Unicodeမဟာ ဒီနေ့အလုပ်သင် ဆင်းရမည့်နေ့ဖြစ်သည့်အတွက် စောစောထရသည်။ မဟာ အရမ်းပျော်နေသလိုပဲ ညကအိပ်မက်ထဲမှာ ကိုကိုနဲ့ပြန်တွေ့သည်တဲ့။
"ကိုကိုရေ ကျွန်တော်တို့ တနေ့နေ့ပြန်တွေ့မှာပါနော် ကိုကို့လက်ကလေးနဲ့ထိတွေ့ခဲ့တဲ့ ဒီပါးလေးတွေက ကိုကို့ အတွက်ပါ ကိုကိုကရော သတိရနေမလား"
မဟာလည်းတယောက်ထဲစကားပြောရင်းရေချိုးနေမိသည်။ ဘယ်လောက်ထိကြာနေသည်မသိ ကြီးမေသတိပေးမှ ရပ်လိုက်ရသည်။
"သားရေ မဟာ ရေချိုးတာကြာလှချည်လား ခုဏကြီးမေ လာကြည့်တုန်းထဲက ချိုးနေတာ ခုထိမပြီးသေးဘူး အအေးပတ်မယ်နော်"
! မဟာကတော့လေ လူကသာဆရာဝန်ဖြစ်တော့မှာ ခုထိလိုက်ပြောနေရတုန်း !
မဟာရေချိုး အဝတ်အစားလဲပြီး အောက်ထပ်ဆင်းခဲ့သည်။ ထမင်းစားခန်းမှာ ကြီးမေနဲ့ဒယ်ဒီကစောင့်နေတာမို့ အားနာသွားရသည်။ ဒီအိမ်မှာ မဟာက အငယ်ဆုံးလေ။
"သား ဒီနေ့အလုပ်သင် ပထမရက်မလား"
"ဟုတ် ဒယ်ဒီ "
"အစစအရာရာ အဆင်ပြေပါစေကွာ"
စားသောက်ပြီး မဟာလည်းအိမ်ထဲမှ ထွက်လာတော့ကြီးမေက မူကြိုကလေးလေး ကျောင်းသွားခါနီး မှာနေသလို မှာတမ်းခြွေလို့ မပြီးနိုင်မစီးနိုင်ဖြစ် နေလေသည်။
"မဟာလေး ဒီနေ့ မိုးကြီးမယ်တဲ့နော် မိုး/ဇလ ကသတိပေးထားတယ် ထီးယူသွား အင်္ကျီအပိုလေးရော ယူသွား"
ပြောလို့ပြောတာမဟုတ်ဘူး မဟာလေးက သူ့အဖေနဲ့ဘယ်နေရာမှမတူ အသားဖြူတာလေးကအစ သူ့အမေနဲ့တူသည် မျက်တောင်ကော့ကော့စိပ်စိပ်လေးတွေ မျက်ဝန်းကြည်ကြည်လေးတွေ အကြောစိမ်းလေးတွေ သန်းနေသည့် ပါးပြင်လေးတွေ မိန်းခလေးတွေထက်တောင််လှနေသေးသည်။ ပန်းပုပညာရှင်တယောက်က စိတ်လိုလက်ရ ပုံထုထားသည့်နှယ်။
"ကြီးမေ ပေးလေ ထီး"
"ဪ အေးအေး ဂရုစိုက်နော်"
ထီးကိုင်ထားတဲ့လက်ကလေးတွေကအစ အစိတ်အပိုင်းတခုစီကအပြစ်ပြောစရာမရှိ လှသည်လို့မသုံးချင်ပေမဲ့ တကယ်ကိုလှနေတာပါ။