صرخت عليه بقهر و دموعها تنساب على وجنتها :
فكرتك غير الكل افتكرت انك بتحبني بس طلعت خاين زيك زيه
اقترب منها و قال برجاء :
سيلين اسمعيني الأول بلاش تحكمي من غير
ما تسمعي مني اللي حصل
دفعته بصدره بقبضة يدها فارتد على اثرها عدة خطوات للخلف قائلة بغضب :
اسمع ايه ، اسمع انك خاين ، شوفتك بعيني بتخوني استنى اسمع ايه تاني يا قصي !!
قصي بضيق و نفاذ صبر :
مش كل حاجه بنشوفها بتبقى صح صدقيني هي اللي عملت كده كنت لسه هبعدها بس انتي اللي دخلتي صدقيني يا سيلين
ضحكت بسخرية قائلة بغضب و صوت عالي :
المفروض انِ اصدق الكلام الأهبل ده مش كده ، شايفني عيله صغيره قدامك هتضحك عليها بكلمتين
صرخ عليها بغضب و صرامة :
انا مش مضطر اكدب و لا الف قصص انا لو خونتك مش هخاف اقولك يا سيلين انا قصي العزايزي مش الصرصار اللي كنتي متجوزاه فوقي و شوفي انتي بتقولي ايه و لمين
سيلين بغضب و تهكم :
هتقولي هه عمرك شوفت حرامي بيسرق و يجي يقول انا سرقت انت كداب ، طلقني يا قصي انا لا يمكن افضل على ذمتك لحظة واحدة
مسك معصمها بقوة قائلاََ بغضب :
مش هطلقك يا سيلين و مسمعش منك كلمة طلاق دي تاني ، انتي هتفضلي مراتي و انا لحد دلوقتى لسه باقي عليكي و مستحمل جنانك فوقي كده عشان شغل مخك طق خلاص و راحت منك
صرخت عليه بغضب و عدم وعي لما تقوله :
كان بمزاجك هو اظن قولتلك عاوزه اطلق مش عاوزه اعيش معاك ايه مبتفهمش هتعيش معايا بالعافية ، مش راجل و لا عندك كرامه و لا.....آآه
اطلقت صرخة عالية عندما قاطع حديثها بصفعة قوية هوت على وجنتها بقوة فوقعت على اثرها على الفراش و خط دماء ينساب من جانب شفتيها اثر صفعته القوية تنظر له بصدمة و زعر من هيئته التي لم يسبق لها ان رأته عليها من قبل !!
انحنى بجسده فوقها على الفراش يعتصر فكها بين يديه مردداََ بقوة و نبرة ارعبتها :
شكلك نسيتي نفسك يا بنت كمال ، بقى انا مش راجل و معنديش كرامة مش كده
ثم تابع بتوعد و غضب و هو يجذبها من خصلاتها :
الظاهر اني اخدتك عليا اوي كده لدرجة انك لسانك يطول بس مش مشكلة هقصهولك
سيلين بغضب شديد رغم شدة خوفها الشديد :
يا اخي طلقني مش عاوزاك انت مبتفهم ، انت خاين مش هأمن على نفسي معاك
ثم تابعت بغضب و احتقار :
انت و ابن عمك نسخة واحدة هو عمل في ميان اللي مفيش راجل في الدنيا يعمله ، تلاقيك كمان ماشي بشورته و دلدول ليه و.......
اسودت عيناه من شدة الغضب و سرعان ما هرى على وجنتها بصفعة اقوى من سابقتها لم يسبق له ان رفع يده على امرأة و يوم ان يفعلها فعلها مع زوجته !!!
وقعت ارضاََ من قوة الصفعة فجذبها من خصلات شعرها بقوة قائلاََ باحتقار :
هطلقك مش عشان انتي عاوزه كده لأ عشان انا اللي قرفت منك و مبقتش عاوزك قرفت منك و من عيشتي معاكي شخصيه ساذجه و متخلفة كلمه توديكِ و كلمة تجيبك عديت مرة و اتنين و زي ما بيقولوا التالتة تابتة يا بنت خالتي
نظرت له بصدمه و غضب فتابع هو بسخرية يرد لها سيل الاهانات و الاتهامات التي القتهم عليه :
مش عاوزه تعيشي معايا و بتقرفي مني المفروض اي واحدة غيرك كانت حمدت ربها ان لقت حد يتجوزها او يبص في وشها مش كفايه قبلت اتجوزك متطلقة !!!
ما اقسى كلماته لقد عرف كيف يرد لها الإهانة بكت بقوة ليتابع هو بسخرية و لم تؤثر به دموعها فقد سئم منها :
كنت بحبك يا سيلين بس باللي عملتيه و قولتيه دلوقتي قتلتي اي حب في قلبي ليكي و انا اللي مش عاوزك لكن ما اطلقك عايزك تشوفي ده !!!
قال الاخيرة و هو يرفع شاشة هاتفه امام وجهها لتسأله بصعوبة من وسط بكائها :
ايه ده !!
ضحك قائلاََ بتهكم :
ده انا و انا بخونك بس عاوزك تشوفيه من أوله
صوت و صورة
مسكته بأيدي مرتعشه و شاهدته و شاهدت تلك الوقحة و هي تقترب من زوجها انتهى الفيديو
فقالت بصدمة محاولة ايجاد كلمات :
قص...
قاطعها هامساََ بجانب اذنها بسخرية و غضب :
مش قصي العزايزي اللي يبقى دلدول و لا يعيش مع واحده بتقرف منه ، خليكي عارفه و حطي ده في بالك كويس اوي ، لو اخر يوم في عمري مش هتبقى على ذمتي تاني يا سيلين
قبل ان تتحدث اعتدل قائلاََ :
انتي طالق يا سيلين !!!
..........
مستنية رأيكم ♥️
بعد شهر رمضان بأذن الله هبدأ انزل كل
الروايات تابعووو ♥️
اللي لسه مشرفنيش بمتابعته ع الانستا و الواتباد اللينك على صفحتي يا حلوين 😍
رمضان كريم عليكم جميعاََ ♥️
دمتم سالمين يا قمرااتي 😘
أنت تقرأ
رواية بعينيكِ أسير بقلمي شهد الشورى
Romanceتعالت همسات الجميع من حولها منهم المشفق منهم الشامت بينما هي تجلس مكانها جاحظة العينين غير مصدقة انه فعل بها هذا لقد غادر بوسط الزفاف تاركاََ اياها تواجه نظرات و همسات الجميع بمفردها فقط لأنها الفتاة !!!! رواية بعينيكِ أسير لشهد الشورى
