THE FIRST TIME WE MET🌊 [COMPLETED]

Part . 17🌊

[Song Recommendation For ThiS Episode]

Angel baby:
Troye Sivan

Unicode

ဂျောင်ဂုအတွက်အားရှိစေရန် ကြက်သားဂျင်ဆင်းပြုတ်တစ်ပွဲနှင့်ကိုယ်ပူကျစေဖို့သောက်ဆေးအနည်းငယ်ဝယ်ယူလာခဲ့သည်။

မိုးဖွဲလေးများကြားထဲ ထီးတစ်ချောင်းနှင့်မမောနိုင်မပန်းနိုင်ပြေးဝယ်တဲ့ကိုယ့်ဘာသာကိုအံ့ဩမဆုံး။

ကိုယ့်ဝမ်းဖြည့်ဖို့တောင်ပျင်းသည့်အကြောင်းပြချက်ဖြင့် ဟင်းမဝယ်ပဲကြက်ဥကြော်နှင့်သာစားရန်ဆုံးဖြတ်ပြီးပြင်ဆင်ထားသည့် ထမင်းစားပွဲလေးဟာ စားသူမဲ့နေလျက်။

ခေါက်ဆွဲများမှာလဲပွပြီး ထမင်းတွေဟာ အပေါ်ကြောတွေပင်မာကုန်၏။

ရေစိုနေသည့် ခေါက်ထီးအားတစ်ချက်ခါလိုက်ပြီး ပုံးထဲသို့ပစ်ထည့်လိုက်သည်။

ဝယ်လာသည်များကိုပန်ကန်လုံးထဲသို့ပြောင်းထည့်ပြီး microwaveဖြင့်တစ်ဖန်ပြန်နွှေးစေ၏။
မိုးရေထဲဖြတ်ပြီးလမ်းလျှောက်လာတာမို့ စားစရာကအနည်းငယ်အေးသွားခဲ့သည်။
နေမကောင်းသည့်ဂျောင်ဂုက ပူပူနွေးနွေးစားရန်လိုအပ်သည်မို့ မီးဖိုချောင်တွင်ရပ်ပြီးစောင့်နေလေသည်။

"အစ်ကို"

ခေါ်သံကြောင့် နောက်လှည့်ကြည့်မိတော့ ဂျောင်ဂုကအပေါက်ဝတွင်ရပ်နေသည်။
မျက်နှာကသွေးရောင်အနည်းငယ်လွှမ်းလာသည်မို့စိတ်သက်သာရာရသွား၏။

"ထိုင်လေ အစ်ကိုမင်းအတွက် ကြက်သားဂျင်ဆင်းဝယ်လာတယ် အာ့တာပြန်နွှေးနေတာ"

သူ့စကားအဆုံးခေါင်းအသာငြိမ့်ပြရင်းတစ်ချက်ပြုံးသည်။
ထို့နောက် ခုံတစ်လုံးဆွဲပြီးဝင်ထိုင်တော့သည်။

ထယ်ယောင်းလုပ်သမျှကို မျက်တောင်မခတ်တမ်းလိုက်ပြီးကြည့်နေသည့်ဂျောင်ဂု။
ထမင်းစားပွဲပေါ်သို့ လက်ညိုးဖြင့်တတောက်တောက်ခေါက်လျက် အမေပြင်ဆင်ပေးသည့်စားစရာအားစောင့်ဆိုင်းနေသည့်ကလေးတစ်ယောက်သဖွယ်။

ပန်းကန်လုံးက ပူနေသည်မို့ မီးဖိုချောင်သုံးလက်အိတ်ဖြင့် မ,ယူလိုက်၏။
အိမ်မှာချက်စားလေ့မရှိသော်လဲ တစ်ခါတရံ အမကလာပြီးချက်ကျွေးတတ်သည်မို့ မီးဖိုချောင်သုံးပစ္စည်း၊အသား၊ငါး၊အသီးအရွက်တို့မှာရှိနေတတ်သည်။