အခန်း ၁၄
️🌈ထာဝရ မင်း🌈
ဝမ်းနည်းနာကျင်နေသည့် ထိုကောင်လေးအား သူအပြေးလေးထွေးပွေ့လိုက်မိသည်။သိပ်ပြီး အထိအခိုက်မခံနိုင်သည့် နှလုံးသားကလည်း ရင်နှင့်မဆန့်သည့်ဝေဒနာဖြင့် ရိုင်းစိုင်းစွာလှုပ်ယမ်းလို့။
တစ်လောကလုံးနဲ့တစ်ယောက် ဖြစ်နေတတ်သည့် ဤနတ်ဆိုးဟာ မျက်ရည်ကျတတ်သတဲ့လား??
သူ အဟုတ်အံ့ဩမိပါရဲ့။ ပြီးတော့ နာလည်းနာကျင်မိသည်။" ငါ လာပြီလေ မဏီ။ မင်းဆီကိုရောက်အောင် ငါလာခဲ့ပြီ ။ အဲ့တာကြောင့် မငိုပါတော့နဲ့ "
အနည်းငယ်တုန်ယင်နေသာကျောပြင်လေးကို သူခပ်ဖွဖွပုတ်ပေးရင်း နှစ်သိမ့်စကားတို့ဆိုနေလိုက်သည်။
မှန်သောစကားကိုဆိုရပါလျှင် ဤနတ်ဆိုးငယ်အား သူမငိုစေလိုပါ။သူမြတ်နိုးရသည့်ပါးပြင်နုနုပေါ်ကို ထိုမျက်ရည်များ အလွယ်တကူစီးဆင်းနေတာကိုလည်း သဘောမကျ။ဖြစ်နိုင်လျှင် အညိုစင်လေး၏ပါးတွေကို နဂိုအတိုင်းလေးပဲရှိစေချင်သည်။
တစ်စုံတစ်ခုတို့ကြောင့် မရဲစေချင်။" လျှံ "
ထိုစဥ် သူ့ခါးတွေကိုဖက်တွယ်လာရင်း လေသံသဲ့သဲ့ဖြင့် ခေါ်သည်။
" အင်း ငါရှိတယ်။ ပြော "
ထိုသို့ထူးလိုက်တော့ သူ့ပခုံးပေါ်မေးတင်လာသည့် အနှီကောင်လေးဟာ ဝမ်းနည်းစိတ်တော့ပျောက်သေးဟန်မတူ။တစ်ချက် တစ်ချက် နှာရှုံ့သံတိုးတိုးကို ကြားနေရသေးသည်။
" ကျေးဇူးပါ။ "
ဒါဟာ သူ ပထမဆုံးကြားဖူးသောစကားပါပဲ။
လူတိုင်းကို ကျေးဇူးတင်စကားပြာဖို့မဆိုထားနှင့် သူ့ကြောင့်အနာတရဖြစ်သွားရင်တောင် မတောင်းပန်တတ်တဲ့ အနှီနတ်ဆိုးငယ်ဆီကပေါ့။
သူ ကျေနပ်သဘောကျစွာ ပြုံးလိုက်သည်။" ဘာအတွက် ကျေးဇူးလဲ မဏီ။ ငါ တကယ်မသိလို့ "
" အရာအားလုံးအတွက်ပေါ့ လျှံ ။ ငါ့အနားမှာ အခုထိနေပေးတဲ့အတွက်ရော "
သူ ရည်ရွယ်ထားခဲ့သည်မှာ ထာဝရအထိပင်ဖြစ်ကြောင်း ထိုကောင်လေးအားသူမပြောဖြစ်။
YOU ARE READING
🌈 ထာဝရ မင်း 🌈 ( Completed)
RomanceTitle ~ ထာဝရ မင်း Author ~ Hnin~Yhine All episode ~ 16.( Both Unicode and Zawgyi) # fifth 26.7.2021>>>> 15.8.2021( 21 days) pic from pinterest