မူဂျီအယ်လ်
🌸pann
Part (9)
" တောက် ဘမ်း.. "
ဦးသာထက် အိမ်ထဲရောက်တာနဲ့ တောက်တစ်ခေါက်ခေါက်.. ။
ဧည့်ခန်းက စားပွဲပေါ် သူ့ပိုက်ဆံအိတ် လွှတ်ပစ်တင်လိုက်တာလည်း ခပ်ကြမ်းကြမ်း.. ။
ဒေါ်ကေဇင်တော့ သက်ပြင်းသာခိုးချနေရသည်..။
" တောက်.. မင်းသားကြီး လုပ်ပုံကောင်းလား"
စပြီ.. မင်းသားကြီးနဲ့ ။
" ကိုယ့်ညီအရင်းခေါက်ခေါက် အဆောင်သွားတာတောင် လိုက်ပို့ရမှန်းမသိ.. နှုတ်ဆက်ရကောင်းမှန်းလည်း မသိ ဒါလားအကိုရင်းဒါလားအကြီးစိတ်ဓာတ်.. ရှိတာမှညီအစ်ကိုနှစ်ယောက်လေးထဲရှိတာ တည့်တည့်ရှုရှုနဲ့နွေးနွေးထွေးထွေးမရှိဘူး.. သူစိမ်းတွေကမှ သာသေး "
ပြောရင်းပြောရင်းနဲ့ ဒေါသက လိမ့်ထွက်လာပြီ..။
ခုလေးတင် သားငယ်ကို အဆောင်လိုက်ပို့ပြီး ပြန်လာကြတာ.. ။
သားငယ် အဆောင်မပြန်ခင် ဘေးအိမ်ကကောင်မလေး နိုနိုနဲ့သူ့သူငယ်ချင်းကမှ နှုတ်ဆက်ဖော်ရသေးတယ်.. ။
အိမ်ကလူ့ငနွားကတော့ သူ့ညီတောင်မနှုတ်ဆက်နိုင်ဘူး.. ။
ဘယ်သဝေထိုးပြီးသွားလည်ပတ်နေလဲမသိဘူး.. တော်တော် အလုပ်ကြီးအကိုင်ကြီး ။
" မင်းသားကြီး လုပ်ပုံနည်းနည်းလေးမှ မဟုတ်သေးဘူး.. ကိုယ့်ညီပဲကြင်ကြင်နာနာခေါ်မယ်မရှိဘူး ခေါ်လိုက်တိုင်း ဟိတ်ကောင် ဒီကောင်နဲ့ ကိုယ့်ညီအပေါ်နည်းနည်းလေးမှ သံယောဇဉ်မရှိတဲ့အကောင် "
သူကသာ ပြောလို့.. ။
မိန်းမဖြစ်သူ က တရားရေးအေးတိုက်ကျွေးနေတယ် မှတ်နေလားမသိ.. ။
ဒီက သူနဲ့မဆိုင်တဲ့အကြောင်း ပြောနေသလိုပဲ ။
" မင်းကို ပြောနေတာ ကြားရောကြားရဲ့လား ကေဇင်.. "
" ကြားပါတယ်.. ရှင်ကသာ ပြောနေတာ ရှင်ရောဘာထူးလဲ "
" ဟ.. ငါက ဘာလုပ်နေလို့လဲ "
" သားကြီးဆိုရင် ဘယ်တုန်းက အဆင်ပြေပြေဆက်ဆံတာ ရှိလို့လဲ.. ခေါ်လိုက်ရင်လည်း ဟိုကောင်ဒီကောင်နဲ့ "
YOU ARE READING
မူဂျီအယ်လ် (Unicode)
Romance" အဟွန့် ရယ်ရတယ်.. ရင်ခုန်သံတွေကို အလှပုံးလေးထဲထည့်ပြီး ထာဝရသိမ်းထားလို့ရလား အခုရင်ခုန်သံနဲ့နောက်ငါးမိနစ်ရင်ခုန်သံတောင် တူတာမဟုတ်ဘူး.. အရင်ကခံစားချက်တွေဆိုပိုဆိုးသေးတယ် မတည်မြဲတဲ့ထဲမှာရင်ခုန်သံလည်းပါတယ်နော် သတိလေးကပ်အုံး " မချစ်ခဲ့ဖူးတဲ့နှလုံးသားက ပ...
