003-"မုံ့ထင်ရဲ့မျက်လုံးတွေ မျှော်လင့်ချက်နဲ့
တောက်ပသွားတယ် "
--------------------------------------------------
တကယ်တမ်းတော့ ဖုန်းဇီကျောက်မှာ မုံ့ထင်ကိုခေါ်တွေ့ရတဲ့
သီးသန့်အကြောင်းပြချက်ရယ်လို့ မရှိလေဘူး။ မုံ့ထင်ရဲ့မင်္ဂလာပွဲက သတ်မှတ်ပြီးသွားပေမယ့် မုံ့လောင်ရယ့်ဇီက ထိုအကြောင်းကိုကြေညာဖို့ သင့်တော်မယ့်အချ်ိန်ကို စီစဉ်နေတုန်းဖြစ်သည်။
ဒီအတိုင်း.....ဖုန်းဇီကျောက်က
မုံ့ထင်ကို တစ်ခါလောက်ခေါ်တွေ့ဖို့
မအောင့်ထားနိုင်ရုံ သက်သက်သာ။
သူမက လက်ထပ်ပွဲကိုရယူနိုင်ခဲ့တဲ့အတွက် အရမ်းကျေနပ်နေမိတာလေ။
" မင်း...အခုမှအိမ်ပြန်ရောက်စဆိုတော့ နေလို့အဆင်ပြေရဲ့လား? "
မုံ့ထင် သူ့ဗိုက်ကိုဖုံးအုပ်ထားချင်စိတ်ကို ချုပ်တည်းလိုက်ပြီး ချီတုံချတုံနဲ့ ခေါင်းညိတ်လိုက်သည်။
ဖုန်းဇီကျောက်ရဲ့နှုတ်ခမ်းထောင့်စွန်းတွေ ကွေးတက်သွားတယ်။ သူမသိတာပေါ့။ မုံ့ထင်ရဲ့တုံးအမှုကသာ ဟဲ့၀မ်ကို
မျက်စိကျစေခဲ့တာလေ။ ဖုန်းဇီကျောက်အဖို့ လောလောဆယ်တော့ မုံ့ထင်အပေါ် မကျေနပ်မှုမရှိချေ။
သူမ ပြောလိုက်သည်။
" မနက်ဖြန်ည ဂုဏ်ပြုညစာစားပွဲရှိတယ်
မင်း...ငါနဲ့လိုက်ခဲ့ရမယ်။ အတွေ့အကြုံတစ်ချို့
တစ်လေရအောင် ခေါ်သွားတာမလို့ စိတ်လှုပ်ရှားစရာမလိုဘူး "
" ကောင်း...ကောင်းပါပြီ "
မုံ့ထင် ခေါင်းညိတ်လိုက်သည်။
တကယ်တမ်းတော့ သူ့မှာ သူမကိုငြင်းပယ်ဖို့ အကြောင်းပြချက်ရော အနေအထားရောမရှိပေ။
မုံ့ထင် စကားအနည်းငယ်သာပြောလေသည်။ ဖုန်းဇီကျောက် သူ့ကိုဘယ်လောက်ပဲသဘောကျပါစေ သူမကိုယ်သူမ ဆက်နှိမ့်ချနေပြီး နောက်ထပ်စကား၀ိုင်းတစ်ခုကို အစမပျိုးပေ။
သူမက မုံ့ထင်ကို အကဲခတ်သလိုထပ်ကြည့်ပြီး လက်ဟန်ပြလာသည်။
" မင်း...ပြန်သွားလို့ ရပြီ "
" ဟုတ်ကဲ့ " မုံ့ထင်ခေါင်းညိတ်လိုက်ပြီး တုံ့ဆိုင်းမှုမရှိဘဲ လှည့်ထွက်သွားသည်။
YOU ARE READING
အထက္တန္းလႊာအသိုင္းအဝိုင္းထဲက ခ်ိဳၿမိန္ေသာအိမ္ေထာင္ေရး [ဘာသာျပန္] (Hiatus)
RomanceTitle : Beloved Marriage In High Society (BMHS) Author: Jian Jia nizi Status: 106 chapters ( Eng translation is still ongoing ) I don't own any part of this novel! Full credit to original author and English translators>> Just a fan translation:) Th...
![အထက္တန္းလႊာအသိုင္းအဝိုင္းထဲက ခ်ိဳၿမိန္ေသာအိမ္ေထာင္ေရး [ဘာသာျပန္] (Hiatus)](https://img.wattpad.com/cover/275831403-64-k388160.jpg)