Only For Me [𝐶𝑜𝑚𝑝𝑙𝑒𝑡𝑒𝑑]

Part - 12⚡

🔹Unicode🔹

'Hello သည်းငယ်'

'ဦး ဘာလို့နောက်ကျနေတာလဲ ကျွန်တော်စောင့်နေတာ15မိနစ်လောက်ရှိပြီ'

'ဦးက တစ်နေကုန်လျှောက်လည်မှာဆိုတော့ သည်းငယ်စားတတ်တာလေးတွေ လုပ်ခိုင်းနေလို့ပါ ခုသည်းငယ်တို့လမ်းရောက်တော့မယ်နော်'

'ဟုတ် ဒါဆိုကျွန်တော် ခြံပြင်ထွင်စောင့်နေမယ်နော် ဖြည်းဖြည်းမောင်းအုံး ဦး'

'ရတယ် သည်းငယ် အိမ်ထဲကပဲစောင့်'

ဦးက အိမ်ထဲကစောင့်ဖို့ပြောပေမယ့် ကြာနေမှာဆိုးလို့ ခြံပြင်သာထွက်စောင့်လိုက်သည်။10တန်းစာမေးပွဲကြီးဖြေပြီးကထဲက ဦးနဲ့အတော်လေးအပြင်သွားဖြစ်သည်။ဦးနဲ့3ခါလောက်အပြင်ရောက်မှဟို2ကောင်နဲ့ 1ခေါက်ရောက်တော့ ဆဲကြတာမှ ၀က်၀က်ကွဲပင်။ပြီးတော့ ဖုန်းလဲပြန်ရနေပြီမို့ အပြင်သွားတိုင်း ဦးကကျွန်တော့်ရဲ့ personal cameramanဖြစ်သည်။ပုံတင်ရင်လဲ Camera by ဘာညာဆိုပြီး သူ့ကိုmentionခေါ် ‘ဦး’ ပါထည့်မှ ကျေနပ်လေသည်။အဲ့အချိန်ဆို မြတ်မှူးနဲ့ဝေလျှံတို့က mentionခေါ်ပြီး ဆဲကြသည်။ကျွန်တော်ကလဲ ငြိမ်ခံတတ်တဲ့ကောင်မဟုတ်တော့ publishမရှောင် အချင်းချင်းဆဲတာ အကျင့်တောင်ဖြစ်နေပြီ။

"ဪ သည်းငယ် အိမ်ထဲကစောင့်ပါဆို "

"ကြာနေမယ်ဆိုးလို့ ဟီး"

"ဟုတ်ပါပြီ တက်"

ကားပေါ်ကဆင်းပြီး ကိုယ်တိုင်ကိုယ်ကျတံခါးလာဖွင့်ပေးသည့် ဦး။သူကကျွန်တော်နဲ့ပတ်သတ်ရင် အစအဆုံးလိုက်လုပ်ပေးချင်တဲ့လူမျိုးမဟုတ်လား။ကျွန်တော်ကလဲ ဦးကြောင့် ဘာမှမလုပ်ချင်တော့တာ အတော်လေးကိုအကျင့်ပါနေပြီဖြစ်သည်။

"ဦး ချိုင့်တွေခြင်းတွေက များလိုက်တာ ဘာတွေလဲ"

"နေ့လည်စာ ထမင်းနဲ့ဟင်း ပြီးတော့ သည်းငယ်စားဖို့ seafood pizzaကို Cheese များများနဲ့ ပြီးတော့ chocolate cake  ပြီးတော့ အာလူးကိုအပြားလေးတွေ ဟိုဘက်ဒီဘက်ဖောက်မြင်လောက်တဲ့ထိပါးအောင်လုပ်ပြီး ကြွပ်ကြွပ်လေးကြော် ပြီးတော့ KFC style ကြက်ကြော်milk tea Colaနဲ့ ရေလဲအပူအအေးနှစ်ခုလုံးထည့်လာတယ်"