အခန်း ၆
️🌈ထာဝရ မင်း🌈
ဟာ!!
အို !!
စီတန်းထွက်လာသောအာမေဋိတ်သံများနောက်တွင် အရှိန်နှင့်ပစ်လဲကျသွားသော ခန္ဓာကိုယ်တစ်ခု။ထို့နောက် ပွဲကြည့်သည့်သူအပေါင်း မတ်တတ်ရပ်ပြီးသားဖြစ်သွားကြသည်။
" လျှံ!! "
ခေါ်သံနှင့်အတူ ပွေ့ချီထူမလိုက်သည့်လက်ထဲတွင် ခွေခေါက်စွာပါလာသောခန္ဓာကိုယ်က အားအင်ကုန်ခမ်းနေသည့်နွယ်ပင်တစ်ခုလို။
" လျှံထက်ကို ကျောင်းဆေးခန်းပို့ရအောင် ဇာမဏီ "
ဘေးနားကကျောင်းသားတစ်ဦးက သတိပေးသလိုပြောလာပြီး လျှံထက်ကောင်းကင်ကိုတွဲဖို့ပြင်လိုက်သည်။
" မင်းတို့ မလိုဘူး "
လက်တစ်ဖက်ဖြင့် ဆောင့်တွန်းကာ သတိမေ့မျောသူအား ဆတ်ခနဲကောက်ယူပွေ့ချီလိုက်ပြီးနောက် ခပ်သုတ်သုတ်လျှောက်သွားသည့်ကျောင်းရဲ့နတ်ဆိုးအား လဲနေသည့်ကောင်လေးမှ မကျေမနပ်အကြည့်များဖြင့် ကြည့်နေရင်းကျန်နေခဲ့၏။သူ၏နှုတ်ခမ်းပါးများကတော့ ခပ်ထေ့ထေ့ပြုံးလျက်။
️🌈️ထာဝရ မင်း🌈
မျက်လုံးတို့မဖွင့်သေးသည့်တိုင် နှာခေါင်းဝသို့အတင်းအကန်တိုးဝင်လာသောဆေးနံ့တို့ကြောင့် ကိုယ့်ကိုယ်ကိုယ်ဆေးခန်းတစ်ခုရောက်နေမှန်း သိလိုက်သည်။ဘာကြောင့်လဲဆိုသောအဖြေကိုသိရဖို့အတွက် သိမ်းဆည်ထားသည့်မှတ်ဉာဏ်တွေကို တစ်စချင်းဆွဲထုတ်ကြည့်မိတော့ ဒီနေ့ရဲ့ဘတ်စကက်ဘောပြိုင်ပွဲကို အရင်ဦးဆုံးသတိရလိုက်သည်။ထို့နောက် သူ....။
" အခုတော့ နိုးလာပြီပေါ့ "
မျက်လုံးတို့ဖွင့်လျှင်ဖွင့်ချင်း ကြားလိုက်ရသည့်အသံက ချိုသာမနေဘဲ အနည်းငယ်ခပ်ဆတ်ဆတ်နိုင်နေသည်။သူကတော့ နိုးနိုးချင်းတန်းပြုံးမိတော့တာပဲ။
" မပြုံးစမ်းနဲ့ လျှံထက်ရာ ။ အခုအတွက် ဘယ်လိုဖြေရှင်းချက် မင်းပေးမှာလဲ ပြော "
ဘယ်တော့မှမပြောင်းလဲတဲ့ မျက်ခုံးတန်းစုကုပ်ကုပ်လေးတွေကို မြင်နေရပြန်သေးသည်။ပြီးတော့ ဒေါသတွေမျိုသိပ်ထားရသလိုဖြစ်တည်နေတဲ့ ဖိပိတ်ပိတ်နှုတ်ခမ်းညိုတွေ။
YOU ARE READING
🌈 ထာဝရ မင်း 🌈 ( Completed)
RomanceTitle ~ ထာဝရ မင်း Author ~ Hnin~Yhine All episode ~ 16.( Both Unicode and Zawgyi) # fifth 26.7.2021>>>> 15.8.2021( 21 days) pic from pinterest
