ခေါင်းတလားကြီးထဲမှာ မင်းနဲ့ငါ [ဘာသာပြန်]

Chapter 20

[Unicode]

ဝမ်ဖုန်းကျင်အတိတ်အကြောင်းကို အိပ်မက်မက်ခဲ့တာက ထိုဆံနွယ်ချည်ကြိုးလေးကြောင့်ပဲဖြစ်လိမ့်မယ်။

အနီရောင်ခြုံထည်ဝတ်ဆင်ထားသည့် လှပသော်ငြား‌ အေးစက်သောအသွင်အပြင်ရှိတဲ့ ဝမ်ဖုန်းကျင်က အထက်မှာ ပျံဝဲနေရင်း ခေါင်းဖြတ်သတ်ကွင်းထဲသို့ လမ်းတလျှောက်ခေါ်ဆောင်ခံလာရတဲ့ ဖခင်ဖြစ်သူကို ကြည့်နေတဲ့ကောင်လေးကို ကြည့်နေမိတယ်။ တစ်ချိန်တစ်ခါက မြောက်ပိုင်းအင်ပါယာရဲ့ကိုယ်စားလှယ်မင်းသားအဖြစ် ဘုရင်ရဲ့ထီးနန်းကို အထောက်အပံ့ပေးရင်း လူထုကြားထဲ လူအဖြစ်ပြန်ဝင်စားလာတဲ့ နတ်ဘုရားတစ်ပါးလို သတ်မှတ်ခြင်းခံခဲ့ရပေမယ့် အခုချိန်မှာတော့ ရန်သူနိုင်ငံနဲ့ ပူးပေါင်းကြံစည်တယ်ဆိုတဲ့ အပြစ်ဒဏ်ချမှတ်ခံထားရတယ်...

"အပြစ်သားဝန်ကြီး၏ သားဖြစ်သူကို ရွှမ်ဖုန်းပညာတော်သင်ကျောင်းသို့ စေလွှတ်မည်။ သို့သော် နောက်လာမည့်မျိုးဆက်သုံးဆက်ကိုတော့ မည်သည့်အဆင့်အတန်းမှ ပေးအပ်ခြင်းမပြုရဟု အရှင်မင်းမြတ်မှ အမိန့်တော်ချမှတ်လိုက်သည်..."

ဘုရင်ခံနယ်မြေမှာ နေထိုင်ကြတဲ့ ရာပေါင်းများစွာသောလူတွေရှေ့မှာတင် ဖုံးကွယ်ထားသော အခြေအမြစ်မရှိတဲ့ အထောက်အထားတွေနဲ့ ဘုရင်ခံရဲ့ပြစ်မှုတွေဆိုကာ ခေါင်းပေါ်ပုံချခံလိုက်ရတယ်။ ပုံပြောဆရာတွေက ရွံရှာဒေါသထွက်စရာစကားလုံးတွေကို လိုက်ဖြန့်နေပြီး အထိန်းအမှတ်ကျောက်တိုင်ပေါ်မှာ သူ့ဖခင်ရဲ့နာမည်ကိုတောင် ထွင်းထုချင်ခဲ့တဲ့လူထုက အခုတော့ သူ့ကို သစ္စာဖောက်ခွေးတစ်ကောင်လို ကျိန်ဆဲနေကြပြီ။

သူတို့တွေက ဒီခွေးမျိုးဆက်ကို အမွှေးတိုင်ထွန်းနိုင်လာတဲ့အထိ လွှတ်ထားပေးခဲ့တဲ့ ဧကရာဇ်ကြီးရဲ့ စိတ်သဘောထားကြီးမှုကို အမွှန်းတင်နေကြတယ်။

သို့သော်ငြား ဒါက ညှာတာထောက်ထားတာလား ဒါမှမဟုတ် အငြိုးအတေးထားတာလား...

မိသားစုကလူတစ်ယောက်ချင်း ခေါင်းဖြတ်သတ်ခံရတာကိုကြည့်ဖို့အတွက်နဲ့ လေးနှစ်သားအရွယ် ကောင်လေးကို လွှတ်ပေးခဲ့သည်လား ။