Unicode
မက်စောက်ပြီးကျဥ်းမြောင်းလှသည့် တောင်ဆင်းလမ်းလေးမှ Hagridဦးဆောင်သည့်နောက်သို့ လိုက်လာကြသည်။ Harryမှာ စာသင်နှစ်ခြောက်နှစ်တာ ဖြတ်သန်းခဲ့ဖူးတာကြောင့် ပထမနှစ်တုန်းကလို ဒယိမ်းဒယိုင်နှင့်မလျှောက်ရတော့ချေ။ အံ့သြစရာကောင်းသည်က Dracoဟာ Crabbeနဲ့Goyleကိုသူ့နောက်တွင်ထားပြီး Harryရဲ့အနီးတွင်ကပ်လျှောက်နေသည်။
'Crabbeနဲ့ Goyle ။ Malfoyက Crabbeနဲ့Goyleကို သူ့နောက်မှာအမြဲခေါ်ထားတာ'
Harry ထိုရင်းနှီးနေသည့်မြင်ကွင်းကြောင့် စိတ်ထဲထူးထူးဆန်းဆန်းပျော်မိသွားသည်။
ကွေ့တစ်ခုကိုချိုးပြီးနောက် အရှေ့ဘက်တွင် သူနှင့်အကျွမ်းတဝင်ရှိလှသည့် Hogwartsကျောင်းတော်ကြီးကိုလှမ်းမြင်နေရသည်။ Harry၏နှလုံးခုန်သံဟာလည်း ရုတ်တရက် တစ်စတစ်စမြန်ဆန်လာသည်။
"လှေတစ်စီးမှာ လေးယောက်ပဲစီးလို့ရမယ်"
Hagridကလှေတွေကိုညွှန်ပြရင်း အော်ပြောသည်။ Harryလည်း လှေပေါ်တက်လိုက်တော့ Ron ၊ Hermioneနဲ့ Nevilleတို့လည်းနောက်ကတက်လာသည်။ Harryအနောက်ကိုမသိမသာလှည့်ကြည့်ပြီး ခေါင်းကိုချက်ချင်းရှေ့သို့ပြန်လှည့်လိုက်သည်။ Draco Malfoyက သူတို့လှေပေါ်တက်လာဖို့လုပ်နေတာ Harryကျိန်ပြောရဲသည်။ နောက်တော့ Malfoyက သူတို့ဘေးမှလှေတစ်စင်းပေါ်တက်ကာ Crabbeနဲ့ Goyleတို့နှင့်အတူထိုင်နေသည်။
Merlin!
Potterနဲ့ ရင်းရင်းနှီးနှီးနေနေတဲ့Malfoyက တကယ်ကို ကသိကအောက်နိုင်လွန်းသည်။
Harry စိတ်ညစ်ညစ်ဖြင့် ရေပေါ်သို့လက်ဆန့်ထုတ်လိုက်သည်။ ဒီရေကန်က သူ့ကိုအမှတ်တရတွေအများကြီး ပြန်သတိရစေသည်။ အထူးသဖြင့် Voldemortကိုပြန်အသက်သွင်းဖို့ မှော်မီးခွက်ထဲ နာမည်အထည့်ခံရသည့်အချိန်ကိုပေါ့။ ထိုအတိုင်းအတာလောက်အထိကို ပြောင်းလဲလို့ရပါ့မလားဆိုတာ Harryလည်းသေချာမသိပေ။ ညအချိန် တိမ်တိုက်တွေထဲအထိ ထိုးဖောက်နိုင်လောက်အောင်ကြီးမားတဲ့ရဲတိုက်ကြီးကို ငေးကြည့်ကာ ဒီနေရာတွင်တိုက်ပွဲ၏ရိုက်ခတ်မှုဒဏ်တွေ ဖြစ်လာမှာကိုတွေးမိရင်း မွန်းကြပ်သည့်ခံစားချက်တို့ဟာလည်း အရှိန်နဲ့ထိုးတက်လာလေသည်။ ထိုအချိန်တုန်းက Harryစိတ်ထဲတွင် Hogwartsအတွက် တိုက်ပွဲဝင်ပေးရန်စိတ်တစ်ခုသာရှိခဲ့သည်။
YOU ARE READING
𝙰𝙶𝙰𝙸𝙽 - Drarry (မြန်မာဘာသာပြန်)
FanfictionThis is a Chinese Drarry fanfiction. Original Author - The Second Second/ 笙老师 Total Chapter - 280 Chapters https://www.256wenku.com/read/19283/ Voldemortနှင့် တိုက်ပွဲအပြီးတွင် ရုတ်တရက် ပျောက်ကွယ်သွားပြီး ၁၁နှစ်အရွယ်သို့ ပြန်ရောက်ရှိသွားသည့် Harry...