Endless Poem

20

For Unicode

" To do list?? "

" ဟုတ်သဗျာ "

နမ်ဂျွန်းရဲ့ ပြောပုံကြောင့် ဆော့ဂျင် ခေါင်းလှန်ကာ ရယ်ချလိုက်ပြီး စာရွက်ဖြူလေး ပေါ်က ခပ်သော့သော့ လက်ရေးတစ်ချို့ကို ဖတ်လိုက်သည်။

" ဟင်? နောက်ဘ၀မှာလုပ်ရန် ဟုတ်လား "

အထိတ်ထိတ်အပြာပြာဖြစ်သွားတဲ့ ဆော့ဂျင်ကိုကြည့်ရင်း ဒီတစ်ခါတော့ နမ်ဂျွန်းက ရယ်သည်။

သူကတော့ တကယ်ထိတ်လန့်သွားတဲ့ဟာကို။

" မောင် ခင်ဗျားက တကယ့်လူပဲ
စာဖတ်ကြည့်အုံးလေ "

သူ့လက်ထဲက စာရွက်ဖြူလေးကို နမ်ဂျွန်းကမေးငေါ့ပြရင်း သူ့ပါးကို လှမ်းနမ်းဖို့ပြင်သည်။

ဆော့ဂျင် ရှောင်လိုက်ရင်း အိပ်ယာပေါ်လှဲနေရာမှ ထကာ ဧည့်ခန်းထဲရှိ ဆိုဖာပေါ်သို့ ထိုင်ချလိုက်သည်။

နောက်ကတစ်ဖဝါး မကွာလိုက်လာတဲ့ နမ်ဂျွန်းက ကြောင်လေးတစ်ကောင်လို သူ့ပေါင်ပေါ် တိုးဝှေ့ကာ ခေါင်းတင်၍ အိပ်ဖို့ပြင်နေသည်။

အလုပ်မရှိတဲ့ ကျောင်းပိတ်ရက်မို့ နမ်ဂျွန်းသဘောကျ သူအလိုလိုက်ပေးထားတာလဲ ပါမည်။

To do list!(နောက်ဘ၀မှာလုပ်ရန်)

1။ သက်တူရွယ်တူဖြစ်ရန်

ထိုအချက်ကို အော်ဖတ်လိုက်ရင်း ဆော့ဂျင် နမ်ဂျွန်းရဲ့ နှဖူးကို ခပ်ဆဆတောက်လိုက်သည်။

" ဒါက ကြိုစီမံနိုင်တာလဲ မဟုတ်ပဲနဲ့ "

မျက်လုံးတွေမှိတ်ထားသော်ငြား ပြုံးနေဆဲ နမ်ဂျွန်းက

" မသိဘူးဗျာ...သူ့အလိုလိုဖြစ်သွားလိမ့်မယ် "

2။ အတန်းတူတူ တတ်ရန်

" ဒါက ဘာလို့လဲ ? "

" ဟင်း ကျွန်တော့်မှာ ငယ်ငယ်တုန်းက မောင်တို့အတန်းထဲ ဘယ်လောက်တောင် စာ၀င်သင်ချင်ခဲ့ရသလဲ...ခင်ဗျားမသိဘူးမှလား? သိပ်တော့မမှတ်မိပေမယ့် မောင်နဲ့ အတူတူ တစ်တန်းထဲ စာသင်ချင်ခဲ့တာ "

" မင်း အရွယ်လေးနဲ့ "

" ကျွန်တော်က ခင်ဗျားကို နှစ်ရှည်စီမံကိန်းနဲ့ ကြံတာလေ ဘာဖြစ်ချင်လဲ "