𝑩 𝑹 𝑶 𝑾 𝑵 _𝑻 𝑨 𝑬 || VOPE ||

🤎8🤎(💔)

Unicode

ကျွန်တော်တို့ညီအစ်ကိုလိုတစ်ဖုံ သူငယ်ချင်းလိုတစ်ဖုံ ဆက်ဆံနေခဲ့ကြပြီး ကျွန်တော်ဟာနောက်ဆုံးနှစ် သူဟာတတိယနှစ်အထိရောက်လာခဲ့သည်။

ဘာတွေပြောင်းလဲသွားလဲ? အကုန်ပြောင်းလဲသွားတယ်။ အညိုရောင်လေးရဲ့ ဆံပင်ကောက်ကောက်လေးတို့ဟာ အညိုရောင်ဆံနွယ်လေးတွေနဲ့ ခေါင်းလုံးလုံးလေးဖြစ်လာခဲ့သည်။

ချစ်ဖို့ကောင်းတယ် အရင်ကလည်းချစ်ဖို့ကောင်းသလိုခုထိလည်းအသည်းတယားယားပဲ။ လူတစ်ယောက်ကိုချစ်မိပြီဆိုရင် သူ့ရဲ့အပြုအမူတိုင်းကိုငေးရခြင်းဟာ ဘာသာရပ်အသစ်သစ်တွေကိုလိုက်ကျက်မှတ်နေရသလို ရိုးသြားရတယ္မရွိခဲ့ဘူး။

လက်လေးထောက် မျက်တောင်လေးမခတ်ပဲ အကုန်ငေးကြည့်ချင်မိတယ်။ တကယ်လည်းငေးကြည့်နေမိခဲ့တယ်။ သူနဲ့စာအတူတူလုပ်မယ်ဆိုတဲ့အချိန်မှာ ကျွန်တော်ဟာ သိအောင်တစ်မျိုးမသိအောင်တစ်မျိုးငေးကြည့်နေခဲ့တယ်။ စာအုပ်လေးကိုထောင်ပြီး မျက်လုံးလေးတွေပဲပေါ်အောင်ခိုးကြည့်တယ်။ ငါစာလုပ်ပြီးပြီ မင်းကိုစောင့်ပေးမယ်ဆိုကာ စာကြည့်တိုက်ရဲ့ထောင့်ဆုံးစားပွဲခုံပေါ်မှမေးလေးထောက်ကာ သိအောင်လည်းကြည့်တယ်။

တကယ်ပြောရရင် အညိုရောင်လေးရော သူချစ်တာသိနိုင်လောက်လား။ သူ့ရဲ့အမူအရာတွေဟာ တစ်ခါတစ်လေသာမန်ထပ်လွန်ကဲနေတဲ့အချိန်တွေရှိတာမို့ အညိုရောင်လေးရောသိနေမလားပေါ့။

ဒီလိုနဲ့ကျွန်တော်ကျောင်းပြီးသွားခဲ့တယ်။ အညိုရောင်လေးဟာနောက်ဆုံးနှစ်ထိရောက်လာခဲ့ပြီး စာတွေဆက်ကြိုးစားကောင်းတုန်းပဲ။ အာရုံစိုက်ရတာများလာတော့ ခုနောက်ပိုင်းသူစာတွေလုပ်ရတိုင်း လေးထောင့်ဆန်ဆန်မျက်မှန်လေးလည်းတပ်ထားရတယ်။

ကိုယ်သည် dance class တွေတက်နေခဲ့သည်။ ဒါပေမယ့်လူတွေမသိသေးတာတွေဟာ ကျွန်တော်အနုပညာမေဂျာယူပြီး dance class တွေတက်နေပေမယ့် ရေရှည်အတွက်အလုပ်တာဝန်ဟာ အဖေ့ကုမ္ပဏီရဲ့ ရာထူးနေရာပဲဆိုတာ။