မူဂျီအယ်လ်
🌸pann
Part (28)
ဗိုရမ် နိုးတော့ မနက် ခွန်နာရီထိုးနေပြီ..။
ရင်ခွင်ထဲက တောက်တဲ့လေးကတော့ ကပ်နေတုန်း..
" ......... "
ကျွန်တော် နိုနို့ကိုယ်လေးကို ဖက်ထားရင်းကနေ သူ့နဖူးလေးကိုစမ်းရသည်..
" အပူရှိန်လေးတော့ ရှိတုန်း.. "
ကျွန်တော်ခုမှ နိုနိုမျက်နှာလေးကို သေချာစိုက်ကြည့်မိသည်.. ။
မျက်နှာလေးတောင် နည်းနည်း ကျသွားသလိုပဲ..။
အရင်ကလို သွက်လက်လန်းဆန်းနေတဲ့ သွင်ပြင်လေးတောင်ပျောက်လို့.. ။
" ခွေးမလေး.. ကျန်းမာရေး ဂရုမစိုက်ဘူး "
နိုနို့နဖူးလေးကို အသာဖွဖွတောက်ပြီး တီးတိုးလေးငေါက်ရသည်.. ။
ကျယ်ကျယ်လည်းမပြောရဲ.. အိပ်ပျော်နေတာ ကိုနိုးသွားမှာစိုးလို့ ။
ဒီလိုလေးဆက်နေလို့ကလည်း မဖြစ်သေး..
ဗိုရမ် နိုနို့ကိုယ်လေးကို အသာလေးဖယ်မပြီး လက်ထုတ်ကာအိပ်ယာထလိုက်ရသည်.. ။
" အမလေး.. လက်တောင် အကြောသေကုန်ပြီလား မပြောတတ်ဘူး "
ဗိုရမ် လက်ကိုသွေးလည်ပတ်မှုကောင်းအောင် လှုပ်ရှားရင်း ရေချိုးခန်းထဲဝင်သွားလိုက်သည်..။
" ဖြန်း ဖြန်း.. "
လူက ညီးစိစိလေးဖြစ်နေတော့ ရေလေးနဲ့မျက်နှာကိုရိုက်ချ.. ဂုတ်ကိုရိုက်ချလုပ်နေတာ ။
အချိန်လည်းရှိနေသေးတာမို့ ရေပါတစ်ခါထဲချိုးဖို့လုပ်ရသည်.. ။
ရေချိုးခေါင်းလျှော်ပြီးမှပဲ လူကနည်းနည်းလန်းတော့တယ်.. ။
ခေါင်းကို တဘက်နဲ့သုတ်ရင်း ရေချိုးခန်းထဲက ထွက်တော့ နိုနိုကို ကြည့်လိုက်ရသေးတယ်..
သူကတော့အိပ်တုန်း..။
အဝတ်ပဲအမြန်ဝတ်ပြီး အောက်ထပ်ကိုဆင်းသွားလိုက်သည်.. ။
မအိတုံကတော့ မနက်စာအတွက်တောင် ပြင်ဆင်ပေးပြီးနေပြီ.. ။
" မအိတုံ.. အစောကြီးနိုးလို့ပါလား "
YOU ARE READING
မူဂျီအယ်လ် (Unicode)
Romance" အဟွန့် ရယ်ရတယ်.. ရင်ခုန်သံတွေကို အလှပုံးလေးထဲထည့်ပြီး ထာဝရသိမ်းထားလို့ရလား အခုရင်ခုန်သံနဲ့နောက်ငါးမိနစ်ရင်ခုန်သံတောင် တူတာမဟုတ်ဘူး.. အရင်ကခံစားချက်တွေဆိုပိုဆိုးသေးတယ် မတည်မြဲတဲ့ထဲမှာရင်ခုန်သံလည်းပါတယ်နော် သတိလေးကပ်အုံး " မချစ်ခဲ့ဖူးတဲ့နှလုံးသားက ပ...
