[ភាគទី4] #សកលវិទ្យាល័យកំណើតស្នេហ៍
📚EN-joy your reading📚
សម្លេងសារិកាបន្លឺឡើងទ្រហឹងអើងកង ហាក់បីដូចជាកំពុងច្រៀងអបអរសាទរចំពោះការចូលមកដល់នៃព្រឹកថ្ងៃថ្មី ចំណែកឯព្រះអាទិត្យក៏បញ្ចេញពន្លឺរស្មីរបស់ខ្លួន ដើម្បីជាជំនួយដល់រុក្ខជាតិទាំងឡាយឲ្យបានធ្វើរស្មីសំយោគដែលជាដំណើរដ៏សំខាន់បំផុតសម្រាប់ជីវិតរបស់ពួកវា។ ទិដ្ឋភាពដ៏ស្រស់បំព្រងពីធម្មជាតិដូចជាសួនច្បារដែលហែរហមតាមដងផ្លូវ និងកន្លែងជាទីចាប់អារម្មណ៍ជាច្រើនដូច កន្លែងចតឡាន អាងហែលទឹក ... នៃវីឡាដល់ធំសម្បើមមួយដែលយើងអាចដឹងថាជាកម្មសិទ្ធិនៃគ្រួសារ Choi បានបង្ហាញឲ្យឃើញពីភាពទាក់ទាញនិងភាពស៊ីវីល័យរបស់គ្រួសារនេះយ៉ាងច្បាស់។ នៅផ្នែកខាងក្នុងក៏បានឲ្យយើងឃើញនូវក្រុមគ្រួសារ Choi កំពុងស្រស់ស្រូបអាហារពេលព្រឹកយ៉ាងឆ្ញាញ់ពិសារនៅលើតុអាហារយ៉ាងវែងនិងធំដែលអាចដាក់បានម្ហូបបានយ៉ាងច្រើនពន់ពេក
"ហេរ៉ាន់ឆាប់ញ៉ាំទៅ" ស្រ្តីវ័យកណ្ដាលគឺលោកស្រី Choi បានចាប់ម្ហូបឲ្យស្រីតូចហេរ៉ាន់ជាមួយទឹកមុខពេញចិត្តជាខ្លាំង
"ចា៎ស!! អរគុណណាស់អ៊ំស្រី" ហេរ៉ាន់ទទួលយកដោយអំណរ
"នេះអ៊ំខានជួបឯងតែប៉ុន្មានឆ្នាំសោះ ឡើងពេញក្រមុំស្ដូកតែម្ដង ហើយថែមទាំងស្រស់ស្អាតទៀត" លោកស្រី Choi និយាយដោយសម្លឹងមើលហេរ៉ាន់មិនដាក់ភ្នែកដោយភាពស្ញប់ស្ញែង
"ខឹកៗៗៗ" ដោយការសរសើរខ្លាំងពេក ហេរ៉ាន់ក៏ឈ្លក់បាយសឹងដាច់ខ្យល់
"នេះទឹក!! ញ៉ាំទៅហេរ៉ាន់" បន្ទាប់ពីឃើញនាងឈ្លក់បែបនេះ Beomgyu ក៏ចាប់ហូចទឹកឲ្យនាងតូចហេរ៉ាន់ភ្លាម
"ម៉ាក់មិនគួរសរសើរនាងពេកទេ" Beomgyu បន្ថែមទាំងជ្រួញចិញ្ចឹមទៅម៉ាក់ខ្លួន
"ហាហា!! ឲ្យអ៊ំសុំទោសផងណា៎ហេរ៉ាន់" ម៉ាក់Beomgyuនិយាយសុំទោសហេរ៉ាន់ ដោយអស់សំណើចនឹងឬកពារប្រាកដប្រជារបស់កូនប្រុស
YOU ARE READING
សកលវិទ្យាល័យកំណើតស្នេហ៍ 📚 Heeseung
RomanceHeeseung ជាកូនប្រុសគ្រួសារអភិជនមួយនៅប្រទេសកូរ៉េ។ គេមានរូបរាងសង្ហារ មានចំណង់ចំណូលចិត្តនិងទេពកោសល្យលើផ្នែកតន្រ្តី ប៉ុន្តែគេបែរជាមិនសូវចំណាប់លើការសិក្សាឡើយ។ មូលហេតុនេះហើយទើបធ្វើឲ្យគេបានជួបនារីម្នាក់ឈ្មោះថា Hae-ran ដែលនាងនឹងមកបង្រៀន Heeseung ឲ្យគេអាចប្រ...
