလာတတ်ဖူး "
YOU ARE READING
🌈 ထာဝရ မင်း 🌈 ( Completed)
RomanceTitle ~ ထာဝရ မင်း Author ~ Hnin~Yhine All episode ~ 16.( Both Unicode and Zawgyi) # fifth 26.7.2021>>>> 15.8.2021( 21 days) pic from pinterest