Unicode
Chapter 21
ကြိုးစားထား..
____________________
"မြန်မြန်ထ ပြီးရင်ငွေတွေပြန်ပေးလိုက်"
Ding Ji က Liu Jinpeng ကို လမ်းဘေးမှာဆွဲထူသည်။
"ပြီး သပ်သပ်ရပ်ရပ်လုပ်။ နောက်ပိုင်းမှာ ငါတို့အတွက် အနှောင့်အယှက်ဖြစ်လာနိုင်တဲ့ ဘာလိုဟာမျိုးမှ တန်းလန်းမချန်ထားခဲ့နဲ့""အင်း..ငါအထာနပ်ပြီသားပါ"
Liu Jinpeng က ခေါင်းငြိမ့်သည်။
"ဒီလိုဆိုတော့လည်း...သူက တကယ်မဆိုးပါလား ဟမ်? မင်းကို ကြွေးမြီဝန်ခံချက်တစ်ခုတောင် မရေးခိုင်းဘူးပဲ။ နောက်ပြီး အခြေအနေတစ်ခုခု သတ်မှတ်ပေးလိုက်သေးလား?""ဟင့်အင်း"
Ding Ji နောက်ပြန်လှည့်ကာ စားပွဲတွင်ထိုင်၍ ကြက်ဥဟူးချယ်စားနေဆဲဖြစ်သည့် Lin Wuyu ကို ကြည့်သည်။"တကယ်လို့ မင်းကပြန်မပေးနိုင်ရင်ရော?"
Liu Jinpeng က ဆိုသည်။
"သူ့မှာ သက်သေဘာတစ်ခုမှလည်းမရှိဘဲနဲ့""ငါက အဲ့လိုလူမျိုးလား?"
Ding Ji စုတ်သပ်သည်။"ဒီကိစ္စတစ်ခုလုံး ယာယီပြေလည်သွားပြီလို့ သဘောထားလို့ရတယ်။ မင်းအေးအေးဆေးဆေး စာလုပ်တော့"
Liu Jinpeng က ဆိုပါ၏။
"ငါ Lao Liu ကို အနီးကပ်စောင့်ကြည့်နေမယ်။ မင်းတို့နှစ်ယောက် ညစာစားကြဦးမှာလား?""အင်း"
Ding Ji ခေါင်းငြိမ့်သည်။
"ငါတို့ဆီကိုလာခဲ့လေ အဲဒီအချိန်လောက်""ဟေ့အေး ကျေးဇူးပဲ"
Liu Jinpeng ပြောသည်။
"ငါ သူနဲ့ ညစာအတူစားရမှာ ဘဝင်မကျဘူး။ ကသိကအောက်တွေဖြစ်ကုန်မယ်""ဘဝင်မကျစရာ ဘာရှိလို့လဲ?"
Ding Ji သူ့ကိုကြည့်သည်။"ဒီအတိုင်း ငါတို့က တူညီတဲ့လောက ကမဟုတ်လို့။ သူက တစ်ချက်ကြည့်ရုံနဲ့ အရမ်းတွေတော်ပြီး တိုးတက်ယဥ်ကျေးတယ်ဆိုတာ ပြောနိုင်တယ်"
Liu Jinpeng က အကြိမ်အနည်းငယ် စုတ်သပ်၏။
"နောက်ပြီးတော့..သူ လူကိုကြည့်ရင် ငါဘယ်လိုခံစားရလဲ သိလား?""ဟမ်?"
Ding Ji ရယ်သည်။"ငါ့လို အဆင့်အတန်းနဲ့လူတစ်ယောက်ကို တစ်ချက်ကြည့်ရုံနဲ့ သူက အူမချေးခါးမကျန် သိမှာ။"
Liu Jinpeng ကဆိုသည်။
"သူနဲ့ အတူရှိနေတဲ့အချိန်ဆို ငါ့ကိုယ်ငါလေးစားမှုကို ဆုံးရှူံးရသလိုခံစားရတယ်"
YOU ARE READING
Unbridled [Myanmar Translation]
Teen FictionTitle: Unbridled Author(s): Wu Zhe 巫哲 Translator: Mel's Translations Group (🔺translated by their permission 🔺) Credit to cover photo owner. Year 2019 Status in COO 101 Chapters + 3 Extras (Completed) Original Publisher jjwxc English Publisher N/A ...