ငါတို့ မိသားစုရဲ့ အိုမီဂါလေး အရွယ်ရောက်လာပြီ ||•မြန်မာဘာသာပြန်•||

Chapter 28

Please scroll down for Zawgyi

(Unicode)

ကျိုးရှန့်မင် ပြန်ရောက်ချိန်၌ ထုန်ရန့်တစ်ယောက် အိပ်ရာနိုးပြီးဖြစ်၏။ သို့သော် အိပ်ခန်းထဲ၌လည်း မရှိသလို ဧည့်ခန်းထဲ၌လည်းမရှိချေ။ သန့်ရှင်းရေးလုပ်နေသော စက်ရုပ်ကတော့ ထုန်ရန့် အဝတ်အစားထားသည့်အခန်းထဲတွင်ရှိသည်ဟုပြောလာ၏။

အဝတ်အစားထားခန်းနှင့် ထုန်ရန့်၏ အိပ်ခန်းတို့မှာ လျောက်လမ်း၏ နှစ်ဖက်လုံး၌ အသီးသီးရှိကြခြင်းဖြစ်သည်။ ဤအိမ်သို့ ကျိုးရှန့်မင် ပထမဆုံးပြောင်းရွှေ့လာစဉ်က မူလအစီအစဉ်မှာ ဧည့်သည်များအတွက် သီးခြား ရေချိုးခန်းတစ်ခုပြုလုပ်ရန်ဖြစ်သော်လည်း အခန်းမှာ သာမန်ရေချိုးခန်းများထက် နှစ်ဆမက ကြီးနေရုံသာမက ကျယ်ဝန်းသည့် မှန်ပြတင်းပေါက်လည်းရှိသဖြင့် အလင်းရောင်ကောင်းကောင်းရပြီး ဖုံးကွယ်မှုအား မကောင်းသဖြင့် ရေချိုးခန်းတစ်ခု လုပ်ပစ်ရန် မသင့်တော်ပေ။ ထို့ကြောင့် ထိုအခန်းမှာ အမြဲတမ်း ဗလာသက်သက်ဖြစ်နေခဲ့ရ၏။

ထုန်ရန့် ပြောင်းလာပြီးနောက် ကျိုးရှန့်မင်က ထိုအခန်းကို အဝတ်အစားများထားရာ walk-in closetခန်းအဖြစ် လက်သမား အမြောက်အများငှားကာ ပြင်ဆင်လိုက်သည်။

လူတစ်ရပ်စာ မြင့်ပြီး သေးငယ်သော ဆံဆွဲမြောက်များစွာဖြင့် ဗီရိုလေးခုအပါအဝင် ဖိနပ်များနှင့် အိတ်များအတွက်လည်း စင်များ ပါသေး၏။ အရာအားလုံးမှာ လက်မှုပညာသည် ဆရာကြီးတစ်ယောက်ကိုယ်တိုင် ပြင်ဆင်ပေးထားခြင်းဖြစ်ပြီး ကိုယ်လုံးပေါ်မှန်များလည်း တပ်ဆင်ထားသေးသည်။ လေဝင်လေထွက်ကောင်းအောင် ပြင်ဆင်ထားပြီး တော်တော်လေးကို လက်ဝင်သောကြောင့် လွန်ခဲ့သည့် ရက်အနည်းငယ်ကသာ အပြီးသတ်နိုင်ခဲ့ခြင်းပင်။

ထုန်ရန့်က တံခါးကို ကျောပေးထားကာ shopping bagတစ်ပုံတစ်ခေါင်းကြီး အလည်၌ ခြေချိတ်ထိုင်နေ၏။ ကိုယ်အပေါ်ပိုင်းမှာ စောင်းလျက် သူ့ဘေးရှိ ကြမ်းခင်းပေါ်တွင် ထောင်ထား​သော ကိုယ်လုံးပေါ်မှန်ကြီးသို့ ခေါင်းမှီထားလျက်။ စတင်မရှင်းလင်းရ​သေးခင်မှာတင် အတွေးထဲ၌ တဝဲလည်လည်ဖြစ်နေခြင်းပင်။