[ភាគទី 8] #សកលវិទ្យាល័យកំណើតស្នេហ៍
*កុំរវីរវល់នឹងខ្ញុំ*
🐰 EN-joy your reading 🐰
ថ្ងៃថ្មីក៏បានចូលមក...
ព្រឹកនេះអ្វីៗហាក់ស្ងប់ស្ងាត់ល្អណាស់ បក្សាបក្សីបញ្ចេញសំនៀងយ៉ាងពិរោះគួរជាទីចាប់អារម្មណ៍ ធ្វើឲ្យនារីដែលកំពុងដើរគយគន់នូវសម្រស់ធម្មជាតិដ៏ស្រស់ត្រកាលនៃភូមិគ្រឹះ Lee ក៏សប្បាយរីករាយនិងស្រស់ស្រាយតាមហ្នឹងផងដែរ។
«ឋានសួគ៌ ឬក៏ឋានមនុស្សណ៎? ពិតជាស្អាតដល់ហើយ!» នាងតូចហាក់ចាប់ចិត្តនឹងទីនេះជាពន់ពេក ។ ធ្លាប់តែឃើញតាមប្រព័ន្ធផ្សព្វផ្សាយ ប៉ុន្តែពេលបានមកឃើញផ្ទាល់បែបនេះ គ្រប់យ៉ាងនៅទីនេះគឺល្អជាង 10 ដងឯណោះ។
នេះហើយបានសាកសមនឹងកេរ្តិ៍ឈ្មោះល្បីល្បាញរបស់ភូមិគ្រឹះនេះមែន ។
«ហ្អេ៎!! ស្រីរោគចិត្ត» ហេរ៉ាន់ក៏ងាកទៅតាមប្រភពសម្លេងនោះភ្លាមៗ ប៉ុន្តែនាងក៏នៅស្ងៀមទ្រឹងពេលឃើញរាងក្រាស់របស់អ្នកកំលោះប្រាកដឡើងជាមួយនឹងអាវយឺតពណ៌សកមូលជិត ហើយវាលក្លៀកបន្តិច ដែលបានបង្ហាញឲ្យឃើញដើមដៃធំមាំរបស់នាយ អមជាមួយខោរឹបកជើង ជាពិសេសញើសសស្រាក់ដែលបានពីការរត់ហាត់ប្រាណនៅលើផ្ទៃមុខនិងដៃទាំងទ្វេ ធ្វើឲ្យម្ចាស់រាងកាយមើលទៅទាក់ទាញខ្លាំងមែន ។ នាងក្រមុំហាក់ដឹងខ្លួន ក៏រហ័សដាស់សតិខ្លួនឯងពីការភ្លឹកនោះ
«នែ៎! លោក ខ្ញុំមិនមែនឈ្មោះរោគចិត្តទេ»
«ចឹងមិញ! នាងងាកមកធ្វើអីចុះ?»
«ទីនេះមានតែយើងពីរនាក់ បើលោកមិនហៅខ្ញុំ អញ្ចឹងមែនតែហៅខ្មោច» ហេរ៉ាន់ងាកមើលឆ្វេងស្ដាំដែរ ព្រោះខ្លាចថានាយមើលឃើញខ្មោចមែន
«មិនមែនខ្មោចទេ! គឺនាងហ្នឹងហើយ» ហ៊ីស៊ឹងនិយាយទាំងពេបមាត់ជ្រេញនាងក្រមុំ
«ខ្ញុំគួរតែប្រាប់លោក ព្រោះហាក់ដូចជាលោកយល់ច្រឡំជាមួយខ្ញុំធ្ងន់ណាស់» នាងដើរចូលទៅជិតហ៊ីស៊ឹងបន្តិច ហើយនិយាយយ៉ាងម៉ឹងម៉ាត់ទៅនាយកម្លោះដោយទឹកមុខស្មើធេង នេះបានសេចក្ដីថានាងមិនលេងសើចទៀតទេ
YOU ARE READING
សកលវិទ្យាល័យកំណើតស្នេហ៍ 📚 Heeseung
RomanceHeeseung ជាកូនប្រុសគ្រួសារអភិជនមួយនៅប្រទេសកូរ៉េ។ គេមានរូបរាងសង្ហារ មានចំណង់ចំណូលចិត្តនិងទេពកោសល្យលើផ្នែកតន្រ្តី ប៉ុន្តែគេបែរជាមិនសូវចំណាប់លើការសិក្សាឡើយ។ មូលហេតុនេះហើយទើបធ្វើឲ្យគេបានជួបនារីម្នាក់ឈ្មោះថា Hae-ran ដែលនាងនឹងមកបង្រៀន Heeseung ឲ្យគេអាចប្រ...
