Unicode
........ဝါး.........
"ဟင် အစောကြီးရှိသေး သွားပြီလား"
ညကမဟာ ဟိုလူကိုမစောင့်ပဲ အရင်အိပ်ယာဝင်ခဲ့သည်။ ပင်ပန်းလွန်းလို့ထင်သည်။ခဏတွင်းပင်အိပ်ပျော်သွားသည်။ဟိုလူဝင်အိပ်တာတောင်မသိလိုက်ပါ။
"နိုးပြီလား "
"ဟုတ် "
မဟာအောက်ထပ်ဆင်းတော့ ထမင်းစားခန်းတွင်ဟိုလူကရှိမနေ။ အလုပ်သွားပြီထင်ပါသည်။
"သားဇေက အလုပ်သွားပြီ"
"ဘာမှစားမသွားဘူးလား"
"စားပတော် ကြီးမေတောင်မနိုးသေးဘူး မီးဖိုချောင်ထဲဝင်ပြီး ထမင်းတောင်ကြော်သွားသေး ပြီးတော့ ကြက်ဥ ကြော်ရယ် ကော်ဖီလေးတောင်ပါသေး"
"သူကလုပ်တတ်လို့လား"
"လုပ်တတ်လို့မှလုပ်သွားတာလေ စားကြည့် မင်းထက်လက်ရာကောင်းတယ်"
"ဒယ်ဒီ "
"ပြောပြတာ မင်းက သူ့ကိုဆို အထင်သေးလွန်းတယ်"
"ဒယ်ဒီတို့ ကြီးမေတို့က ဘယ်လိုဖြစ်ပြီး ဒီအချိုးမပြေတဲ့ကောင်ကို ချစ်နေရတာလဲ သူနဲ့စာရင် သားကပိုလိမ်မာတယ်မဟုတ်ဘူးလား.... နောက်မှပေါက်တဲ့ရွှေကြာပင်ကိုများ"
" ရှေးဘဝကရေစက် ရှေးရေစက်ပေါ့သားရယ် သားဇေကို စတွေ့ကထဲက စိတ်ထဲမှာ ရင်းနှီးနေသလိုပဲ "
"ဪ ဒယ်ဒီ နက်ဖြန်ကျရင် ခရီးထွက်ရမယ် "
"ဘာအတွက်နဲ့လဲ သားမဟာ"
"ဆေးရုံကပါ ဟောပြောပွဲလုပ်ရင်းနဲ့ ဆေးလှူဖို့ရော"
"သားဇေကို ခေါ်သွား"
"မခေါ်ချင်ဘူး ဒယ်ဒီ ကိုယ်တစ်ယောက်ထဲမှမဟုတ်တာ တခြားလူတွေလည်းရှိတယ်လေ"
"အဲ့ဒါဆို ပိုတောင်ခေါ်ရဦးမှာ"
"သားအသက် မငယ်တော့ဘူး ဒယ်ဒီ"
"မင်း ကိုစိတ်မချလို့ ပြောနေတာမဟုတ်ဘူး"
"ဒါဆိုဘာလဲ"
"ဒီတိုင်းပဲ သူနဲ့ဆိုရင် ဒယ်ဒီ စိတ်အေးရလို့"
"ဟုတ်သားပဲ သားရယ် ခေါ်လို့ရရင်ခေါ်သွားပါလား မရဘူးဆိုရင်တောင် ဆေးရုံအုပ်ကို ပြောကြည့်လေ"
!["မျှော်လင့်မထားခဲ့သော" [ Completed ]](https://img.wattpad.com/cover/291590481-64-k469710.jpg)